InfoHub Logo

ادام اعزاسىنىڭ ومىرىندەگى كۇرت وزگەرىستەر بولاتىن ەكى ماڭىزدى كەزەڭ بار. بۇل جاستا اعزا بۇرىنعىداي ەمەس، سوندىقتان دەنساۋلىققا ەرەكشە نازار اۋدارۋ قاجەت.

بۇل تۋرالى Infohub.kz اقپارات اگەنتتىگى حابارلايدى.

قازاقستاندا ورتاشا ءومىر ءسۇرۋ ۇزاقتىعى 76 جاسقا جەتكەنىمەن، بۇل كورسەتكىشتىڭ ارتىندا كۇردەلى شىندىق جاتىر. كوپتەگەن ادامدار قارتايۋ پروسەسىن دۇرىس تۇسىنبەيدى. ولار قارتايۋدى جىلدار بويى بىرتىندەپ جۇرەتىن پروسەسس دەپ ويلايدى. الايدا، عالىمداردىڭ زەرتتەۋلەرى مۇلدەم باسقا جاعدايدى كورسەتەدى: اعزامىز بەلگىلى ءبىر ۋاقىتتاردا كۇرت وزگەرىستەرگە ۇشىرايدى.

اعزانىڭ كۇرت وزگەرەتىن كەزەڭدەرى

ستەنفورد ۋنيۆەرسيتەتىنىڭ زەرتتەۋشىلەرى جۇرگىزگەن زەرتتەۋلەرگە سايكەس، قارتايۋعا بايلانىستى مولەكۋلالاردىڭ شامامەن 81 پايىزى بىرتىندەپ ەمەس، كۇرت وزگەرىستەرگە ۇشىرايدى ەكەن. بۇل وزگەرىستەر ەكى نەگىزگى كەزەڭدە بايقالادى: شامامەن 44 جاستا جانە 60 جاستا. بۇل كەزەڭدەردە ادام اعزاسىنىڭ مەتابوليزمى، يممۋنيتەتى، گورمونالدى جۇيەسى جانە سترەسسكە توزىمدىلىگى سياقتى كوپتەگەن كورسەتكىشتەرى وزگەرەدى.

ءبىرىنشى كەزەڭ: 40-45 جاس

بۇل جاستا ادام اعزاسى بۇرىنعىداي «كەشىرىمشىل» بولمايدى. ۇيقىنىڭ ناشارلاۋى، سالماقتىڭ ارتۋى، قالپىنا كەلۋدىڭ باياۋلاۋى، قان قىسىمىنىڭ وزگەرۋى سياقتى بەلگىلەر پايدا بولادى. بۇل كەزەڭدە كوپتەگەن ادامدار دەنساۋلىعىن تەكسەرتۋگە ءماجبۇر بولادى. مەتابوليزم وزگەرەدى، ينسۋلينگە سەزىمتالدىق تومەندەيدى، تامىرلارعا تۇسەتىن جۇكتەمە ارتادى. بۇرىنعىداي «كەزدەيسوق» ءومىر ءسۇرۋ ءستيلى بۇدان بىلاي جۇمىس ىستەمەيدى.

قازاقستانداعى ەرەكشەلىكتەر

قازاقستاندا جۇرەك-قان تامىرلارى اۋرۋلارى ءولىمنىڭ باستى سەبەپتەرىنىڭ ءبىرى بولىپ قالا بەرەدى. جوعارى قان قىسىمى، ارتىق سالماق، تەمەكى شەگۋ، از قيمىلداۋ – بۇلاردىڭ بارلىعى 40 جاستان كەيىن اسقىناتىن جاعدايلارعا اكەلەدى. سونىمەن قاتار، قازاق حالقىنىڭ ءداستۇرلى اسحاناسىنداعى مايلى، كالورياسى جوعارى تاعامدارعا دەگەن سۇيىسپەنشىلىك مەتابوليزمنىڭ بۇزىلۋىنا ەرتە اكەلۋى مۇمكىن.

دەنساۋلىقتى ساقتاۋدىڭ ءتورت باعىتى

ادام دەنساۋلىعىنا قاتىستى تاۋەكەلدەردى ءتورت نەگىزگى باعىتقا توپتاستىرۋعا بولادى:

بۇل باعىتتار ءوزارا تىعىز بايلانىستى.

جۇرەك پەن تامىرلار: 40 جاستان كەيىن قالاي ساقتاۋ كەرەك؟

اتەروسكلەروز ءبىر جىلدا پايدا بولمايدى، ول ونداعان جىلدار بويى داميدى. ينفاركت – اۋرۋدىڭ باسى ەمەس، سوڭى. قان قىسىمىن، حولەستەريندى باقىلاۋ، جۇيەلى جاتتىعۋلار جاساۋ جانە تەمەكى شەگۋدەن باس تارتۋ – مۇنىڭ ءبارى الدىن الۋدىڭ ماڭىزدى شارالارى.

مەتابوليزمنىڭ ماڭىزى

ينسۋلينگە توزىمسىزدىك – بۇل كوپتەگەن ادامدار بىلمەيتىن، ءبىراق ونىڭ سالدارىمەن بەتپە-بەت كەلەتىن جاعداي. ارتىق سالماق، شارشاۋ، قانداعى قانتتىڭ وزگەرۋى، قان قىسىمىنىڭ پروبلەمالارى – مۇنىڭ ءبارى مەتابوليزمنىڭ بۇزىلۋىمەن بايلانىستى. بۇل تەك قانت ديابەتى مەن جۇرەك اۋرۋلارىنا عانا ەمەس، قاتەرلى ىسىك ءقاۋپىنىڭ ارتۋىنا دا اكەلەدى.

قاتەرلى ىسىك: تاۋەكەلدى ازايتۋ

قاتەرلى ىسىك ءقاۋپىن ازايتۋ ءۇشىن تەمەكى شەكپەۋ، سالماقتى باقىلاۋ جانە مەتابوليزمدى جاقسارتۋ ماڭىزدى. دەگەنمەن، گەنەتيكالىق فاكتورلار مەن كەزدەيسوق مۋتاسيالار سالدارىنان بۇل ءقاۋىپتى تولىق جويۋ مۇمكىن ەمەس. سوندىقتان اۋرۋدى ەرتە انىقتاۋعا باعىتتالعان سكرينينگتەر وتە ماڭىزدى.

ەستە ساقتاۋ قابىلەتى: 60 جاستان كەيىن ميدى قالاي ساقتاۋ كەرەك؟

ءومىر ءسۇرۋ ۇزاقتىعىنىڭ ارتۋىمەن دەمەنسيا جانە باسقا دا نەيرودەگەنەراتيۆتى اۋرۋلار ءجيى كەزدەسەدى. مۇندا گەنەتيكا مەن ءومىر سالتىنىڭ ءرولى زور. فيزيكالىق بەلسەندىلىك، زياتكەرلىك جۇكتەمە، الەۋمەتتىك بايلانىستار، ساپالى ۇيقى جانە مەتابوليزمنىڭ جاقسى بولۋى – ميدىڭ قالپىنا كەلۋ قابىلەتىن ارتتىرادى.

ەكىنشى كەزەڭ: 60 جاس شاماسىندا

بۇل كەزەڭدە اعزا بۇرىنعىداي پروبلەمالاردى ءوزى بەتىنشە شەشە المايدى. يممۋنيتەت السىرەيدى، سوزىلمالى اۋرۋلار اسقىنادى. بۇعان دەيىن جاسالعان نەمەسە جاساماعان ارەكەتتەردىڭ ناتيجەسى كورىنەدى. الايدا، ەشقاشان كەش ەمەس. جۇيەلى تۇردە دەنساۋلىققا كوڭىل بولسەڭىز، 60 جاستان كەيىن دە جاعدايدى جاقسارتۋعا بولادى.

ادام اعزاسى كەنەتتەن بۇزىلمايدى. ول تەك بۇرىن كەشىرىمدى بولعان قاتەلىكتەردى كەشىرۋدى توقتاتادى. سوندىقتان، 20 جاستا رەسۋرستى جيناقتاۋ، 44 جاستا ونى باسقارۋ، ال 60 جاستا سوڭعى ناتيجەلەرمەن بەتپە-بەت كەلۋ – ءومىردىڭ زاڭدىلىعى.