InfoHub Logo

6 - سىنىپ
ساباقتىڭ تاقىرىبى: دوستىق، بىرلىك، ىنتىماق - ۇرانىمىز.

ماقساتى: 1. بىلىمدىلىك: ءا. ەسپايەۆتىڭ شىعارماشىلىعىن، قازاق مۋزىكا مادەنيەتىنە قوسقان مول مۋزىكالىق مۇراسىن تانىستىرۋ.
2. تاربيەلىك: بىرلىك پەن ىنتىماق، حالىقتار دوستىعىن ناسيحاتتاۋ ارقىلى وقۋشىلارعا رۋحاني، ەستەتيكالىق تاربيە بەرۋ.
3. دامىتۋشىلىق: مۋزىكانى تىڭداپ تالداي ءبىلۋ قابىلەتىن، ءاندى دۇرىس ورىنداۋ شەبەرلىگىن، مۋزىكالىق ساۋاتتىلىقتى دامىتۋ.
ءتيپى: ارالاس.
ءتۇرى: ءداستۇرلى.
ءادىسى: كورنەكىلىك، سۇراق – جاۋاپ، اۋەندى ويىن، اڭگىمەلەۋ.
كورنەكىلىگى: ينتەراكتيۆتى تاقتا، بايان اسپابى، بەينەبايان.

بارىسى: ءى. ۇيىمداستىرۋ كەزەڭى.
1. «ءارقاشان كۇن سونبەسىن» ءانىنىڭ اۋەنىمەن سىنىپقا كىرۋ.
2. وقۋشىلاردىڭ ساباققا دايىندىعىن تەكسەرۋ.

ءىى. ءۇي تاپسىرماسىن سۇراۋ.
1. قازاقستانداعى وپەرا ونەرى.
2. داۋىس جاتتىعۋىن ورىنداۋ.
ا) گامما ورىنداۋ.
ءا) تۇراقتى دىبىستاردى ايتىپ جاتتىعۋ.
3. ءان ورىنداۋ. جىبەكتىڭ ءانى «گاككۋ»

ءىىى. ءۇي تاپسىرماسىن بەكىتۋ.
1.«وپەرا» ءسوزجۇمباعىن شەشۋ.
1) تەاتر ساحناسىندا قويىلاتىن مۋزىكالىق – درامالىق شىعارما. (وپەرا)
2) وپەراداعى قايتالانىپ كەلىپ وتىراتىن مۋزىكالىق تاقىرىپ. (لەيتموتيۆ)
3) ە. راحمادييەۆتىڭ وپەراسى. («الپامىس»)
4) ب. جۇمانيازوۆتىڭ وپەراسى. («ماحامبەت»)
5) ە. برۋسيلوۆسكييدىڭ حالىقتار دوستىعىنا ارنالعان وپەراسى. («دۋداراي»)
6) م. تولەبايەۆتىڭ وپەراسى. («ءبىرجان – سارا»)
2. توپتاستىرۋ. وپەرا.

ءىۇ. جاڭا ساباققا كىرىسپە.
1. قىزىعۋشىلىعىن ارتتىرۋ. بەينەروليك كورۋ.
«اقپىز، قارا، سارىمىز – اعايىنبىز ءبارىمىز»
2. وي قوزعاۋ. «تۋىسقان جۇرتتار تۇراعى»
ءار الۋان تىرلىكپەن
الەمدە جاتىر مىڭداپ ەل.
اينىماس دوستىق، بىرلىكتىڭ
ايماعىن كورسەڭ، مۇندا كەل!..

ءۇ. جاڭا ساباق. دوستىق، بىرلىك، ىنتىماق – ۇرانىمىز.
1. ءان تىڭداۋ. «ناستوياششيي درۋگ».
2. ماعىنانى تانۋ. 1889 جىلى شىلدەدە پاريجدە اشىلعان ءىى ينتەرناسيونالدىڭ ءى كونگرەسى 1 - مامىردى بارلىق ەلدەر پرولەتارياتىنىڭ حالىقارالىق ىنتىماق كۇنى دەپ جاريالادى. بۇل – ەڭبەكشىلەردىڭ حالىقتىق مەيرامى، بۇكىل دۇنيە ءجۇزى جۇمىسشىلارىنىڭ ىنتىماق كۇنى.
3. «ءان جۇمباق» ويىنى. ( الدىن الا دايىندالعان بەينەكورىنىس ارقىلى ءا. ەسپايەۆتىڭ «ۇستازىم»، «قايداسىڭدار، دوستارىم» اندەرىن جاسىرۋ)
بۇل اندەردىڭ اۆتورىن بىلەمىز بە؟ ەندەشە، ءبىز بۇگىنگى ساباعىمىزدا دارىندى كومپوزيتور ءابىلاحات ەسپايەۆتىڭ «بەيبىتشىلىك ساقتالادى» اتتى ءانىن ۇيرەنەمىز.(ءاننىڭ اۆتورلارىمەن تانىسۋ)
ءابىلاحات ەسپايەۆ
ءومىر سۇرگەن جىلدارى: 1925 - 1980 جىلدار.
اتقارعان قىزمەتى:
اتاق – دارەجەسى:
شىعارمالارى: ءا. ەسپايەۆ نەگىزىنەن ۆوكالدىق مۋزىكا جانرىندا (ءان، رومانس، حور، باللادا) ەڭبەك ەتتى. ونىڭ حالىققا كەڭ تاراپ، ۇلكەن سۇيىسپەنشىلىككە بولەنگەن «تۋعان ەل»، «اق ساۋلە»، «ساعىنىش ەكەن بالا كەز»، «ۇستازىم»، «قايداسىڭدار، دوستارىم»، «مارجان قىز»، « شوفەر ءانى»، «وداعىم - باقىت ورداسى»، «ءالى ەسىمدە»، «بەيبىتشىلىك ساقتالادى»، «ورامال»، «جايىق قىزى» ت. ب. اندەرى بار.
4. ءان ۇيرەنۋ. «بەيبىتشىلىك ساقتالادى» ءسوزىن جازعان: نۇتفوللا شاكەنوۆ.
ا) ءاندى ورىنداپ بەرۋ.
ءا) اۆتورلارىمەن تانىستىرۋ.
ب) ءماتىنىنىڭ مازمۇنىن تالداۋ.
ۆ) اۋەنىنە قوسىلىپ ورىنداۋ.
گ) ءاننىڭ جىلدامدىعىن، كوركەمدىگىن ساقتاپ ورىنداۋ.
5. مۋزىكا ساۋاتى.
باللادا (فر. ballade – بيلەۋ دەگەن ماعىنانى بىلدىرەدى) – نەگىزىنەن بايانداۋ سيپاتىندا بولىپ كەلەتىن ۆوكالدى نەمەسە اسپاپتى جانر.
6. داپتەرمەن جۇمىس. (ءان تىڭداي وتىرىپ).

ءۇى. جاڭا ساباقتى بەكىتۋ.
وزىندىك جۇمىس. «بۇگىنگى ساباقتا تۇيگەنىم».(وقۋشىلارعا كەستە تاراتىلىپ بەرىلەدى. ءار وقۋشىنىڭ ساباقتان العان ءتالىمى انىقتالادى.)

وقۋشىنىڭ اتى - ءجونى:
ۇعىمدار -------------------------- نە ۇعىندىم؟ ---------- العان ءتالىمىم، اسەرىم
دوستىق، بىرلىك، ىنتىماق
كومپوزيتور
مۋزىكا ساۋاتى

ءۇىى. قورىتىندىلاۋ.
1.«ۇيقاسىن تاپ»
دوستىق، بىرلىك، ىنتىماق - ۇرانىمىز،
ءبارىمىزدىڭ قازاقستان -.................
ءتۇرلى ۇلت پەن ۇلىستىڭ...............،
............................... قىرانىمىز.
ءابىلاحات ەسپايەۆتىڭ ءانىن ايتىپ،
............................... شىعامىز ءبىز.
مەن – تولقىن اپايلارىڭ ساباق وتكەن،
ۇنادىم با سەندەرگە؟..................
2.«دوس بولايىق ءبارىمىز» ءانىن ورىنداۋ.

ءۇىىى. ۇيگە تاپسىرما.
1. ءا. ەسپايەۆ – زەرتتەۋ.
2. «بەيبىتشىلىك ساقتالادى» - جاتتاۋ.
3. مۋزىكا ساۋاتى. باللادا.
4. شىعارماشىلىق تاپسىرما. دوستىق تاقىرىبىنا ولەڭ شىعارۋ، ەسسە جازۋ، سۋرەت سالۋ.
ءىح. باعالاۋ.