InfoHub Logo

بلوگەر، بەلسەندى احمەتبەك نۇرسيلا ورازا ۇستاۋ كەزىندە سۋ ىشپەۋدىڭ سالدارىنان ادامداردىڭ دەنساۋلىعىنا ءقاۋىپ ءتونۋى مۇمكىن ەكەنىن ايتىپ، جۇرتشىلىقتىڭ قىزۋ تالقىسىنا ءتۇستى.

ونىڭ ايتۋىنشا، جازدىڭ اپتاپ ىستىعىندا سۋسىزدىقتان قان قويۋلانىپ، ينسۋلت پەن ينفاركت ءقاۋپى ارتادى. «جازدىڭ كۇنى ورازا كەزىندە ادامدار شىبىنشا قىرىلادى. اۋرۋىنا اۋرۋ جاماپ الادى. قانىڭ قويۋلانىپ، حولەستەرين جينالادى. ينسۋلت، ينفاركت الۋ ءقاۋپى 100 ەسە ارتادى. ويتكەنى، قاننىڭ 90 پايىزى سۋ. سۋ ىشپەگەننەن كەيىن تەرمەن بىرگە شىعىپ، قان ودان سايىن قويۋلانادى»، – دەيدى نۇرسيلا.

ول يمامدارعا ورازانى سۋ ءىشىپ ۇستاۋعا رۇقسات بەرۋدى نەمەسە تولىقتاي اشىعۋعا مۇمكىندىك بەرۋدى ۇسىندى. «سۋ ءىشىپ اشىعۋعا رۇقسات بەرسە، سولاي ىستەڭىزدەر. ال سۋسىز اشىعۋعا رۇقسات بەرسە، ودان باس تارتقان دۇرىس. سۋسىز ءومىر جوق»، – دەپ قورىتىندىلادى بلوگەر.

احمەتبەك نۇرسيلانىڭ بۇل پىكىرى الەۋمەتتىك جەلىدە قىزۋ تالقىعا اينالدى. كوپشىلىك ونىڭ سوزىمەن كەلىسپەي، بۇرىنعى بىلىمىنە ساي ەمەس سالاعا ارالاسىپ كەتكەنىن سىنعا الدى. جەلى قولدانۋشىلارى «شىلدەنىڭ ىستىعىندا دا ورازا ۇستادىق، ەشكىم قىرىلعان جوق»، «اراب ەلدەرىندە جىل بويى ىستىق، ءبىراق ەشكىم قىرىلمايدى عوي» دەپ پىكىر ءبىلدىردى.