InfoHub Logo

تاياۋ شىعىستاعى گەوساياسي شيەلەنىس سالدارىنان بىرىككەن اراب امىرلىكتەرىنەن ەلگە ورالا الماي جاتقان قازاقستاندىقتاردىڭ سانى 300-گە جۋىقتادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى.

— اتالعان قيىندىق جەرگىلىكتى اۋە كومپانيالارىنىڭ رەيستەردى ۋاقىتشا توقتاتۋى سالدارىنان تۋىنداپ وتىر، — دەدى سمادياروۆ.

ايتا كەتەيىك، 14 ماۋسىم كۇنى ق ر ءسىم رەسمي تۇردە يران، يزرايل، سيريا، يراك، يوردانيا جانە ليۆاننىڭ اۋە كەڭىستىگىنەن ۇشۋعا تىيىم سالىنعانىن حابارلاعان بولاتىن. سوعان قاراماستان، قازاقستاننان ءباا باعىتىنداعى تۋريستىك رەيستەر جالعاسىپ، تۋريستەردىڭ ءبىر بولىگى كەرى قايتا الماي وتىر.

قازىرگى تاڭدا ءسىم تۋريستىك اگەنتتىكتەر، اۋە كومپانيالارى جانە «تۋريستىك قامقور» قورىنىڭ قولداۋىمەن شەتەلدە قالعان ازاماتتاردى ەلگە قايتارۋ باعىتىندا جۇمىس جۇرگىزىپ جاتىر.

مينيسترلىك تۇرعىندارعا تاياۋ شىعىس ەلدەرىنە ساپار شەگەر الدىندا قاۋىپسىزدىك جاعدايىن مۇقيات زەرتتەۋگە جانە تاۋەكەلدەردى ەسكەرۋگە كەڭەس بەرەدى.