InfoHub Logo

پرەزيدەنت قاسىم-جومارت توقايەۆ ورتالىق ازيا مەن جۇڭگو اراسىنداعى جاڭا ايماقتىق قۇرىلىم — "ورتالىق ازيا – جۇڭگو" حاتشىلىعىنىڭ بيۋدجەتىن بەكىتتى. ال بۇل شەشىم تەك بيۋروكراتيالىق قۇجات ەمەس، ورتالىق ازياداعى گەوساياسي وزگەرىستىڭ ايقىن كورىنىسى بولىپ وتىر.

حاتشىلىق نە ءۇشىن قۇرىلدى؟
جاڭا ۇيىمنىڭ باستى ماقساتى — جۇڭگو مەن ورتالىق ازيا ەلدەرى اراسىنداعى ساۋدا، ينۆەستيسيا جانە ايماقتىق قاۋىپسىزدىك ماسەلەلەرىن ۇيلەستىرۋ. ەندى بۇل باعىتتاعى ءار قادام ناقتى ەرەجەلەرگە نەگىزدەلمەك. حاتشىلىقتىڭ شتاب-پاتەرى قازاقستاندا ورنالاسادى، ال جۇمىسىن جۇرگىزۋگە كەتەتىن شىعىننىڭ 60%-ىن جۇڭگو ءوز موينىنا العان. قالعان 40% – قازاقستان، وزبەكستان، قىرعىزستان مەن تاجىكستان اراسىندا بولىنەدى.

رەسەي رەنجۋى مۇمكىن، ءبىراق...
كرەملدىڭ بۇعان دەيىنگى ايماقتاعى ۇستەمدىگى ۋكرايناداعى سوعىستان كەيىن السىرەدى. بۇرىن ساياسات تا، ساۋدا دا ماسكەۋدىڭ ىقپالىمەن جۇرسە، ەندى ايماق ەلدەرى ءوز بەتىنشە شەشىم قابىلداي باستادى. "ورتالىق ازيا – جۇڭگو" فورماتى — سونىڭ دالەلى. قازاقستان وسى قۇرىلىم ارقىلى ايماقتاعى كەلىسسوزدەر مەن ديپلوماتيالىق ورتالىققا اينالۋدى كوزدەپ وتىر.

گەوساياسي سالماعى قانداي؟
بۇل ۇيىمنىڭ قۇرىلۋى — ورتالىق ازيانىڭ رەسەيگە تاۋەلدى بولماۋعا جاساعان ناقتى قادامى. بۇرىنعىداي كرەمل ەمەس، ەندى استانا مەن بەيجىڭ شەشىم قابىلدايتىن جاڭا ءداۋىر باستالدى دەۋگە بولادى. ال قازاقستان ءۇشىن بۇل – ساياسي سالماعىن ارتتىرۋ مەن قاۋىپسىزدىك تەتىكتەرىن ءارتاراپتاندىرۋدىڭ جولى.

جاڭا داۋىرگە قادام
وسىلايشا توقايەۆ بەكىتكەن قاراپايىم كورىنەتىن قۇجات ورتالىق ازياداعى گەوساياسي ويىن ەرەجەسىن تۇبەگەيلى وزگەرتتى. قىتايدىڭ قارجىلاي قولداۋىمەن، استانانىڭ مودەراتورلىعىمەن وتەتىن حاتشىلىق ءسامميتى ايماقتاعى ىقپال ءۇشىن جاڭا كەزەڭنىڭ باستالعانىن بىلدىرەدى.