InfoHub Logo

قازاقستان تەمىر جولى (قتج) ۇلتتىق كومپانياسىنىڭ قارىزى 3 تريلليون تەڭگەدەن اسىپ كەتتى. سەنات دەپۋتاتى شاكارىم بۇقتىعۇتوۆتىڭ ايتۋىنشا، ەگەر ءتيىستى شارالار قابىلدانباسا، بۇل جاعداي ەلەۋلى سالدارعا اكەپ سوعادى.

بۇل تۋرالى Infohub.kz اقپارات اگەنتتىگى حابارلايدى.

تاسىمالداۋ تاريفتەرىنىڭ تومەندىگى سەبەپ

پارلامەنت وتىرىسىندا ءسوز العان دەپۋتات شاكارىم بۇقتىعۇتوۆ قتج-نىڭ جوعارى بورىشتى جۇكتەمەسىنە توقتالدى. ونىڭ ايتۋىنشا، كومپانيانىڭ جوبالاردى جۇزەگە اسىرۋ ءۇشىن جاڭا قارىزدار تارتۋىمەن بايلانىستى بورىشى 3 تريلليون تەڭگەدەن اسقان. دەپۋتات بۇل ماسەلەنى شەشۋدەگى كىدىرىستەردىڭ قتج-عا دا، ەلدىڭ ترانزيتتىك الەۋەتىنىڭ دامۋىنا دا كەرى اسەر ەتۋى مۇمكىن ەكەنىن اتاپ ءوتتى.

مۇنىڭ ءبىر سەبەبى رەتىندە تاسىمالداۋ تاريفتەرىنىڭ تىم تومەن بولۋى كورسەتىلدى. دەپۋتاتتىڭ سوزىنشە، جۇك اينالىمىنىڭ شامامەن 70 پايىزى وزىندىك قۇنىنان تومەن تاريفتەرمەن جۇزەگە اسىرىلادى.

ەاەو ەلدەرىمەن سالىستىرعانداعى تاريفتەر

«قتج-نىڭ تەمىرجول تاريفتەرى ەاەو جانە تمد ەلدەرى اراسىندا ەڭ تومەنگى دەڭگەيدە، ولار تاسىمالداۋ شىعىندارىن وتەمەيدى جانە زالالدى. ال ەاەو جانە تمد ەلدەرىندە ەكسپورتتىق جۇك تاسىمالى قازاقستانداعىدان 2-4 ەسە قىمبات»، - دەدى سەناتور.

قارىز 4،7 تريلليون تەڭگەگە جەتتى

كەيىنىرەك وتىرىستا قتج-نىڭ قارىزى 4،7 تريلليون تەڭگەگە جەتكەنى حابارلاندى. كومپانيانىڭ دامۋىنا ارنالعان بارلىق قاراجات وسىلايشا تارتىلعان. ەندى بورىش ماسەلەسىن شەشۋ ءۇشىن كومپانيا 2026 جىلدىڭ سوڭىنا دەيىن IPO-عا شىعارىلادى.

ايتا كەتەيىك، IPO-عا شىعۋ دەگەنىمىز – كومپانيا اكسيالارىن بيرجادا ورنالاستىرىپ، ونىڭ ءبىر بولىگىن ينۆەستورلارعا العاش رەت ساتۋ. ادەتتە بۇل كومپانيانى دامىتۋ ءۇشىن قاراجات تارتۋ، قارىزداردى ازايتۋ، كومپانيانىڭ اشىقتىعى مەن مارتەبەسىن ارتتىرۋ ماقساتىندا جاسالادى.