InfoHub Logo

ۇيلەنىپ، وتباسى قۇرعان العاشقى كۇندەرى ەندى بۇدان كەيىن ءومىردىڭ ءبىز ءۇشىن ەرەكشە بولاتىنىنا ءوزىمىزدى سەندىرەمىز. كەيىن بالكىم كىشكەنتايىمىز بولعاندا جاقسى ءومىر باستالار دەپ ويلايمىز. كەيىن ولار وسكەندە ناعىز باقىتقا جەتسەك كەرەك دەپ قويامىز. سول سياقتى ەسەيگەندە، وقۋدى بىتىرگەندە، جۇمىسقا تۇرعاندا، جاڭا كولىك العاندا، دەمالىسقا شىققاندا، زەينەتكە شىققاندا دەگەندەي ءار جاڭا وزگەرىسكە قول جەتكىزگەندە ءومىردىڭ راحاتىنا، باقىتىنا قاۋىشاتىنىمىزدى ۇمىتتەنەمىز.

^{© سۋرەت : Pascal Campion}

بۇلاي ويلاۋىمىز باقىتقا الىپ باراتىن جولدىڭ بۇل ەمەستىگىن كورسەتەدى. ال نەگىزگى شىندىق بولسا، ناعىز باقىتتىڭ تاپ قازىرگى كۇندەردەن باسقاسى ەمەستىگى.

ەگەر بۇعان كەلىسپەيتىن بولساق، وندا قاي ۋاقىت؟... ءومىرىمىزدىڭ بارلىق كەزەڭى كۇرەسكە تولى بولارى كۇمانسىز. ولاي بولسا، ەڭ دۇرىسى شىندىقتى ءوزى بويىنشا قابىلداپ، ءار كەزەڭنىڭ وزىنە ءتان باقىتىن كورە الۋ.

^{© سۋرەت : Pascal Campion}

الفرەد د’سوۋزا بىلاي دەگەن ەكەن: «ۇزاق ۋاقىتتان بەرى باقىتتى ءومىرىمنىڭ (جاڭا، شىن ءومىردىڭ) باستالۋىن كۇتۋدە ەدىم. ءبىراق قاشاندا جولىمدا ءبىر كەدەرگى، جەتۋ كەرەك بولعان ماقسات، بىتپەي قالعان تىرلىك، وتەلۋ كەرەك بولعان قارىز، كۇتپەگەن جۇمىستار شىعىپ تۇردى. ال مەنىڭ ويىمشا ناعىز ءومىر سودان كەيىن باستالۋى كەرەك ەدى. الايدا سول كەدەرگىلەردىڭ ءبارى مەنىڭ ءومىرىم ەكەنىن سوڭىندا ءتۇسىندىم...»

^{© سۋرەت : Pascal Campion}

ولاي بولسا، تاپ قازىرگى قولىمىزداعى ءاربىر ءساتتىڭ، ءومىر ءسۇرىپ جاتقان ءاربىر كۇننىڭ ءقادىرىن بىلەيىك!... ۋاقىت ەشكىمدى كۇتپەيدى، سونى ۇمىتپاۋ كەرەك. باقىتتى بولۋ ءۇشىن قانداي دا ءبىر ەرەكشە كەزەڭدەردىڭ كەلۋىن، شارتتاردىڭ ورىندالۋىن بوسقا كۇتپەي، قاي كەزەڭدە بولساق تا باقىتتى بولۋعا ءمان بەرىپ كورەيىك.

^{© سۋرەت : Pascal Campion}

---