الماتىدا ءبىلىمى ساپاسىز وقۋ ورىندارىنا 300 مىڭ تەڭگەدەن اسا ايىپپۇل سالىندى
بۇگىن الماتىدا ءبىلىم سالاسىنداعى باقىلاۋ دەپارتامەنتى وڭىرلىك كوممۋنيكاسيالار قىزمەتىندە باسپا ءسوز ءماسليحاتىن وتكىزدى.
دەپارتامەنت باسشىسى گۇلنار ەرمەكبايەۆانىڭ ايتۋىنشا، دەپارتامەنت قۇزىرىنا ءبىلىم مەكەمەلەرىنىڭ ءبىلىم بەرۋ قىزمەتى ساپاسىن تەكسەرۋ كىرەدى. ونىڭ ىشىندە جوسپاردان تىس تەكسەرۋ جەكە تۇلعالاردىڭ شاعىمىنا قاتىستى جۇرەدى.
"بىلتىر جوسپاردان تىس تەكسەرۋ بارىسىندا 11 اكىمشىلىك ءىس قوزعالدى. وسى اكىمشىلىك ىستەر بويىنشا 306 315 تەڭگە كولەمىندە ايىپپۇل سالىندى. تەكسەرۋ ناتيجەسىندە ورتالىق ازيالىق ۋنيۆەرسيتەت جانىنداعى الەۋمەتتىك-گۋمانيتارلىق كوللەدجدىڭ ليسەنزياسى 2 ايعا توقتاتىلدى. بۇل كوللەدجدە اعىلشىن ءتىلى دۇرىس وقىتىلماعان. ياعني ءمۇعالىمنىڭ بىلىكتىلىگى ساي ەمەس. بۇل جەردە فيزيكا ءمۇعالىمى ينفورماتيكا پانىنەن بەرسە، بۇل بىلىكتىلىك سايكەسسىزدىگىنە جاتادى"، - دەدى گۇلنار ەرمەكبايەۆا.
ونىڭ ايتۋىنشا، دەپارتامەنت جۇمىستارىنىڭ باسىم باعىتتارى ء-بىلىم بەرۋ قىزمەت ساپاسىن ارتتىرۋ، ليسەنزيالاۋ ماسەلەلەرى، مەكتەپتىڭ ءبىلىم بەرۋ ساياساتىن باقىلاۋ، ليسەنزيالاۋ، اپوستيلدەۋ، مەملەكەتتىك اتتەستاتتاۋدى جۇرگىزۋ.
ونىڭ ىشىندە جەكە تۇلعالار كوبىنە قورىتىندى باعالاردى كەمىتۋ، ماتەريالدىق-تەحنيكالىق بازانىڭ جۇتاڭدىعى، وقىتۋشىلىق بازانىڭ السىزدىگى بويىنشا ارىزدانادى.
قازاقپارات
You Might Also Like
-
ومىردە ءبارى مۇمكىن... ءبىر-اق ساتتە ءبارى ءسىز قالاعانداي بولىپ بىردەن وزگەرىپ كەتەتىندى ەرتەگىلەردەن وقۋشى ەدىك. ەرتەگى شىنايى ومىردە دە ىسكە اسادى ەكەن. قاراپايىم ادام بولىپ ءجۇرىپ، ءبىر-اق ساتتە Forb...
-
ت.ايبەرگەنوۆ اتىنداعى №16 ورتا مەكتەپتىڭ باستاۋىش سىنىپ ءمۇعالىمى احەتوۆا فاريزا باحيتوۆنا
