InfoHub Logo

ساباقتىڭ تاقىرىبى: 1 قىركۇيەك – ءبىلىم كۇنى
ساباقتىڭ ماقساتى: بالالارعا 1 - قىركۇيەك كۇنى – ءبىلىم كۇنى جايىندا تۇسىنىك بەرۋ. ءوز تۋعان ەلدەرىنە، جەرلەرىنە، بالاباقشاسىنا سۇيىسپەنشىلىككە تاربيەلەۋ. بايلانىستىرىپ سويلەۋگە، سويلەم قۇرا بىلۋگە ۇيرەتۋ.
كورنەكى - قۇرالدار: قازاقستان رەسپۋبليكاسىنىڭ رامىزدەرى، سۋرەتتەر.
ءادىس - تاسىلدەر: كورنەكىلىك، سوزدىك، سۇراق - جاۋاپ.

بارىسى:
ءى. كىرىسپە ءبولىم.
مەملەكەتتىك ءانۇراندى ورىنداۋ.
تاربيەشى: بالالار، بۇگىن بىزدە ەرەكشە كۇن، بۇگىنگى ساباعىمىز ءبىزدىڭ ءبىلىم كۇنىنە، ءبىرىنشى قىركۇيەك كۇنىنە ارنالعان. 1 - ءشى قىركۇيەك كۇنى بارلىق بالالباقشالاردا، مەكتەپتەردە باسقا دا ءبىلىم بەرۋ مەكەمەلەردە ساباقتار باستالادى. بۇل كۇن سەندەر ءۇشىن، ياعني وقۋشىلار ءۇشىن جانە بىزدەر ءۇشىن، ۇستازدار ءۇشىن ۇلكەن مەرەكە كۇنى بولىپ سانالادى. ءار ءبىر مەكتەپتەردە، بالاباقشالاردا، باسقا دا ءبىلىم بەرۋ مەكەمەلەردە تۇڭعىش قوڭىراۋ سوعىلادى (تاربيەشى قوڭىراۋ سوققان بالانىڭ سۋرەتىن كورسەتەدى).
وسى تۇڭعىش قوڭىراۋدان باستاپ كۇندەلىكتى وقۋ باستالادى. بالالار، جاقسى، ءبىلىمدى، تاربيەلى ازامات بولۋ ءۇشىن، ەرىنبەي وقۋ وقىپ، ءبىلىم الۋ كەرەك. ول ءۇشىن سەندەر بالاباقشاعا كۇندە كەلىپ، ساباق وقىپ، تاربيە الۋ كەرەكسىڭدەر.
بالالار، ءبىز ەرەسەك توبىندا وقۋ وقىعاندا ءبىزدىڭ قازاقستان رەسپۋبليكاسىنىڭ رامىزدەرى جايىندا ءبىلىم العانبىز، ەندەشە ەسىمىزگە تۇسىرەيىكشى، ءبىز قانداي قازاقستان رەسپۋبليكاسىنىڭ رامىزدەرىن بىلەمىز.
(بالالاردىڭ جاۋابىن تىڭداۋ)
تاربيەشى: دۇرىس، ءانۇران، ەلتاڭبا، تۋ.
بالالار، ايتىڭدارشى، ءبىز قاي رەسپۋبليكادا تۇرامىز؟
بالالار: ءبىز قازاقستان رەسپۋبليكاسىندا تۇرامىز.
تاربيەشى: دۇرىس. قازاقستان رەسپۋبليكاسىنىڭ پرەزيدەنتى كىم؟
بالالار: نۇرسۇلتان ءابىش ۇلى نازاربايەۆ.
تاربيەشى: وتە جاقسى. ءبىزدىڭ قازاقستان رەسپۋبليكاسىنىڭ ەلورداسى قاي قالادا؟
بالالار: قازاقستان رەسپۋبليكاسىنىڭ ەلورداسى استانا قالاسى.
تاربيەشى: وتە جاقسى بالالار. ايتىڭدارشى، ءبىز قاي قالادا تۋىپ، ءومىر ءسۇرىپ جاتىرمىز؟
بالالار: ءبىز كوكشەتاۋ قالاسىندا تۋىپ، ءومىر ءسۇرىپ جاتىرمىز.
تاربيەشى: بالالار، ايتىڭدارشى، ءبىزدىڭ بالاباقشامىزدىڭ اتى قالاي؟
بالالار: «اسەل» مەكتەپ - باقشاسى.
تاربيەشى: وتە جاقسى بالالار. سەندەر وزدەرىنىڭ رەسپۋبليكالارىن، رامىزدەر جايىندا، ەلوردا جايىندا بارلىعىن بىلەسىڭدەر. ال، بالالار، ەندى بىزگە دانيا اتتى بالامىز وتان تۋرالى تاقپاق ايتىپ بەرگىسى كەلەدى.

ءىى. نەگىزگى ءبولىم.
دانيا:
وتاندى ءبىز اتامەكەن دەپ ايالاپ اتايمىز.
ويتكەنى ونى مەكەن ەتكەن، بابامىز بەن اتامىز.
وتاندى اركىم اناسىنداي، قاستەرلەيدى باعالاپ
ويتكەنى وتان اناسىنداي، ءبىزدى وسىرەر ايالاپ.
تاربيەشى: مىنە، وسىنداي تاتۋ ءتاتتى، باقىتتى مەلەكەتتە ءبىز ءومىر ءسۇرىپ جاتىرمىز. ەندەشە ءبىز بۇگىنگى مەرەكەگە ارنالعان ولەڭ تاقپاقتارىمىزبەن ساباعىمىزدى جالعاستىرايىق.
ۆەنەرا:
ءبىلىم العان وزىڭنەن، دارىگەر، ۇشقىش نە عالىم.
ساعان ىستىق سەزىممەن، قارايدى جۇرت، ءمۇعالىم.
مەن دە ءوزىڭدى ءاردايىم، قامقورىم دەپ ۇعامىن
كۇلىپ اتقان تاڭداسىڭ، جارقىڭسىڭ سەن، ءمۇعالىم.
دانيال:
قىركۇيەكتىڭ بىرىندە، كەۋدەم تولى دىرىلگە
قۇلاق تۇيەم ەلەڭدەپ، «باقشا» دەگەن ءبىر ۇنگە.
بۇرحان:
سالەم ساعان بالاباقشام، التىن ۇييام سۇيىكتى
سەن اپەردىڭ بىلىكتى، سەنەن ءوسىپ كوكتەدىم.

بالالاردىڭ ورىنداۋىندا ءان «ءبىزدىڭ بالاباقشا».
نۇربول:
كەلگەنىمدە الدىڭا، قىزىل اراي گۇل الىپ
جاقىن تارتىپ جانىڭا، شاكىرتىم دەپ قۋانىپ.
بالالارمەن سۋرەتتەر بويىنشا اڭگىمەلەسۋ.
ويىن: «مەنىڭ سۇيىكتى بالاباقشام».
ماقساتى: بالالاردىڭ سوزدىك قورىن بايىتۋ، بايلانىستىرىپ سويلەۋگە ۇيرەتۋ، ءوز تۋعان جەرلەرىنە، ەلدەرىنە، بالاباقشالارىنا دەگەن سۇيىسپەنشىلىككە تاربيەلەۋ.
رامازان:
سالەم ساعان بالاباقشام، العىستارىم كوپ مەنىڭ.
وقۋ، ءبىلىم، تاربيە، وي ساناما ەككەنىڭ.
ادەليا:
بالاباقشام – ايتار ءانىم، سان رەت قايتالادىم.
وزىڭنەن العانىمدى، وزىنە قايتارامىن.

ءىىى. قورىتىندى ءبولىم.
تاربيەشى: مىنە، بالالار، وسى كۇننەن باستاپ بىزدە كۇندەلىكتى ساباقتارىمىز، قىزىقتى دا كوپ نارسەگە ۇيرەنەتىن كۇندەرىمىز باستالدى.
ءارقاشان بۇگىنگىدەي جاقسى كوڭىلمەن، بارلىعىن ۇيرەنەمىز دەگەن ماقساتپەن بالاباقشالارىڭا كەلۋلەرىڭە تىلەكتەسپىن. بۇگىنگى ساباققا جاقسى قاتىسقاندارى ءۇشىن كوپ راحمەت. بۇگىنگى 1 - ءشى قىركۇيەك – ءبىلىم كۇنىنە ارنالعان ساباعىمىز وسىمەن اياقتالدى.