2016-2017 جىلدارى الماتى وبلىسىندا ءۇش اۋىسىممەن وقيتىن مەكتەپتەر ماسەلەسى تولىعىمەن شەشىلەدى
ىلە اۋدانىندا «نۇرلى جول» باعدارلاماسىمەن ەكى مەكتەپ سالىنۋدا. جاپەك باتىر اۋىلى مەن بورالداي كەنتىندەگى بۇل زاماناۋي ءبىلىم نىساندارى اتالعان ەلدى مەكەندەردەگى ءۇش اۋىسىممەن وقۋ ماسەلەسىن شەشۋگە ىقپال ەتپەك.
وبلىس اكىمدىگىنىڭ باسپا ءسوز قىزمەتىنىڭ حابارلاۋىنشا، بورالداي كەنتىندەگى مەكتەپ 600 ورىنعا لايىقتالعان، بۇگىنگى كۇنگە عيمارات اياقتالۋعا جاقىن. جۇمىس كەستەگە ساي جۇرگىزىلۋدە، مەكتەپ عيماراتىن جاڭا وقۋ جىلىنا دەيىن ءبىتىرۋ جوسپارلانىپ وتىر.
جاپەك باتىر اۋىلىندا سالىنىپ جاتقان مەكتەپ تە 600 ورىندى. مۇندا دا قۇرىلىسشىلار بەلگىلەنگەن مەرزىمگە جۇمىستى اياقتايمىز دەپ وتىر.
ىلە اۋداندىق قۇرىلىس ءبولىمىنىڭ باسشىسى شىڭعىس نۇرجانوۆتىڭ ايتۋىنشا، جالپى اۋدان بويىنشا 7 مەكتەپتىڭ قۇرىلىسى جوسپارلانعان. ولاردىڭ قۇرىلىسى بيىلعى جىلدىڭ ماۋسىم ايىندا باستالادى. ءسويتىپ، مەكتەپ جەتىسپەۋشىلىگىنىڭ قيىندىعىن كورىپ وتىرعان تاعى جەتى ەلدى مەكەننىڭ بالالارى ءۇشىن كەلەسى جىلى جاڭا مەكتەپ ەسىگىن ايقارا اشپاق. سونىمەن قاتار ءبىلىم سالاسى نىساندارىمەن بىرگە «نۇرلى جول» باعدارلاماسىمەن اۋداندا ەكى 50 پاتەرلىك جالعا بەرىلەتىن ءۇي سالىنۋدا.
جالپى، الماتى وبلىسىندا 43 جاڭا مەكتەپتىڭ قۇرىلىسىن جۇرگىزۋدىڭ ناتيجەسىندە 2016-2017 جىلدارى ءۇش اۋىسىممەن وقىتاتىن جانە اپاتتى مەكتەپتەردىڭ ماسەلەسى تولىعىمەن شەشىلەتىن بولادى.
You Might Also Like
-
حالىق ىشىندە «بالالىعىڭ ۇستاسا – ناعاشىڭا بار، جىگىتتىگىڭ ۇستاسا – قاينىڭا بار» دەگەن قاعيدا بار. ادەتتەگىدەي بارىس-كەلىس ەمەس، اتا جولىندا مۇنىڭ ءوز ءجون-جوسىعى بار. «ج...
-
باتىس قازاقستان وبلىسى، سىرىم اۋدانى جبب ق.مىرزالييەۆ اتىنداعى ورتا مەكتەپتىڭ 2 «A» سىنىپ وقۋشىسى: ماعاۋ دانا سىنىپ جەتەكشىسى: لۋكپانوۆا لايليم سەريكوۆنا
