7 ساۋىرگە ارنالعان اۋا رايى: جاڭبىر، نايزاعاي جانە بۇرشاق كۇتىلەدى
بۇگىن، 7 ساۋىردە، قازاقستاننىڭ كوپتەگەن وڭىرىندە اتموسفەرالىق فرونتتاردىڭ وتۋىنە بايلانىستى اۋا رايى قۇبىلمالى بولادى. شىعىس وڭىرلەردە انتيسيكلون اسەرىنەن جاۋىن-شاشىنسىز، سالىستىرمالى تۇردە اشىق كۇن كۇتىلۋدە.
تۇنگى ۋاقىتتا وڭتۇستىك، باتىس جانە سولتۇستىك-باتىس ايماقتارىندا قاتتى جاڭبىر جاۋادى. ال كۇندىز جاۋىن-شاشىن ورتالىق قازاقستانعا دا جەتەدى. ەل اۋماعىندا جەلدىڭ كۇشەيۋى، تۇمان ءتۇسىپ، كورۋ مۇمكىندىگىنىڭ ناشارلاۋى ىقتيمال. وڭتۇستىك وڭىرلەردە جەل ەكپىنى ارتىپ، كەي جەرلەردە بۇرشاق جاۋۋى مۇمكىن.
ايماقتار بويىنشا ناقتى بولجام:
استانا: كۇن الا بۇلتتى، جاڭبىر جاۋادى. اۋا تەمپەراتۋراسى +17...+19 °C. جەلدىڭ جىلدامدىعى 7–12 م/س.
الماتى: نايزاعاي ويناپ، جاڭبىر جاۋۋى ىقتيمال. كۇندىز +21...+23 °C. جەلدىڭ ەكپىنى 12 م/س-كە دەيىن جەتەدى.
شىمكەنت: الا بۇلتتى اۋا رايى كۇتىلەدى. كۇندىز اۋا تەمپەراتۋراسى +21...+23 °C. جەل 8–13 م/س جىلدامدىقپەن سوعادى.
ماماندار تۇرعىندارعا اۋا رايىنا بايلانىستى ساقتىق شارالارىن ساقتاۋعا كەڭەس بەرەدى، اسىرەسە جولداردا جانە اشىق الاڭداردا اباي بولۋ قاجەت.
You Might Also Like
-
قىرعىزستاندا توقتاتىلعان جۇرگىزۋشىلەر جول ەرەجەسىنەن سول جەردە ەمتيحان تاپسىرادى،-دەپ حابارلايدى Infohub.kz.
-
قىتايداعى ميللياردەرلەر ءتىزىمى تاعى دا وزگەردى. ByteDance كومپانياسىنىڭ نەگىزىن قالاعان چجان يمين ەلدەگى ەڭ اۋقاتتى كاسىپكەر اتانىپ، بايلىعى 57،5 ميلليارد دوللارعا جەتتى.
