ۆيدەودان كادر
32 جىل بۇرىن زورلىق كورگەن انا: «قىزىمدى اياپ جىلايمىن»
32 جىل بۇرىن زورلىقتىڭ قۇربانى بولعان ناتاشا قالىمبەتوۆا ومىرىندەگى ەڭ اۋىر كەزەڭدەر تۋرالى العاش رەت اشىق ايتىپ، جۇرتشىلىقتى ەلەڭ ەتتى. ول Qasqajol YouTube ارناسىنا بەرگەن سۇحباتىندا باسىنان وتكەرگەن قورلىقتى كۇندەردى، ونىڭ سالدارىنان تۋعان قىزىن جانە ولاردىڭ قارىم-قاتىناسىن باياندادى.
بۇل تۋرالى Infohub.kz اقپارات اگەنتتىگى حابارلايدى.
قىزىمدى اياپ جىلايمىن
ناتاشانىڭ ايتۋىنشا، 1994 جىلى 17 جاسىندا بولعان وقيعا ونىڭ ءومىرىن تۇبەگەيلى وزگەرتكەن. سول كەزدەگى اۋىر جاعدايدان كەيىن جۇكتى ەكەنىن ءبىلىپ، ورال قالاسىنا كوشىپ بارىپ، وقۋىن جالعاستىرۋعا تىرىسقان. الايدا، وقۋ ورنىنان دا، اينالاسىنان دا قولداۋ تاپپاعان.
«جۇرەگى بار، جانى بار، قازاقپىن، نامىسىم بار، ەرمىن دەگەن ادام مۇنداي ارەكەتكە بارمايدى. بۇل جانۋارلاردىڭ ءىسى. مەن ءوزىمدى ەمەس، قىزىمدى اياپ جىلايمىن. كىشكەنتاي ءسابي جەكسۇرىنداردىڭ كەسىرىنەن ومىرگە كەلدى»، - دەيدى ايەل.
بالالار ۇيىنە تاپسىرعان ءسابي
دەنى ساۋ قىز بالا تۋعان سوڭ، وعان نارەستەسىنەن باس تارتۋ تۋرالى قۇجات ۇسىنىلعان. الايدا، بىرنەشە كۇن سابيىمەن بىرگە بولعان انا وعان قاتتى باۋىر باسىپ قالعان. كەيىن ءۇش جىل بويى نارەستەلەر ۇيىنە بارىپ، قىزىن انجەليكا ەسىمىمەن كورىپ جۇرگەنىن ايتادى. ءقازىر قىزى 31 جاستا.
«مەنى كەشىرە مە، كەشىرمەي مە، بىلمەيمىن. ءبىراق وعان ايتقىم كەلەتىنى، بۇل جاعداي ەكەۋمىزدىڭ كىنامىز ەمەس»، - دەيدى ول.
ناتاشا قالىمبەتوۆا بۇعان دەيىن الەۋمەتتىك جەلىگە باسىنان وتكەن وقيعانى بايانداپ، ۆيدەوسى ميلليون قارالىم جيناعان بولاتىن. سول كەزدە ىشكى ىستەر مينيسترلىگىنىڭ وكىلدەرى حابارلاسىپ، ءىس قوزعالعانىن ايتقان.
-
مۋجسكايا سبورنايا كازاحستانا پو ناستولنومۋ تەننيسۋ پودنيالاس نا 8 پوزيسيي ۆ ميروۆوم رەيتينگە پوسلە ۋسپەشنوگو ۆىستۋپلەنيا نا چەمپيوناتە ميرا.
-
قازاقستاندىق ازاماتتىڭ شاعىمىنان كەيىن كونستيتۋسيالىق سوت جۇمىس بەرۋشىلەر مەن قىزمەتكەرلەر اراسىنداعى ەڭبەك داۋلارىنا قاتىستى نورمالاردى قايتا قاراۋ قاجەتتىگىن ايتتى.
