InfoHub Logo

2023 جىلدان باستاپ 1 سىنىپ تابالدىرىعىن اتتاعان بالالار لاتىن گرافيكاسىنا نەگىزدەلگەن قازاق الىپبيىمەن ءبىلىم الا باستايدى. بۇل تۋرالى ق ر مادەنيەت جانە سپورت مينيسترلىگى ءتىل ساياساتى كوميتەتىنىڭ ءتوراعاسى ادىلبەك قابا ايتتى.

«وزدەرىڭىزگە بەلگىلى، جاقىندا ۇكىمەت جانىنداعى ۇلتتىق كوميسسيادا جەتىلدىرىلگەن لاتىن گرافيكالى قازاق ءالىپبيى قارالىپ، ماقۇلدانعان بولاتىن. عالىمدارىمىز بۇل باعىتتا 1،5 جىلدان استام ۋاقىت بويى جۇمىس ىستەدى. ءالىپبي بۇكىل رەسپۋبليكا بويىنشا اشىق تالقىلانىپ، سىنامالار، بەيىمدەۋ جۇرگىزىلدى. ءسويتىپ، ءالىپبيىمىزدىڭ جازىلۋى، وقىلۋى، قولدانىسى جان-جاقتى زەردەلەندى. بۇل ءالىپبي الداعى ۋاقىتتا پرەزيدەنت قاراۋىنا ۇسىنىلادى. بەكىتىلگەن جاعدايدا الداعى ۋاقىتتا كەستەگە سايكەس كەزەڭ-كەزەڭىمەن لاتىن الىپبيىنە كوشۋ جۇمىستارى جۇرگىزىلەدى»، - دەدى كوميتەت ءتوراعاسى «مەملەكەتتىك ءتىل – حالىقتى ۇيىستىرۋ قۇرالى» تاقىرىبىنداعى وتىرىس بارىسىندا.

ونىڭ اتاپ وتۋىنشە، بيىل لاتىن گرافيكاسىنا نەگىزدەلگەن قازاق ءالىبيىن جەتىك بىلەتىن مۇعالىمدەر دايارلانىپ، ورفوگرافيالىق، ورفوەپيالىق سوزدىكتەر، انىقتامالار ازىرلەنەدى.

«ياعني، 2021 جىل لاتىن گرافيكاسىنا نەگىزدەلگەن قازاق ءالىبيىن وقىتۋعا دايىندىق جىلى بولىپ ەسەپتەلىنەدى. 2022 جىلى بالاباقشادا تالىم-تاربيە الىپ جاتقان بالالار وقي باستايدى. ال 2023 جىلدان باستاپ 1 سىنىپ تابالدىرىعىن اتتاعان بالالار لاتىن گرافيكاسىنا نەگىزدەلگەن قازاق ءالىپبيىن وقيدى. دەمەك، 2031 جىلى لاتىن گرافيكاسىنا نەگىزدەلگەن قازاق الىپبيىندە ءبىلىم العان العاشقى تۇلەكتەرىمىز مەكتەپ ءبىتىرىپ، ۇلكەن ومىرگە اياق باسادى»، - دەدى ادىلبەك قابا.

ايتا كەتەيىك، اتالعان وتىرىستىڭ ماقساتى – قازاقستان رەسپۋبليكاسى ۇكىمەتىنىڭ جانىنداعى ۇلتتىق كوميسسيا ماقۇلداعان جەتىلدىرىلگەن لاتىن گرافيكاسىنداعى قازاق ءالىپبيى مەن ەملە ەرەجەلەرىن قوعامدا كەڭىنەن ناسيحاتتاۋ جانە جاھاندانۋ كەزەڭىندەگى قازاق ءتىلىن دامىتۋ ماسەلەلەرىن تالقىلاۋ.

---