اشىق دەرەككوز
2،5 جاستاعى قىزىنا اكەسىنىڭ زورلىق جاساعانى تۋرالى انانىڭ شاعىمى قوعامدى دۇرلىكتىردى
الەۋمەتتىك جەلىدە جاس انانىڭ 2،5 جاستاعى قىزىنا اكەسىنىڭ زورلىق ارەكەت جاساۋى مۇمكىن دەگەن كۇدىگى تۋرالى جازباسى جۇرتشىلىقتىڭ نازارىن اۋداردى. بۇل جاعدايدى العاش بولىپ زاڭگەرلەردىڭ ءبىرى جاريالاپ، قوعامدا قىزۋ تالقىلاۋ تۋدىردى.
بۇل تۋرالى Infohub.kz اقپارات اگەنتتىگى حابارلايدى.
انانىڭ ايتۋىنشا، جاعداي قالاي باستالعان؟
انانىڭ ايتۋىنشا، كۇدىكتى جاعدايلار قىزىن شومىلدىرۋ كەزىندە بايقالعان. بالا ۆاننادا وتىرعاندا جىنىس مۇشەسىن ۇستاپ، ادەتتەن تىس ارەكەتتەر جاساعان. اناسى مۇنى دۇرىس ەمەس ەكەنىن ايتقانىمەن، تۇندە ۇيىقتار الدىندا دا بالانىڭ سول ارەكەتىن قايتالاعانى بايقالعان. العاشىندا اناسى بۇعان اسا ءمان بەرمەگەن.
«پاپا ۇيرەتتى» دەگەن ءسوز انانىڭ كۇدىگىن كۇشەيتتى
ەرتەڭىنە دە ءبۇلدىرشىننىڭ ارەكەتى قايتالانعان سوڭ، اناسى بۇل ارەكەتتى كىم ۇيرەتكەنىن سۇراعاندا، بالا «پاپا ۇيرەتتى» دەپ جاۋاپ بەرگەن. بۇل جاۋاپ انانىڭ كۇدىگىن وياتتى. كەيىننەن قىز اكەسىمەن بايلانىستى باسقا دا تۇسىنىكسىز جاعدايلاردى ايتىپ بەرگەن.
پوليسياعا ارىز ءتۇستى
كەيبىر دەرەكتەرگە سۇيەنسەك، قىز اكەسىنىڭ شالبارىنان «قۇرت» كورسەتكەنىن، ساۋساعىن جىنىس مۇشەسىنە تىققانىن، بەتىن «كىرلەتكەنىن» ايتىپ بەرگەن. دارەتحانادا وتىرعان كەزدە دە قىزدىڭ جىنىس مۇشەسىنىڭ اۋىرعانىن ايتىپ شاعىمدانعانى ايتىلادى. وسىدان كەيىن ايەل پوليسياعا جۇگىنگەن.
پوليسيانىڭ رەسمي جاۋابى
اتالعان جاعداي قوعامدا تالقىلانا باستاعاننان كەيىن شىعىس قازاقستان وبلىسىنىڭ پوليسيا دەپارتامەنتى رەسمي تۇسىنىكتەمە بەردى. ۆەدومستۆونىڭ مالىمەتىنشە، وسكەمەن قالاسىنىڭ تۇرعىنىنىڭ ارىزى نەگىزىندە سوتقا دەيىنگى تەرگەۋ باستالعان. قازىرگى ۋاقىتتا ءىستىڭ ءمان-جايىن انىقتاۋعا باعىتتالعان تەرگەۋ ارەكەتتەرى جۇرگىزىلۋدە. ق ر قىلمىستىق-پروسەستىك كودەكسىنىڭ 201-بابىنا سايكەس، تەرگەۋ بارىسىنا قاتىستى وزگە اقپارات جاريالانبايدى.
-
Kazakhstan clarifies its support for the 'Peace Council' initiative، emphasizing humanitarian aid and training over direct financial contributions.
-
ەلوردادا اقىلى تۇراقتاردى ەنگىزۋ جالعاسىپ، جاڭا ەرەجەلەر مەن جەڭىلدىكتەر قاراستىرىلۋدا.
