InfoHub Logo

قازاقستاننىڭ ءبىرقاتار وبلىستارىندا وقۋشىلارعا سمارتفونداردى ۇستاۋعا تىيىم سالۋ ماسەلەسى قاراستىرىلۋدا. بۇل تۋرالى بالالاردىڭ قۇقىقتارىن قورعاۋ كوميتەتى حابارلادى.

«ءبىرقاتار وڭىرلەردە (الماتى قالاسىندا، الماتى، اقمولا، اتىراۋ، اقتوبە، جامبىل، قىزىلوردا، قوستاناي، ماڭعىستاۋ، پاۆلودار، باتىس قازاقستان، سولتۇستىك قازاقستان جانە وڭتۇستىك قازاقستان وبلىستارىندا) مەكتەپ وقۋشىلارىنا تەك قاراپايىم ۇيالى تەلەفونداردى قولدانۋ تۋرالى ماسەلە قاراستىرىلۋدا. بۇنداي شەشىم وقۋشىلاردىڭ اتا-انالارىمەن كەلىسىلگەننەن كەيىن قابىلداندى»، - دەپ اتاپ ءوتتى كوميتەت.

ايتا كەتەيىك، «ءبىلىم تۋرالى» زاڭى اياسىندا وقۋشىلار مەكتەپتىڭ ىشكى ءتارتىپ ەرەجەلەرىن ساقتاۋعا مىندەتتى. ەرەجەلەردە ولاردىڭ بۇزۋشىلىقتارى ءۇشىن قابىلداناتىن شارالار كورسەتىلگەن جانە ءاربىر جاعداي اتا-انالاردىڭ (زاڭدى وكىلدەرىنىڭ) قاتىسۋىمەن جەكە پەداگوگيكالىق كەڭەستەردە قارالادى.

«كوميتەت ءبىلىم بەرۋ ۇيىمدارىندا پلانشەتتەردى جانە سمارتفونداردى قولدانۋ تۋرالى اتالعان ماسەلە مەكتەپتەردىڭ ىشكى ءتارتىپ ەرەجەلەرىمەن رەتتەلەتىندىگىن حابارلايدى. سونىمەن قاتار، قازاقستان رەسپۋبليكاسىنىڭ زاڭناماسىمەن ىشكى ءتارتىپ قاعيدالارىن ازىرلەپ، بەكىتۋ جەرگىلىكتى اتقارۋشى ورگانداردىڭ جانە سول ءبىلىم بەرۋ ۇيىمدارىنىڭ قۇزىرەتىنە جاتاتىندىعى بەكىتىلگەن»، - دەلىنگەن كوميتەت مالىمەتىندە.

قازاقپارات

---