InfoHub Logo

Almaty oblysyndaǵy ásem Kólsaı kólderi ulttyq parki aýmaǵynda jol apaty boldy. Turaqqa qoıylǵan mıkroavtobýs kenetten ózinen-ózi qozǵalyp, shatqalǵa qulap ketti. Bul týraly vıdeo áleýmettik jelide taralýda.

Bul týraly Infohub.kz aqparat agenttigi habarlaıdy.

Mıkroavtobýstyń quzǵa qulaýy

Vıdeoda kólik tik betkeımen tómen qaraı syrǵanap bara jatqany kórinedi. Polısıa málimetinshe, oqıǵa 25 sáýirde Kólsaı taýly aımaǵynda bolǵan. Aldyn ala boljam boıynsha, kólik turaq ornynan ózindik qozǵalysqa kelip, betkeımen tómen domalaǵan.

Zardap shekkender joq

Quzyrly organ ókilderiniń aıtýynsha, bul oqıǵa saldarynan eshkim zardap shekpegen. Avtomobıl ıesi polısıaǵa shaǵymdanýdan bas tartqan jáne eshkimge eshqandaı talap-aryzy joq ekenin bildirgen.

Apattyń naqty sebepteri anyqtalýda. Qazirgi ýaqytta TJM «Qazselqorǵaý» RMM jáne Almaty oblysy TJD kúshterimen kólik qıyn qoljetimdi jerden shyǵaryldy.