InfoHub Logo

بۇكىل الەمدە 1 - ءشى ماۋسىم بالالاردى قورعاۋ كۇنى رەتىندە اتالىپ ءوتىپ، ەسكى حالىقارالىق مەيرامداردىڭ بىرىنەن سانالادى. بۇل مەيرام بۇكىل الەمنىڭ نازارىن بالالار ماسەلەسىنە اۋدارۋدى كوزدەيدى. بالالاردى قورعاۋ كۇنى  ءارتۇرلى ءىس-شارالار وتكىزۋىمەن اتاپ وتىلەدى. ونى وتكىزۋ  جونىندە شەشىم 1949 جىلدىڭ قاراشا ايىندا حالىقارالىق دەموكراتيالىق ايەلدەر فەدەراسياسىنىڭ ارنايى سەسسياسىندا قابىلداندى. العاشقى حالىقارالىق بالالاردى قورعاۋ كۇنى 1950 جىلى وتكىزىلدى بۇۇ اتالعان باستامانى دەر كەزىندە قولداپ، بالالاردىڭ ءومىرىن، قۇقىعىن، دەنساۋلىعىن قورعاۋدى ءوز قىزمەتىنىڭ باستى باعىتتارىنىڭ بىرىنە اينالدىردى. حالىقارالىق بالالار كۇنى مەرەكەسىنىڭ تۋى دا بار.

الەمدە ءومىرى قاتەرگە تولى بالالار دا بارشىلىق. اش-جالاڭاشتىق، سوعىس ءورتى، تەراكتىلەر بالالار عانا ەمەس، ۇلكەندەردىڭ دە پسيحيكاسىنا كەرى اسەرىن تيگىزەدى. بۇل- قورعانسىز بالالاردىڭ باسىنا تۇسكەن ۇلكەن اۋىرتپالىق ەكەندىگى شىندىق. جاسوسپىرىمدەر اراسىندا ناشاقورلار سانى وسۋدە، ولاردىڭ جارتىسىنان استامى ىشىمدىك ىشۋدەن دە كەت ءارى ەمەس. وسىلايشا، بالالاردى قورعاۋ كۇنى مەرەكە عانا ەمەس، سونىمەن قاتار، بولاشاققا باعدار جاسايتىن ماڭىزدى شارانىڭ ءبىرى. ادامزاتتىڭ الدىندا تۇرعان زور مىندەت - بولاشاق ۇرپاقتىڭ باقىتتى ءومىرىن قالىپتاستىرۋ.

---