InfoHub Logo

جەتىسۋ وبلىسىندا ءۇش بويجەتكەن ەر ادامدى بوپسالادى دەگەن كۇدىكپەن ۇستالدى. كۇدىكتىلەر "درۋگ ۆوكرۋگ" الەۋمەتتىك جەلىسىندە قاقپان قۇرىپ، اڭقاۋ جىگىتتى 800 مىڭ تەڭگە تالاپ ەتۋ ارقىلى تورعا تۇسىرمەك بولعان.

بارلىعى اقپان ايىندا باستالدى. ب. ەسىمدى ازامات اتالعان جەلى ارقىلى ا. ەسىمدى قىزبەن تانىسىپ، ءبىراز ۋاقىت سويلەسكەننەن كەيىن ول جىگىتتى ۇيىنە قوناققا شاقىرعان. جاس جىگىت رومانتيكالىق كەشتى ەلەستەتىپ، كەزدەسۋگە اسىعا جەتەدى. ءبىراق پاتەرگە كىرگەندە جاعداي مۇلدەم باسقا سەنارييمەن وربىگەن.

ۇيدە ا. جالعىز بولماي شىقتى – قاسىندا تاعى ەكى بويجەتكەن وتىرعان. ءبىراز ۋاقىتتان سوڭ قىزداردىڭ ءبىرى جىگىتتى جەكە بولمەگە شاقىرادى. ەكەۋى وڭاشا قالعاندا، كۇتپەگەن جاعداي ورىن الادى. كەنەتتەن بولمەگە ەكى قىز باسا-كوكتەپ كىرىپ، "كامەلەتكە تولماعان قىزعا تيىسپەك بولدى!" دەپ ايقايعا باسقان.

بۇدان كەيىن قىزدار جىگىتتى شىن مانىندە قورقىتۋ وپەراسياسىنا كوشكەن. ولار:

"نە بىزگە 800 مىڭ تەڭگە بەرەسىڭ، نە تۇرمەگە تۇسەسىڭ!" دەپ سەس كورسەتكەن.

جەكە كۋالىگى مەن جۇرگىزۋشى كۋالىگىن تارتىپ الىپ، اقشانى تولىق تولەمەيىنشە قايتارمايتىندارىن ايتقان.

قورىققان جىگىت ەكى رەت 50 مىڭ تەڭگەدەن بەرىپ، امان قالۋدىڭ امالىن ويلاعان. ءبىراق قىزداردىڭ بۇل قادامعا وڭايلىقپەن توقتامايتىنىن تۇسىنگەن ول پوليسياعا جۇگىنەدى.

پوليسەيلەر بوپسالاۋشىلاردى كەلەسى جولى 30 مىڭ تەڭگە الىپ جاتقان جەرىندە قولعا ءتۇسىردى. ءقازىر ءۇش بويجەتكەنگە قاتىستى قىلمىستىق ءىس قوزعالىپ، تەرگەۋ ءجۇرىپ جاتىر.

بۇل وقيعا الەۋمەتتىك جەلى ارقىلى تانىستىقتىڭ ءقاۋىپتى بولۋى مۇمكىن ەكەنىن تاعى ءبىر دالەلدەدى.