4 ماۋسىم - قازاقستان رەسپۋبليكاسىنىڭ مەملەكەتتىك رامىزدەر كۇنى
1992 جىلعى 4 ماۋسىمدا قازاقستاننىڭ جاڭا مەملەكەتتىك رامىزدەرى العاش رەت بەكىتىلدى. سوندىقتان بۇل كۇن ەل تاريحىندا جاڭا مەملەكەتتىك رامىزدەر كۇنى رەتىندە ماڭگى ەستە ساقتالادى.
مەملەكەتتىك رامىزدەر – مەملەكەتتىڭ تاۋەلسىزدىگىن بىلدىرەتىن سيمۆوليكالىق بەلگىلەر. مەملەكەتتىك رامىزدەر- كوك بايراق، ەلتاڭبا جانە ءانۇران.
«قازاقستان رەسپۋبليكاسىنىڭ مەملەكەتتىك رامىزدەرى تۋرالى» كونستيتۋسيالىق زاڭ 2007 جىلى 4 ماۋسىمدا قابىلداندى. وسى زاڭعا سايكەس، جىل سايىن 4 ماۋسىم قازاقستاندا مەملەكەتتىك رامىزدەر كۇنى رەتىندە مەرەكەلەنەدى.
مەملەكەتتىك رامىزدەر تاۋەلسىزدىك نىشانى رەتىندە ەرەكشە قادىرلەنىپ، ولارعا بيىك مارتەبە بەرىلەدى. سوندىقتان رەسپۋبليكا ازاماتتارىنىڭ مەملەكەتتىك رامىزدەردى قاستەرلەۋ - پارىز.
قازاقستان Pەسپۋبليكاسىنىڭ مەملەكەتتiك ەلتاڭباسى
ەلتاڭبانىڭ اۆتورلارى – بەلگىلى ساۋلەتشىلەر جانداربەك مالىبەكوۆ پەن شوت-امان ءۋاليحانوۆ. ءرامiزدiك تۇرعىدان مەملەكەتتىك ەلتاڭباسىنىڭ نەگiزi - شاڭىراق. ول - ەلتاڭبانىڭ جۇرەگi.
شاڭىراق - مەملەكەتتiڭ تۇپ-نەگiزi - وتباسىنىڭ بەينەسi. شاڭىراق - كۇن شەڭبەرi. شاڭىراق - كيiز ءۇيدiڭ كۇمبەزi كوشپەلى تۇركىلەر ءۇشiن ءۇيدiڭ، وشاقتىڭ، وتباسىنىڭ بەينەسi.
تۇلپار - دالا ءدۇلدiلi، ەر ازاماتتىڭ سايگۇلىگى، جەلدەي ەسكەن جۇيرىك اتى، جەڭiسكە دەگەن جاسىماس جiگەردiڭ، قاجىماس قايراتتىڭ، مۇقالماس قاجىردىڭ، تاۋەلسiزدiككە، بوستاندىققا ۇمتىلعان قۇلشىنىستىڭ بەينەسi.
قاناتتى تۇلپار - قازاق پوەزياسىنداعى كەڭ تاراعان بەينە. ول ۇشقىر ارماننىڭ، سامعاعان تاڭعاجايىپ جاسامپازدىق قيالدىڭ، تالماس تالاپتىڭ، اسىل مۇراتتىڭ، جاقسىلىققا قۇشتارلىقتىڭ كەيپi. قاناتتى تۇلپار ۋاقىت پەن كەڭiستiكتi بiرiكتiرەدi.
ول ولمەس ءومiردiڭ بەينەسi. بiر شاڭىراقتىڭ استىندا ءتاتۋ-تاتتi ءومiر سۇرەتiن قازاقستان حالقىنىڭ ءوسiپ-وركەندەۋiن، رۋحاني بايلىعىن، سان سىرلى، الۋان قىرلى بەت-بەينەسiن پاش ەتەدi. بەس بۇرىشتى جۇلدىز ەلتاڭبانىڭ ءتاجi iسپەتتi. ءاربiر ادامنىڭ جول نۇسقايتىن جارىق جۇلدىزى بار.
قازاقستان رەسپۋبليكاسىنىڭ مەملەكەتتiك تۋى
قازاقستان رەسپۋبليكاسىنىڭ مەملەكەتتiك تۋى – قازاقستان رەسپۋبليكاسىنىڭ مەملەكەتتiك نەگiزگi ءرامiزدەردiڭ بiرi. تۋدىڭ اۆتورى – قازاقستاننىڭ ەڭبەك سىڭىرگەن ونەر قايراتكەرى شاكەن نيازبەكوۆ.
مەملەكەتتىك تۋ - كوگiلدiر ءتۇستi تiك بۇرىشتى كەزدەمە. ونىڭ ورتاسىندا ارايلى كۇن، كۇننiڭ استىندا قالىقتاعان قىران بەينەلەنگەن. اعاش سابىنا بەكiتiلگەن تۇستا ۇلتتىق ويۋلارمەن كەستەلەنگەن تiك جولاق ورنەكتەلگەن. كۇن، اراي، قىران جانە ويۋ-ورنەك - التىن ءتۇستi. تۋدىڭ ەنi ۇزىندىعىنىڭ جارتىسىنا تەڭ. بiرىڭعاي كوك ءتۇس توبەدەگi بۇلتسىز اشىق اسپاننىڭ بيiك كۇمبەزiن ەلەستەتەدi جانە قازاقستان حالقىنىڭ بىرلىك، ىنتىماق جولىنا ادالدىعىن اڭعارتادى.
بۇلتسىز كوك اسپان بارلىق حالىقتاردا ءارقاشان دا بەيبiتشiلiكتiڭ، تىنىشتىق پەن جاقسىلىقتىڭ نىشانى بولعان.
گەرالديكا (گەربتانۋ) تiلiندە — كوك ءتۇس جانە ونىڭ ءتۇرلi رەڭكi ادالدىق، سەنiمدiلiك، ءۇمiت سياقتى ادامگەرشiلiك قاسيەتتەرگە ساي كەلەدi. ەجەلگi تۇركi تiلiندە «كوك» ءسوزi اسپان دەگەن ۇعىمدى بiلدiرەدi. كوك ءتۇس تۇركى حالىقتارى ءۇشiن قاسيەتتi ۇعىم.
نۇرعا مالىنعان التىن كۇن تىنىشتىق پەن بايلىقتى بەينەلەيدi. كۇن - قوزعالىس، دامۋ، ءوسiپ-وركەندەۋدiڭ جانە ءومiردiڭ بەلگiسi. كۇن - ۋاقىت، زامانا بەينەسi. قاناتىن جايعان قىران قۇس - بار نارسەنiڭ باستاۋىنداي، بيلiك، ايبىندىلىق بەينەسi.
ۇلان-بايتاق كەڭiستiكتە قالىقتاعان قىران قازاقستاننىڭ ەركiندiك سۇيگiش اسقاق رۋحىن، قازاق حالقىنىڭ جان-دۇنيەسiنiڭ كەڭدiگiن پاش ەتەدi.
التىن كۇن اسپانى،
التىن ءدان دالاسى،
ەرلىكتىڭ داستانى،
ەلىمە قاراشى!
ەجەلدەن ەر دەگەن،
داڭقىمىز شىقتى عوي.
نامىسىن بەرمەگەن،
قازاعىم مىقتى عوي!
قايىرماسى:
مەنىڭ ەلىم، مەنىڭ ەلىم،
گۇلىڭ بولىپ ەگىلەمىن،
جىرىڭ بولىپ توگىلەمىن، ەلىم!
تۋعان جەرىم مەنىڭ – قازاقستانىم!
ۇرپاققا جول اشقان،
كەڭ بايتاق جەرىم بار.
بىرلىگى جاراسقان،
تاۋەلسىز ەلىم بار.
قارسى العان ۋاقىتتى،
ماڭگىلىك دوسىنداي،
ءبىزدىڭ ەل باقىتتى،
ءبىزدىڭ ەل وسىنداي!
قايىرماسى:
مەنىڭ ەلىم، مەنىڭ ەلىم،
گۇلىڭ بولىپ ەگىلەمىن،
جىرىڭ بولىپ توگىلەمىن، ەلىم!
تۋعان جەرىم مەنىڭ – قازاقستانىم!
قازاقستان رەسپۋبليكاسىنىڭ مەملەكەتتىك ءانۇرانى
ءانۇراننىڭ ءسوزىن قازاقستان رەسپۋبليكاسىنىڭ ءار ازاماتى جاتقا ءبىلۋى ءتيىس.
بۇرىن «مەنىڭ قازاقستانىم» ءانى رەتىندە تانىمال بولعان قازاقستاننىڭ ءانۇرانى پرەزيدەنت نۇرسۇلتان نازاربايەۆتىڭ باستاماسى بويىنشا، 2006 جىلى 6 قاڭتاردا ەلىمىزدىڭ پارلامەنتىندە بەكىتىلدى. ءبىرىنشى رەت ول 2006 جىلى 11 قاڭتاردا مەملەكەت باسشىسىنىڭ سالتاناتتى ۇلىقتاۋ راسىمىندە ورىندالدى.
ءانىن جازعان – كومپوزيتور ءشامشى قالداياقوۆ، ءسوزىن جازعاندار – نۇرسۇلتان نازاربايەۆ پەن جۇمەكەن ناجىمەدەنوۆ.
You Might Also Like
-
ناعاشى جۇرت - تۋعان انانىڭ اكە-شەشەلەرىنەن باستاپ، بارلىق اتالاس اعايىن-تۋىستارى مەن ءۇرىم-بۇتاقتارى. ناعاشى (ەر، ايەل) - انانىڭ توركىن جۇرتى. ناعاشى ءۇش جۇرتتىڭ ىشىندەگى ەڭ سىيلىسى. ولار جيەنىن ءارق...
-
ءبىر قوتىر تورعاي شەڭگەلگە قونىپ وتىرعاندا، جاراسىنىڭ قارا قوتىرلانعان اۋزىن شەڭگەلدىڭ تىكەنەگى سىدىرىپ كەتىپتى.
