InfoHub Logo

قازاقستانداعى اۋىلدىق ەلدى مەكەندەردى ينتەرنەتپەن قامتۋ جۇمىسى كەزەڭ-كەزەڭىمەن جالعاسىپ جاتىر. ۇكىمەتتىڭ باسپا ءسوز قىزمەتى تاراتقان مالىمەتكە سايكەس، 2027 جىلدىڭ سوڭىنا دەيىن 3 781 اۋىلعا جوعارى جىلدامدىقتى ينتەرنەت جەتكىزىلمەك.

بۇگىنگى تاڭدا رەسپۋبليكا بويىنشا 6 179 اۋىل بار، ولاردىڭ 42%-ى عانا جوعارى جىلدامدىقتى دەرەكتەردى تاراتۋ تەحنولوگياسىمەن قامتاماسىز ەتىلگەن. ۇكىمەت ۇسىنعان جاڭا جوبا اياسىندا وپتيكالىق-تالشىقتى بايلانىس جەلىلەرى جۇرگىزىلىپ، قامتۋ دەڭگەيى 90%-عا دەيىن ارتتىرىلادى.

«ناتيجەسىندە ينتەرنەت جەلىسىنىڭ جالپى ۇزىندىعى 160 مىڭ شاقىرىمنان اسادى. بۇل – اۋىل تۇرعىندارىنىڭ سيفرلىق ينفراقۇرىلىمعا قول جەتكىزۋىن ەداۋىر جاقسارتۋعا مۇمكىندىك بەرەدى»، – دەلىنگەن رەسمي حابارلامادا.

سونىمەن قاتار، ەل ىشىندەگى كۇرە جولداردى ءموبيلدى بايلانىسپەن قامتۋ دەڭگەيىن 99%-عا جەتكىزۋ جوسپارى دا بار. بۇل – جول قاۋىپسىزدىگىن ارتتىرۋمەن قاتار، شالعاي ەلدى مەكەندەردەگى تۇرعىندار ءۇشىن بايلانىس ساپاسىن جاقسارتۋعا باعىتتالعان شارا.

اتالعان جوبالار سيفرلىق تەڭسىزدىكتى ازايتىپ، مەملەكەتتىك قىزمەتتەر مەن بىلىمگە قولجەتىمدىلىكتى ارتتىرۋعا باعىتتالعان.