ناعاشىلاپ بارۋ
حالىق ىشىندە «بالالىعىڭ ۇستاسا – ناعاشىڭا بار، جىگىتتىگىڭ ۇستاسا – قاينىڭا بار» دەگەن قاعيدا بار. ادەتتەگىدەي بارىس-كەلىس ەمەس، اتا جولىندا مۇنىڭ ءوز ءجون-جوسىعى بار. «جىگىتتىڭ جاقسى بولماعى – ناعاشىدان» دەگەندەي، بۇل جولى ەرەكشە سالتاناتپەن جيەن جورا-جولداستارىن ەرتىپ بارادى. ناعاشىلارى وعان قۇرمەت كورسەتەدى. مال سويىپ، تورگە شىعارىپ، ساۋىق قۇرادى. جيەن بارىنشا ەركەلەپ، ەركىن سويلەپ، اراسىندا ناعاشىلارىنىڭ كەمشىلىكتەرى بولسا، سىناي وتىرىپ ازىلدەسەدى. ناعاشىلارى جيەندەرىنە جيەنقۇرىعىن («قىرىق سەركەش») بەرىپ، بارىنشا ريزا ەتىپ اتتاندىرادى. ناعاشى ەلىندە 4-5 كۇن قىدىرىپ، اۋناپ-قۋناعان جيەن كەتەر الدىندا ريزاشىلىعىن ءبىلدىرىپ اتتانادى. ءبىر ەسكەرىپ كەتەتىن جاي: ناعاشى-جيەن اراسىندا باسەكە، كورە الماۋشىلىق، كۇندەۋ سياقتى جات ادەتتەر بولمايدى. ولار قاتتى ازىلدەسكەنىمەن، ءبىرىن-بىرى كوتەرىپ، سىرتتاي ماقتاپ، ءارى ولاردىڭ اتىمەن ماقتانىپ جۇرەدى.
You Might Also Like
-
ەمتيحانعا دايىندايتىن اقىلى كۋرستا بۇدان وزگە ءتورت جىگىت وقىعان ەدى. بۇل جىگىتتەردىڭ تورتەۋىنىڭ دە جاسى - بۇدان ەرەسەك. وسى جىگىتتەردىڭ ىشىندە ارالدىڭ جىگىتى مۇنى وزىنە جاقىن تارتادى. ويتكەنى ارالد...
-
ىلە اۋدانىندا «نۇرلى جول» باعدارلاماسىمەن ەكى مەكتەپ سالىنۋدا. جاپەك باتىر اۋىلى مەن بورالداي كەنتىندەگى بۇل زاماناۋي ءبىلىم نىساندارى اتالعان ەلدى مەكەندەردەگى ءۇش اۋىسىممەن وقۋ ماسەلەسى...
