InfoHub Logo

ادەبيەتتىك وقۋ 4 سىنىپ
قىسقا مەرزىمدى جوسپار
ساباق تاقىرىبى: ءا. نۇرماحانوۆا «شىعىس شىنارى»
وسى ساباقتا قول جەتكىزىلەتىن وقۋ ماقساتتارى (وقۋ باعدارلاماسىنا سىلتەمە): ءا. نۇرماحانوۆانىڭ «شىعىس شىنارى» اڭگىمەسىمەن تانىستىرۋ. سۇراپىل سوعىس كەزىندە ەرلىك ءۇشىن قازا بولعان تۇلعالاردى ارداقتاۋعا باۋلۋ.

قۇندىلىقتاردى دارىتۋ
وزىنە سەنىمدى بولۋ، جاۋاپكەرشىلىكتى سەزىنۋ، ءبىلىم الۋعا ۇمتىلۋ.
ماڭگىلىك ەل پاتريوتتىق اكتىسى.
قۇندىلىق: ماڭگىلىك ەل، بۇل – جالپىۇلتتىق بىرلىك، بەيبىتشىلىك پەن كەلىسىم.
ءبىزدىڭ وتانىمىز ءبىر، ول – تاۋەلسىز قازاقستان، ءبىزدىڭ ەلىمىز ءبىر – تاعدىرىمىز ورتاق.
بەيبىتشىلىك پەن كەلىسىمنىڭ ۇلى ىسىنە ادال حالىقتىڭ عۇمىرى مىڭجىلدىقتارعا جالعاسادى.
ءپانارالىق بايلانىستار: ماتەماتيكا، قازاق ءتىلى، دۇنيەتانۋ، دەنەشىنىقتىرۋ
اكت قولدانۋ داعدىلارى: ينتەربەلسەندى تاقتا، سلايد
الدىڭعى مەڭگەرىلگەن ءبىلىم: ۇلى وتان سوعىسى تۋرالى مالىمەتتەردى جانە قازاقستاندىق باتىرلار تۋرالى بىلەدى.

كىرىسپە
ساباقتىڭ باسى
ءى. شاتتىق شەڭبەرى
شەڭبەر بولىپ تۇرايىق جىلى جۇزبەن،
بىزگە كەلسىن قۋانىش نۇر ىزدەگەن.
شۋاق تولى جانىمىز جۇرەگىمىز،
ۇلگى السىن كورگەن جان مىنا بىزدەن.

ءىى. توپقا ءبولۋ.
ءى توپ «مەرگەندەر»
ءىى توپ «اتقىشتار»
ءىىى توپ «بارلاۋشىلار»
ءىۇ توپ «جاۋىنگەرلەر»
ءىىى. توپ مۇشەلەرىن سايلاۋ.
- ءار توپ ءوز ىشىنەن توپ باسشىسىن سايلاپ، ول توپتىڭ حاتشىسىن، ۋاقىت شەكتەۋشىنى تاعايىندادى.
ءىۇ. توپتىڭ ەرەجەسىن قۇرۋ
سۋرەتتەرگە قاراپ توپ ەرەجەسىن شىعارۋ

ءۇ. وتكەن ساباقتى پىسىقتاۋ.
«مەن سوعىستى جەك كورەم» ولەڭدى جاتقا سۇراۋ.

ءۇى. «سەرپىلگەن ساۋال» ءادىسى.
1. ادام جانىن ءدۇر سىلكىندىرگەن سوعىستىڭ ۇلتىنا، ەلىنە جەرىنە قاراماستان وتە ءقاۋىپتى ەكەنىن ولەڭنىڭ قاي جەرىنەن بايقادىڭ؟
2. اقىن سوعىسقا دەگەن جيىركەنىشتى ءبىلدىرىپتى.
3. سوعىستىڭ ادامزات بالاسىنا اسەرى قانداي بولدى؟
وقۋشىلار ءوز ويلارىن قورعاپ، ءتۇيىن جاساپ، ماداقتالادى ءارى باعالانادى.

جاڭا ساباق
ساباق ورتاسى
وي قوزعاۋ
- ۇلى وتان سوعىسىنىڭ اياقتالۋىنا بيىل نەشە جىل تولادى؟
- ۇلى وتان سوعىسى جىلدارىنداعى قانداي باتىرلاردى بىلەمىز؟
- قازاقتىڭ قوس جۇلدىزى جايلى نە بىلەسىڭ؟
- ولار تۋرالى قانداي ولەڭ وقىدىق؟

«سيقىرلى ساندار» ويىنى.
ويىننىڭ ماقساتى: جىلدام ەسەپتەر شىعارۋ ارقىلى جاڭا تاقىرىپتى اشۋ.
ويىننىڭ شارتى: جىلدام ەسەپتەر شىعارۋ ارقىلى سيقىرلى سانداردى ارىپتەرگە اينالدىرۋ. كەستە كومەگىمەن ارىپتەردەن ءسوز قۇراۋ. سوندا ءبىزدىڭ بۇگىنگى ساباعىمىزدىڭ باستى كەيىپكەرىنىڭ اتى شىعادى.
52+(6*8)=100 ( يا )
74 - 50/10=69 ( ءا )
53+5*9=98 ( ي )
72/9+8=16 ( ل )

69 16 98 100
ءا -- ل -- ي -- يا
- بۇگىنگى ساباعىمىزدا ءازيزا نۇرماحانوۆانىڭ « شىعىس شىنارى» اڭگىمەسىمەن تانىسامىز.
ساباقتىڭ ماقساتى: ۇلى وتان سوعىسى جىلدارىنداعى ەلى ءۇشىن جانىن قيعان، قازاق حالقىنىڭ قايسار قىزى ءا. مولداعۇلوۆانىڭ ەرلىگىن دارىپتەۋ.
«تۇلعانى تانى» ءادىسى ارقىلى ءماتىن اۆتورى جانە كەيىپكەر جايلى مالىمەت بەرۋ
وقۋلىقپەن جۇمىس:
«شىعىس شىنارى» ءماتىنى

«داۋىستاپ ويلاۋ» ءادىسى وقي وتىرىپ وي ءتۇيۋ، وي ءبولىسۋ.
ءماتىندى بىرنەشە بولىكتەرگە ءبولۋ. توپتا وتىرىپ بەرىلگەن بولىكتى بىرەۋى داۋىستاپ وقيدى، قالعاندارى تىڭداي وتىرىپ وي تۇيەدى. ءبىر - بىرىنە تۇسىندىرەدى، مازمۇنى قىسقا ءارى نۇسقا سۇرالادى.
«ماتىنمەن جۇمىس»
تاپسىرمالار:
• ءار بولىككە اتاۋ بەرۋ؛
• ءار بولىكتىڭ نەگىزگى ويىن بىلدىرەتىن سويلەمدەردى انىقتاۋ؛
• كەيىپكەردى سيپاتتايتىن ءسوز، ءسوز تىركەسى، سويلەمدەردى تابۋ؛
• ماتىندەگى بارلىق كەيىپكەرلەردى كەزەگىمەن اتاپ بەرۋ؛
• ماتىندەگى وقيعا ورىن العان جەرلەردى اتاۋ؛
• ءماتىندى اياقتاۋدىڭ نۇسقاسىن ۇسىنۋ.
توپتىق جۇمىس:
«قاراما قارسى سۇراقتار» ءادىسى.
ماقساتى: توپتار ءبىر - بىرىنە سۇراقتار بەرەدى. قويىلعان سۇراققا جاۋاپ ىزدەپ، دالەلدەۋگە تىرىسادى. قىسقا ءارى نۇسقا جاۋاپ قايتارۋعا جۇمىستانادى.

ءمۇعالىمنىڭ ءاتى-جونى: شونايەۆا ك.
ءا. نۇرماحانوۆا «شىعىس شىنارى» جۇكتەۋ