InfoHub Logo

Taqyryby: «Zorlyq - zombylyqsyz otbasy»
Maqsaty: Bala tárbıesinde ata - ananyń alatyn ornynyń erekshe ekenin túsindirý; ata - ana boıyna ózderin tárbıeshi muǵalim retinde qaraýda qyzyǵýshylyqtaryn damytý; balamen durys til tabysýǵa, balamen qysym túsirmeı, zorlyq – zombylyqsyz qarym – qatynas ornatýǵa baǵyt berý.
Kórnekiligi: Ulaǵatty sózder jazylady: «Taıaqtaý ońaı, tárbıeleý qıyn», «Balaqan ósirý — Balapan ushyrý emes», «Bala neni bilse jastan, uıadan — óle ólgenshe sony tanyr qıadan», kesteler, vıdeorolıkter t. b
İ. Baıandama «Zorlyq – zombylyqsyz otbasy» atty baıandama mazmunymen tanystyryp, áńgimelesý júrgizý.
Qaıyrly kún qurmetti ata - analar, ustazdar jáne qonaqtar! Búgin sizder «Zorlyq – zombylyqsyz otbasy» atty ata - analar jınalysyna jınalyp otyrsyzdar.
Qosh keldińizder!
1. Uıymdastyrý kezeńi.
2. Tynyshtyq sáti.
3. Kirispe
Bala - adamnyń keleshegi, balany tárbıeleý, qoǵamnyń sapaly múshesi etip ósirý ata - ananyń ardaqty boryshy. Bala jasynda qalaı tárbıelense, eseıgende sony isteıdi. Halqymyzda «Balany jastan» degen maqal bar. Biraq únemi «úıtpe, búıtpe» dep otyrsa da bala ynjyq, jasqanshaq bolady. Biraq, bala tárbıeleýdiń jóni osy eken dep, tárbıeden tys qataldyq kórsetýdiń ózi bala ómirine qaýip týǵyzady. Qataldyq kerek desek te... tárbıeleýdiń durys joldaryn qoldanǵan jón. Bala bilýge qumar, kórgenine eliktegish, túsinbese suraǵysh, kókiregi taza, synshyl jáne shynshyl bolady. Balanyń boıyndaǵy osy qasıetin saqtaý úshin oǵan týra shynshyl, adamgershilik tárbıe kerek. Qazirgi ýaqytta balalardyń televızor, kompúterderden kóretini uryp - soǵý, jan - janýarlardy jábirleýdi kóredi. Osyny kórgen bala ishteı neniń durystyǵyn, neniń burystyǵyn túsine bermeıdi. Ádette teris qylyqtan keıin jaza turady.

Bala ata - anasynyń jazasyn ádiletsiz jaza dep sezinedi. Biraq balaǵa ne úshin jazalanǵanyn durystap oılandyrǵan jón jáne bala ózin ata - ananyń ornyna qoıyp, óz qylyǵyn olardyń kózimen kórýge tyrystyrý kerek. «Áke kórgen oq janar, sheshe kórgen ton pisher» demekshi balaǵa otbasy tárbıesiniń áseri mol. Tárbıege áser etetin ósken orta, ata - ananyń tárbıesi durys bolmasa, balaǵa keri áser etedi. Otbasyndaǵy ata - ananyń minez - qulqy balaǵa úlgi - ónege alatyn basty nysanasy bolmaq. Sonymen, ómirdiń jeke - dara tulǵasy bolǵandyqtan, balanyń óz quqyǵyn qorǵaý konvensıasyn qoldaı otyryp, mektepte 19 - 28 karasha aralyǵynda «Zorlyq - zombylyqsyz balalyq shaq» atty respýblıkalyq aqparattyq naýqan boıynsha mektepishilik is - sharalar ótkizilýde.

Búgingi kezdesý «Zorlyq - zombylyqsyz balalyq shaq» atty respýblıkalyq aılyqqa arnalady. Jınalysymyzdy bastaýǵa ruqsat etińizder.
Adamǵa jasynan bulaq sýyndaı móldir, aınadaı taza bolyp ómir súrýge mashyqtandyrý úshin asa úlken tárbıe kerek.
Fılmnen úzindi kóreıik «Balalyq shaq».

Árıne, bul ómirdiń qyzyq kezderi.
Sábı neni biledi dep, nemquraıly oılaǵandyqtan bolyp qatelesip júrgen jaǵdaıymyz da az emes. Náreste sóıleı almasada bárin túsinedi. Sondyqtan onyń qasynda keleńsiz jaǵdaı jasaýǵa, bylapyt sóıleýge, aıqaı - shý kóterýge bolmaıdy. Ár ata - ana balasyn jaqsy adam bolsa eken dep armandaıdy. Alaıda, ol tez arada tamasha adam bola qoımaıdy. Ol úshin ózderi arasyn sypaıy qatynasyp mádenıettilik tanytýmen qatar, oǵash minez shyǵarmaýy qajet. «Balapan uıada neni kórse ushqanda sony iledi»- degen ataly sóz sodan qalǵan. Keıbir ata - analar balany uryp soǵyp, qorqytyp tárbıeleımin dep qatelik jasap ta júr. Bul jaqsy tárbıe bolmaıdy da, kersinshe sol balanyń qatigez bolýyna nemese qorqaq bolýyna yqpal etedi. Qatal bolsańyz balańyzdy renjitip, júregine qaıaý salasyz.