ادالدىق - ەڭ اسىل قاسيەت
ادالدىق - ادامدىقتىڭ بەلگىسى ىسپەتتى. ادام بالاسى قوعامدا ءوزىنىڭ ادامگەرشىلىگىمەن، ادالدىعىمەن، قايىرىمدىلىعىمەن ارداقتالادى. سوندىقتان وسى اسىل قاسيەتتەر ءار ادامنىڭ بويىنان تابىلۋى شارت دەپ ويلايمىن. ادالدىق ادام بويىندا تۋمىسىنان پايدا بولمايدى. سەبەبى ادالدىق ءار ادامدا ومىردەگى كوپ فاكتورلاردان قالىپتاسادى. ادالدىقتىڭ ادام بويىندا ءسىڭىسىپ كەتۋى ءۇشىن ارينە، اتا-اناسىنىڭ تاربيەسى اسەر ەتەدى. بۇل جاعدايدا اتا-انا تالىم-تاربيەسى دە زور ءرول اتقارادى. بالا قورشاعان ورتاسىنا، قوعامعا قاراپ، سول باعىتتا قالىپتاسادى. ءسابيدى پەرىشتە سانايمىز، ءبىراق وسە كەلە ول پەرىشتەلىگىن جويادى. نەلىكتەن؟ سەبەبى "سۇتپەن سىڭگەن مىنەز سۇيەكتەن شىعادى"، ول دا قورشاعان ورتانىڭ ىقپالىنا سۇيەنەدى.
باسقاعا سۇراق قويماس بۇرىن، مەن وزىمنەن باستادىم. وسى ادالدىق قاسيەتتەرى مەنىڭ بويىمنان تابىلا ما؟ قوعامداعى ادامداردىڭ ماعان دەگەن كوزقاراسى قانداي؟ ءيا، مەنىڭ بويىمنان اسىل قاسيەتتەر تابىلادى. سەبەبى مەن ومىرگە شىنايى كوزقاراسپەن قاراپ، جارقىن بولاشاعىما اياق باسامىن. ءوز ەڭبەگىممەن نان تاۋىپ، الدىعا قويعان ماقساتىما جەتەمىن. قوعامدا دا ماعان دەگەن دوستارىمنىڭ كوزقاراسى جاقسى. دەمەك، مەنىڭ بويىمدا وسى اسىل قاسيەتتەر تابىلادى.
كوشپەلى قازاق حالقى دا بۇرىننان جاس ۇرپاقتارىن اسىل قاسيەتتەرگە باۋلىدى جانە ءقازىر دە باۋلىپ كەلەدى. "الا ءجىپتى اتتاماعاننىڭ ابىرويى بيىك" - دەمەكشى قازاق حالقى تۇساۋكەسەر ءسالت-داستۇرىن بالانى بىرەۋدىڭ الا ءجىبىن اتتاماس ءۇشىن وتكىزەدى. وسىدان-اق، قازاق حالقىنىڭ بالا تاربيەسىنە قالاي كوڭىل بولەتىندىگىن، قانداي ابىرويلى حالىق ەكەنىن اڭعارۋعا بولادى.
"كۇشىڭە سەنبە، ادال ىسىڭە سەن" -، دەگەن ەكەن مۇحتار اۋەزوۆ اتامىز. شىنىندا دا، بەدەلىڭە، بايلىعىڭا سەنۋدىڭ قاجەتى جوق. تۇبىندە ادالدىق جەڭەتىنى ءسوزسىز. بايلىعىڭ دا، بەدەلىڭ دە ۋاقىتشا. ال، جاساعان ادال ءىسىڭ ءومىر بويى ساعان جاقسىلىق اكەلەدى. سەبەبى ادال جولمەن تاپقان اقشانىڭ ۇياتى جوق، بەرەكەسى بار. . .
You Might Also Like
-
كيىز ءۇي - ەجەلگى كوشپەلى ءومىر سۇرەتىن ادامداردىڭ جىلجىمالى باسپاناسى. ول تەز جيىلىپ-تىگىلۋگە ىڭعايلى كوشىپ-قونۋعا ىڭعايلى ەتىپ جاسالعان. كيىز ءۇيدىڭ پايدا بولعان ۋاقىتى قولا داۋىرىمەن تۇسپا-تۇس كەلە...
-
قابانباي ەلىنەن اۋلاق ساپاردا جۇرگەندە ەجەلدەن وشتەسىپ، كەك ساقتاپ، قاپىسىن تاۋىپ، اڭدىپ جۇرگەن قىرعىزدىڭ ءامانالى دەگەن باتىرى قابانبايدىڭ ەلىن شاۋىپ، ەگەر قىلادى. قىزىن قاتىن، قاتىنىن جەسىر،...
