قازاقتاردىڭ بانكتەر الدىنداعى بەرەشەگى ءقاۋىپتى دەڭگەيگە جەتىپ قالدى
قازاقستاندا جەكە تۇلعالاردىڭ بانكتەرگە بەرەشەگى جىلدان-جىلعا ارتىپ كەلەدى. اسىرەسە، ءبولىپ تولەۋ (راسسروچكا) قىزمەتتەرىن بەلسەندى تۇردە ۇسىناتىن Kaspi Bank بويىنشا جاعداي كۇردەلەنە تۇسكەن.
سوڭعى رەسمي دەرەكتەرگە سايكەس، Kaspi Bank-كە 90 كۇننەن استام ۋاقىت تولەنبەگەن قارىز كولەمى 304،7 ملرد تەڭگەگە جەتكەن. بۇل كورسەتكىش — ەلىمىزدەگى بانكتەر اراسىندا ەڭ جوعارىسى. سونىمەن قاتار، بانكتىڭ پروبلەمالىق نەسيە پورتفەلى (NPL 90+) ءبىر جىل ىشىندە 41%-عا وسكەن.
2022 جىلدىڭ قاراشاسىنا دەيىن بۇل تىزىمدە Halyk Bank كوش باستاپ تۇرعان ەدى. الايدا قازىرگى تاڭدا Halyk Bank ەكىنشى ورىنعا ءتۇسىپ، مەرزىمى ءوتىپ كەتكەن قارىز كولەمى 299،5 ملرد تەڭگەنى قۇراپ وتىر.
ءۇشىنشى ورىندا — ەۋرازيالىق بانك، وندا 90 كۇننەن استام كەشىكتىرىلگەن نەسيەلەر 119،5 ملرد تەڭگەگە جەتكەن. ال Bereke Bank بويىنشا بۇل كورسەتكىش 88،4 ملرد تەڭگە.
كوپشىلىك اراسىندا بانك سەكتورى تۇراقتى، حالىقتىڭ بورىش جۇكتەمەسى شامالى دەگەن پىكىرلەر تاراعانىمەن، ناقتى ستاتيستيكا بۇل ويدى جوققا شىعارىپ وتىر. كرەديت الۋ قولجەتىمدى بولعانىمەن، ونى قايتارۋ — ۇلكەن پروبلەماعا اينالىپ كەلەدى.
بۇل جاعدايدىڭ كۇردەلەنۋىنە نە سەبەپ؟ بانكتەردىڭ نەسيە بەرۋ ساياساتى ما، الدە حالىقتىڭ قارجىلىق ساۋاتتىلىعى مەن تولەم قابىلەتىنىڭ تومەندەۋى مە؟ كرەديت شارتتارىن قاتاڭداتۋ كەرەك پە — بۇل قوعامدا تالقىلاۋعا تۇرارلىق وزەكتى ماسەلە.
You Might Also Like
-
قازاقستاندا سوت شەشىمدەرىن قايتا قارايتىن ارنايى كوميسسيا جاساقتالمايدى. بۇل تۋرالى ەلىمىزدىڭ باس پروكۋرورى بەرىك اسىلوۆ رەسمي مالىمدەمە جاساپ، كونستيتۋسيا تالاپتارىنا سۇيەنە وتىرىپ تۇسىنىكتەمە بەردى.
-
قىرعىزستان، تاجىكستان جانە وزبەكستان باسشىلارى حۋدجاندتا كەزدەسىپ، مەملەكەتتىك شەكارالاردىڭ ناقتى بەلگىلەنۋىنە قاتىستى كەلىسىمگە كەلدى. سونىمەن قاتار، ءۇش ەل اراسىندا ماڭگى دوستىق تۋرالى دەكلاراسياع...
