InfoHub Logo

اباي وبلىسىنىڭ بەستەرەك اۋىلىندا تۇرعىنداردىڭ قابىرعاسىن قايىستىرعان قايعىلى جاعداي بولدى. مارقۇمداردىڭ تۋىستارىنىڭ ايتۋىنشا، 55 جاستاعى جۇرگىزۋشى تىزگىندەگەن كولىك جول جيەگىنەن شىعىپ، ءۇيدىڭ قاقپاسىن سوعىپ، اۋلادا ويناپ جۇرگەن التى بالانى باسىپ وتكەن.

الدىمەن قاقپا جانىندا تۇرعان قىزدى قاعىپ كەتكەن. ارتىنشا تەمىر قاقپانى سوققان كولىك اۋلاداعى بالالاردى قىسىپ قالدىرعان. ەكى بالا دوڭگەلەك پەن قاقپا اراسىنا قىستىرىلىپ، اۋىر جاراقات العان. جۇك تيەگىشتىڭ كومەگىمەن عانا ولاردى كولىكتىڭ استىنان الىپ شىققان.

وكىنىشكە قاراي، ءبىر ۇل مەن قىز وقيعا ورنىندا كوز جۇمدى، تاعى ءبىر قىز جەدەل جاردەم كولىگىندە جان تاپسىردى. قالعاندارى ءتۇرلى جاراقاتپەن اۋرۋحاناعا جەتكىزىلدى.

كورشىلەر زارداپ شەككەندەرگە جاردەمدەسىپ، بالالاردى اۋرۋحاناعا جانە ءمايىتحاناعا جەتكىزۋگە كومەكتەسكەن.

قايعىلى وقيعاعا سەبەپكەر بولعان جۇرگىزۋشى — وسى اۋىلدىڭ تۇرعىنى. ونىڭ بالالارى اكەسىنىڭ 20 جىلدىق تاجىريبەسى بار اۆتوبۋس جۇرگىزۋشىسى ەكەنىن، ىشىمدىك تە، ەسىرتكى دە پايدالانبايتىنىن ايتادى.

ءقازىر جۇرگىزۋشى قاماۋعا الىندى. پوليسيا قىلمىستىق ءىس قوزعاپ، جول اپاتىنىڭ سەبەپ-سالدارىن انىقتاپ جاتىر.