InfoHub Logo

«ادال دوستىق - ادامگەرشىلىك بەلگىسى»
(تاربيە ساعاتى)
ماقساتى: 1. وقۋشىلاردى ادامگەرشىلىك سياقتى اسىل قاسيەتپەن تانىستىرۋ.
2. ويلارىن اشىق، ايتىپ ۇيرەنۋ، ماقال - ماتەلدەر تۋرالى بىلىمدەرىن، جاعداياتتار شەشە ءبىلۋ قابىلەتتەرىن دامىتۋ.
3. دوستىق سەزىممەن، دوستىقتىڭ تۇرلەرىمەن تانىستىرۋ ارقىلى ادال دوستىق پەن جالعان دوستىقتى اجىراتا بىلۋگە، ادامگەرشىلىك سياقتى اسىل قاسيەتتى قادىرلەي بىلۋگە تاربيەلەۋ.
كورنەكىلىكتەر: ينتەراكتيۆتى تاقتا، دوستىق تۋرالى سلايدتار، جاعداياتتار سالىنعان
كونۆەرتتەر. ۆيدەوسيۋجەت.
ءمۇعالىم: سالاماتسىڭدار ما، قۇرمەتتى قوناقتار، وقۋشىلار!
بۇگىنگى ءبىزدىڭ «ادال دوستىق - ادامگەرشىلىك بەلگىسى» اتتى تاربيە ساعاتىنا قوش كەلىپسىزدەر!
تاربيە ساعاتىنىڭ ماقساتى وقۋشىلارعا ادامگەرشىلىك قاسيەتتەرمەن تانىستىرا وتىرىپ، ادال دوستىق پەن جالعان دوستىقتى ايىرا بىلۋگە، مەيىرىمدىلىككە، تاتۋلىققا تاربيەلەۋ.
سىزدەردىڭ الدارىڭىزدا پىكىر الىسىپ، وي بولىسۋگە ەكى توپ كەلىپ وتىر جانە مەنىڭ كومەكشىلەرىم كۇمىسكۇل مەن عابدولعاني.
ءى كەزەڭ: 1جۇرگىزۋشى: دوس ەمەس، دوستىڭ ءسوزىن كوتەرمەسە،
ساعان جەردىڭ تۇبىنەن جەتەم دەسە.
نە قىلىپ دوس اتىنا قوسىلادى.،
كوتەرمەي ءبىر ءسوزىڭدى بۇيتەم دەسە.
ءى كەزەڭىمىز «تانىستىرۋ» كەزەڭى. ءار توپ وزدەرىن تانىستىرادى.
ءىى كەزەڭ. 2 جۇرگىزۋشى: توپتارعا تاپسىرما: «ادامگەرشىلىك» ءسوزىنىڭ ماعىناسىن ءتۇسىندىرۋ
(ءار توپ ءوز ويلارىن ورتاعا سالادى، ال ءبىر جۇرگىزۋشى تاقتانى اشىپ تۇرادى)
ءمۇعالىم قورىتىندىلايدى: ولاي بولسا ادامنىڭ بويىنداعى جاقسى قاسيەتتەردىڭ بارلىعى ادامگەرشىلىك دەگەن اسىل قاسيەتتىڭ ماعىناسىن بىلدىرەدى ەكەن. سونىڭ ىشىندە شىن دوستىق تا ادامگەرشىلىك بەلگىسى.
ءىىى كەزەڭ. 1جۇرگىزۋشى: دوستىق ادەپ سىيلاسىم،
دوس ومىرلىك قيماسىم
دوس ارىڭداي قىمباتتى،
دوستىق سەزىم تىم ءتاتتى، دەي وتىرىپ،
كەلەسى تاپسىرمامىزعا كوشەيىك: «دوستىق» دەگەن ءسوزدىڭ ماعىناسىن قالاي تۇسىنەسىڭدەر؟
(تاقتادا «دوستىق» ءسوزى. ءار توپ كەزەكپەن جاۋاپ بەرەدى.)
ءمۇعالىم قورىتىندىلاپ تاقتاداعى ءسوزدى كورسەتەدى.(1وقۋشى )
ءىV. كەزەڭ 2جۇرگىزۋشى: (ەندى نازارىمىزدى ۆيدەوسيۋجەتكە اۋدارامىز)
V. 2جۇرگىزۋشى: دوسىم ساعان سەنەمىن، سەنىپ وتەم!
جولى بوتەن دەمەيمىن، ءجونى بوتەن.
دوستىق دەگەن ادامنىڭ كورىگى ەكەن.
دوستىق دەگەن اقىلدىڭ سەرىگى ەكەن.
ءمۇعالىم: بالالار، ءبىز سەندەرمەن كوپ ۇلتتى مەملەكەتتە تۇرامىز. قازاقستاندا 100دەگەن ۇلت وكىلدەرى تاتۋ – ءتاتتى ءومىر سۇرۋدە. ەندەشە قانداي ۇلت وكىلدەرىن بىلەسىڭدەر؟
سەندەردىڭ باسقا ۇلت وكىلدەرىنەن دوستارىڭ بار ما؟ وزدەرىڭ باسقا ۇلتتىڭ قانداي ولەڭىن، نە تاقپاعىن بىلەسىڭدەر؟(وقۋشىلاردىڭ جاۋابى تىڭدالادى)
ال ءقازىر ءار ۇلتتىڭ سالەمدەسۋ راسىمدەرىن كورسەتە قويىڭدار.(وقۋشىلار ءار قايسى ايتىپ شىعادى.)
Vءى. 1جۇرگىزۋشى: دوس ارىڭداي قىمباتتى،
دوستىق سەزىم تىم ءتاتتى، دەي وتىرىپ كەلەسى ماقال – ماتەلدەر كەزەڭىنە كوشەيىك، ءار توپ بەرىلگەن ماقال - ماتەلدى تولىقتىرىپ اياقتاۋى قاجەت.
ماقال - ماتەلدەر كەزەڭى (تاقتادا ماقالدار)
Vءىى. 2جۇرگىزۋشى: ەرتەدە ايتىمبەت دەگەن سوزگە شەشەن كىسى بولىپتى
بىردە ونىڭ زامانداستارى:
• دوستىق نەشەۋ دەپ سۇراق قويادى. سوندا ايتىمبەت تۇرىپ: دوستىقتىڭ ەكى ءتۇرى بولادى.
• ءبىرى ادال دوستىق، ەكىنشىسى امال دوستىق.
• دۇرىس - اق. ەندى ونى قالاي اجىراتامىز دەگەندەرگە:
• ادال دوستىقتىڭ - ومىرلىك نۇسقا بولادى، امال دوستىقتىڭ ءورىسى قىسقا بولادى دەپ جاۋاپ بەرگەن ەكەن.
1جۇرگىزۋشى: ادال دوس بارلىق جەردە كەرەك ەكەن،
ومىردە دوستىڭ ورنى بولەك ەكەن.
جاقسى دوس جادىراتسا جان دۇنيەڭدى،
جامان دوستان جاماندىق كەلەدى ەكەن – دەپ كەلەسى بولىمگە كوشەيىك
(جان دوسىم ءانى ورىندالادى)
كەلەسى تاپسىرما « ادال دوس» پەن «امال دوستىڭ» ماعىناسىن ءتۇسىندىرۋ
«بىرلىك» توبى «ادال دوستىڭ»، ال «جولداس توبى» امال دوستىڭ ماعىناسىن تۇسىندىرەدى.(سودان سوڭ تاقتاعا بارادى).
تاقتادا ەكى سۋرەت سول سۋرەتتەر بويىنشا بەينەلەيدى.
Vءىىى. 2جۇرگىزۋشى: قيىندىقتى سەنىمەن ءبىر كورىسىپ،
قاجىمايتىن، تايسالمايتىن جىگەرى،
دوس دەگەن جارتى ناندى ءبولىسىپ،
ادالدىقتان جارالادى جۇرەگى
جاعداياتتار كەزەڭى
دەي وتىرىپ الدارىمىزداعى كونۆەرتتەردە جاتقان جاعداياتتاردىڭ شەشۋ جولىن ىزدەيىك
(ءار توپتا كونۆەرتتەردە ەكى - ءۇش جاعداياتتان)
ءار توپ داۋىستاپ وقيدى، سوسىن شەشۋ جولىن ايتادى.(تاقتادا جاعداياتتار جازىلعان)
ءحى. 1جۇرگىزۋشى: نە جەتەدى ناعىز دوسقا اسىلعا،
قۋانساڭ دا، قايعىرساڭ دا قاسىڭدا
قينالادى - سەن قينالساڭ بولعانى،
ۇيىقتاماساڭ - ۇيىقتامايدى ول داعى.
قورىتىندى: ءمۇعالىم: ال ەندى توپتارعا تاپسىرما:
: «ادامگەرشىلىك» ءسوزىنىڭ ماعىناسىن ءتۇسىندىرىپ تاقتاعا جازۋ.
: «ادال دوس» ءسوزىنىڭ ماعىناسىن ءتۇسىندىرىپ تاقتاعا جازۋ (وقۋشىلار تاقتاعا كەزەكپەن شىعادى)
: ءمۇعالىم: ناقىل سوزدەردى تاقتاعا جازىپ قويادى.
دوستىڭ كوڭىلىن قالدىرما،
دوسىڭا ادال بول!
دوسىڭدى قورلاما!
دوسىڭدى كەشىرە ءبىل.
دوسىڭا كومەكتەسە ءبىل.
2جۇرگىزۋشى: دوستىڭ كوڭىلى شار اينا،
سىندىرىپ الما ابايلا،
دەي وتىرىپ تاربيە ساعاتىمىزدى اياقتايمىز