ءا. نۇرشايىقوۆتىڭ جاستارعا ەكى اۋىز ءسوزى
جىگىتتەر! الدىمەن ءسوزىمدى سەندەرگە ارنايمىن! مەنىڭ سەندەردەن وتىنەرىم، اراق ىشپەڭدەر، اينالايىندار! اراق — ادامزاتتىڭ جاۋى، حالىقتىڭ دۇشپانى. اراق الدىمەن تالانتتى ادامداردى قۇرتادى. سودان سوڭ وزگەگە كوز سالادى. تالانتسىزدى دا جالماپ جۇتا بەرەدى. ەندەشە، اراق ىشپەڭدەر، باۋىرلارىم! «مەن مىقتىمىن» دەپ وقىراڭداي بەرمەڭدەر، اسىپ بارا جاتقان كۇشتەرىڭ بولسا، ونى اراققا ەمەس، اينالاڭداعى ادامدارعا، اعايىن-تۋىس، ادال جارلارىڭا قامقورلىق جاساۋعا جۇمساڭدار!
قالقام! اراقتى جەڭەمىن دەپ دامەلەنبە! شاراپقا ءبۇيىرىم شىعا ءبىر تويايىنشى دەپ تالپىنبا! ول ەشكىمدى دە تويدىرمايدى. سۋ ەكەش سۋدى دا سىزدىقتاتىپ، سىزىلتا ىشسەڭ عانا ءشولىڭ قانادى. ادام اراق ىشپەگەننەن ولمەيدى، ارانى اشىلىپ اراق ىشكەنىنەن ولەدى. ءاربىر اراق ىشكەن ادامنىڭ ءومىرى از، عۇمىرى قىسقا بولادى. ونىڭ ۇستىنە ماسكۇنەمنىڭ ءومىرى — ءمانسىز. ادامنىڭ ءومىرى ونسىز دا قىسقا، ەندەشە، از عۇمىردى ارداقتاپ، شاماڭ كەلگەنشە ماعىنالى ەتىپ وتكىزگەنگە نە جەتسىن؟!
جىگىتتەر! جاندارىڭدا جۇرگەن قىزداردى قۇرمەتتەڭدەر. قىز — بولاشاقتىڭ اناسى. قىز — الدىڭعى ۇرپاقتىڭ اجەسى. اناڭدى ارداقتاپ، اجەڭدى قۇرمەتتە، قاراعىم!
قىزدار! جاندارىڭدا جۇرگەن جىگىتتەردى اقىلمەن، ادەپتىلىكپەن، سىپايى مىنەزبەن، سۇيكىمدى نازبەن تىزگىندەي بىلىڭدەر! اراق ىشكىزبەڭدەر، ايقايعا جولاتپاڭدار. ولاردى تۇنگى 12-دە ماس بولىپ رەستوراننان كەلىپ، جۇرتتىڭ شىرقىن بۇزىپ، تەرەزەنىڭ تۇبىندە تەكەدەي باقىلداتىپ ولەڭ ايتىپ وتىرمايتىن ەتىڭدەر. ويتكەنى، قىز جەتەلەسە، ىلەسپەيتىن، قىز قيىلسا، كونبەيتىن جىگىت جوق. اقىل انادان تارايدى. ادامگەرشىلىك ايەلدەن باستالادى. جاراتۋشى وزدەرىڭە سىيلاعان وسى ءبىر وزگەشە ونەرلەرىڭدى قاستارىڭدا جۇرگەن جىگىتتەرگە اسەر ەتۋگە جۇمساڭدار. جىگىت جانىڭدا جۇرسە — جولداسىڭ، جاۋعا جۇمساساڭ — جولبارىسىڭ. ورتادا جۇرسە — ورمانىڭ، شەتكە شىقسا — قورعانىڭ!
You Might Also Like
-
ەرتەدە كۇيىك دەگەن قالانىڭ ماڭىنداعى جىلۋان وزەنىنىڭ بويىندا كەمپىر مەن شال ءومىر ءسۇرىپتى. قارتايعاندا كورگەن ەسەن ەسىمدى جالعىز بالاسى بولىپتى. ەسەننىڭ اكەسى وتباسىن اسىراۋ ءۇشىن كۇن سايىن دارياعا ا...
-
ءار ءجۇز جىلدا دۇنيەنىڭ حالقى اۋىسادى، ياعني بۇرىنعى ءومىر سۇرگەندەر كەتىپ، جاڭا ادامدار كەلەدى. ءبىر زاماندارى باسقالاردىڭ مۇلكى بولعان نارسەلەردى ءقازىر ءبىز قولدانۋدامىز، بىزدەن كەيىن دە باسقالار قولدا...
