InfoHub Logo

2022 جىلى بالالاردىڭ ءال-اۋقات يندەكسى ەنگىزىلەدى. بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.

«2022 جىلى بالالاردىڭ ءال-اۋقات يندەكسى ەنگىزىلەدى. ول بالالاردىڭ ءومىر ءسۇرۋ جاعدايى مەن دەنساۋلىعى، ءبىلىم، الەۋمەتتەنۋ، وتباسى مەن قوعام سىندى ماڭىزدى سالالار بويىنشا كورسەتكىشتەردى انىقتاۋعا سەپتىگىن تيگىزەدى. ونىڭ نەگىزىندە بالالاردىڭ قۇقىعىن قورعاۋ بويىنشا قالالاردىڭ، اۋدانداردىڭ، اۋىل-ايماقتاردىڭ رەيتينگى تۇزىلەدى. ءبىلىم الۋدىڭ ءقاۋىپسىز جاعدايلارىن جاساۋ ءۇشىن ءار ءبىلىم بەرۋ ۇيىمىن بەينەباقىلاۋ جانە قاجەتتى زاتتارمەن جابدىقتاۋ ماەلەلەرى قاراستىرىلىپ جاتىر. بۋللينگ، سۋيسيد پروبلەمالارىن شەشۋ ەرەكشە نازاردى قاجەت ەتەدى. بالالاردى زياندى اقپاراتتان قورعاۋ — وتە ماڭىزدى. كيبەرمادەنيەت پەن كيبەرگيگيەنانى قالىپتاستىرۋ تاقىرىبى مەكتەپ باعدارلاماسىنا ەنگىزىلۋى كەرەك»، — دەدى مينيستر.

اسحات ايماعامبەتوۆ «جۋسان» وپەراسياسىنىڭ اياسىندا سوعىس بولىپ جاتقان ەلدەردە قالىپ قويعان بالالار ەلگە قايتارىلعاندىعىن، ينتەرنات ۇيىمدارىندا تاربيەلەنىپ جاتقان بالالاردىڭ قاۋىپسىزدىگىن قامتاماسىز ەتۋ ءالى دە وزەكتى ماسەلە بولىپ وتىرعاندىعىن باسا اتاپ وتەدى.

«ق ر ۇكىمەتى جانىنداعى ۆەدومستۆوارالىق كوميتەتتىڭ ء-تىڭ كامەلەتكە تولماعانداردىڭ ىستەرى مەن ولاردىڭ قۇقىقتارىن قورعاۋ بويىنشا كەزەكتەن تىس وتىرىسىندا بارلىق مەملەكەتتىك ورگانعا تاربيەلەنۋشىلەر ءۇشىن ءقاۋىپسىز جاعداي جاساۋ تاپسىرماسى بەرىلدى. قامقورشىلىق كەڭەستەرگە ەرەكشە نازار اۋدارىلىپ وتىر. ونىڭ قۇرامىندا ازاماتتىق قوعام وكىلدەرىنىڭ بولۋى دا ماڭىزدى. ولاردىڭ قىزمەتتەرىنىڭ اشىقتىعى مەن ايقىندىعى قوعامدىق باقىلاۋ ورناتۋعا مۇمكىندىك بەرەدى»، — دەدى ول.

مينيستر كامەلەتكە تولماعانداردىڭ ىستەرى بويىنشا كوميسسيا جۇمىسى تۇبەگەيلى وزگەرەتىندىگىن دە اتاپ وتەدى.

«قازىرگى تاڭدا بۇل ورگانداردىڭ مۇمكىندىكتەرى ءتيىمدى قولدانىلىپ جاتقان جوق. قوعام تاراپىنان كوميسسيالاردىڭ قۇزىرەتىن كەڭەيتۋ بويىنشا ناقتى ۇسىنىستار ايتىلعان بولاتىن، ولار نازارعا الىندى»، — دەدى اسحات ايماعامبەتوۆ.

---