InfoHub Logo

ارمان دەگەن ءسوزدى ەستىگەندە سىزدەر دە قانداي سەزىم ۇشقىنى پايدا بولادى؟"ارمان، ءاي ارمان-اي ورىندالماس قوي"-دەپ  ويلايتىندار بار شىعار،ءسىرا. كوپ ادام  ارمانداۋدى قيالداۋمەن شاتاستىرىپ جاتادى. جوق،بۇل ەكى ۇعىمنىڭ اراجىگىن اجىراتا ءبىلۋ كەرەك. ارمان مەن قيال ۇقساس ۇعىم بولعانىمەن تۇپتەپ كەلگەندە، ماعىنالارى جەر مەن كوكتەي.
قيالداۋ-تىم اسەرەلەپ كەتەتىن سەزىم. ول اياقاستى  ويدا ساپ ەتەدى دە،جانعا جاقسى سەزىم سىيلاپ كەتەدى. قيالدىڭ شەگى جوق،كىمنىڭ نەنى قيالداپ جاتقانىن بىلمەيسىڭ. كەز كەلگەن فانتاستيكا جانرىنداعى  فيلمدەردى الساڭىز (گارري پوتەر)تازا قيالداۋدىڭ دەڭگەيىنەن تۋعان  دۇنيەلەر بولىپ تابىلادى. قيال-ەشقاشان ورىندالمايتىن فاكتور. ءبىراق،ويلاپ قاراساڭىز ءبىزدىڭ ەموسيالارىمىزدى سونداي وزگەرتىپ، يگەرە الادى. مۇنداي  جانرىنداعى كينولار الەمدى بيلەپ تۇرعانى اقيقات. قازىرگى زامان تالابىنا ساي جازۋشىلار مەن سەنارييستەردىڭ ەڭ باستى فيشكاسى قيالداۋدان تۋىپ وتىرادى.
ارمان-ول وتە شىنايى دۇنيەنى ەلەستەتۋ. ادامدا ارمان پايدا بولسا ەشقاشان سونبەيتىن شوق ءتارىزدى ماڭگىلىك قۋاتپەن ءومىر سۇرەدى. (نەگە شوق ءتارىزدى دەيتىن شىعارسىزدار ). شوق-جانىپ بىتكەن وتتىڭ سوڭى بولعاندىقتان  وتە ىستىق بولاتىنى  بەلگىلى. ارمانى بار ادامدا دا  قىزىنعان شوق سەكىلدى ارمانعا جەتۋ ۇستىندە اركەت جاساۋمەن جۇرەدى. ەشبىر تىنبايدى،ەشبىر شارشامايدى. ءوز –وزىنە سەنىمسىز،ارمانىنىڭ شىڭىنا جەتۋگە جاسقانشاق ،ناعىز قورقاق ادامداعى ارمان  شوعى بىقسىعان كۇل بولار... "ارماندار ورىندالادى،ماقساتىڭ ايقىن بولسا "-بۇگىنگىنىڭ موتيۆاسياسى دەسەك تە بولادى. اتى شۋلى ارتىستەر مەن بلوگەرلەردىڭ قانداي دا ءبىر  ارماندارى ورىندالعاندا، دالەل بولاتىن سۋرەتتەرىمەن وسى قاناتتى ءسوزدى پايدالانا وتىرىپ، وقىرماندارىنا موتيۆاسيا رەتىندە كىشىگىرىم پوستتارىن شىعارىپ جاتادى. ءيا،ولاردىڭ نەندەي نارسەنى ارمانداپ،قانداي ارەكەت جاساعانى تۋرالى پوستتار اۋديتوريانى قىزىقتىرماي قويمايدى. ويتكەنى سول پوستتى وقىعان كەز كەلگەن ادامنىڭ دا  ارمانى بار،ول دا ارمانىنا جەتكىسى كەلەدى. مۇمكىن ماقساتىن ايقىنداي الماي جۇرگەن بولار.ارمانىنىڭ ورىندالعانى تۋرالى پوستتى وقي وتىرىپ،وزىندەگى سەنىمدىلىگى، بويىنداعى قۋاتى ارتا تۇسەدى. وزىمە تانىس جاعداي بولعان سوڭ سەنىمدى تۇردە وسىلاي ايتا الامىن. مەنىڭ دە ارماندارىمنىڭ سانى شەكسىز. كىشىگىرىم ارماندارىم مەن  ناعىز شىڭدى اڭسايتىن ارماندارىم  جەتەرلىك. بۇل تاقىرىپتى جازۋعا وزىمە جاقىن ادامنىڭ ارمانداۋ  جايلى ايتقان سوزدەرى  سەبەپ بولعان ەدى. ونىڭ ويىنشا: "ارمانداۋ- ول قيالداۋ، ياعني ورىندالمايتىن نارسە بۇگىنگىمەن ءومىر ءسۇرۋ كەرەك دەيدى. ارمانىڭ بولعان كۇننىڭ وزىندە،ارمانىڭا جەتۋ جولىندا ەڭبەكتەنىپ، باعىڭ جانباي قالسا ناعىز سارساڭ سوندا بولماق. "جۇگىرگەن جەتپەيدى،بۇيىرعان كەتپەيدى"بۇگىنگىمەن ءومىر سۇرەمىن دەيدى". قاي جاعىنان  ويلاسا دا ءوز ويى،ارينە...
"ءجۇرىپ كەتسەڭ جەتەرسىڭ،تۇرىپ قالساڭ تىنارسىڭ"بۇگىنگى كۇندى ءقادىر تۇت، ءبىراق ول كۇنمەن عانا ءومىر ءسۇرۋ  بۇعاۋدا ءومىر سۇرۋمەن بىردەي بولماق. بولاشاققا ۋاقىتپەن ءجۇرىپ كەتە المايمىز. سوندىقتان  سىرلى  كەلەشەكتى ويىمىزداعى  ارمانىمىزبەن،العا قويعان ماقساتىمىزبەن  ەلەستەتىپ كورەيىكشى. ارمانىم ورىندالدى دەپ بولاشاقتى ەلەستەتىپ وتىرۋدىڭ ءوزى قانداي راقات!"قالاي ويلاساڭ مىندەتتى تۇردە سولاي بولادى". ارمانىما جەتە المايمىن دەپ تاۋەكەل ەتە الماعان ادامنىڭ دا ويىنداعىسى بولار. ويتكەنى ادام بالاسى ويىنداعى نارسەلەرگە كىرىپتار كەلەدى. سوندىقتان مىڭ جىل عۇمىر كەشسەك تە، ارمانداۋدى دوعارمايىق!
احۋنباي ايعانىم سامات قىزى                                     

 

---