madeniportal.kz
بلوگەر: ورازا كەزىندە سۋ ىشپەۋ ينسۋلت پەن ينفاركت ءقاۋپىن ارتتىرادى
بلوگەر احمەتبەك نۇرسيلا ورازا كەزىندە سۋ ىشپەۋدىڭ دەنساۋلىققا ءقاۋىپتى سالدارى تۋرالى ايتىپ، قوعامدا قىزۋ پىكىرتالاس تۋدىردى. ونىڭ ايتۋىنشا، جازدىڭ اپتاپ ىستىعىندا سۋسىزدىق قاننىڭ قويۋلانۋىنا، سالدارىنان ينسۋلت پەن ينفاركت ءقاۋپىنىڭ ارتۋىنا اكەلۋى مۇمكىن.
دەنساۋلىققا ءقاۋىپتى سالدارلار
«جازدىڭ كۇنى ورازا كەزىندە ادامدار شىبىنشا قىرىلادى. اۋرۋىنا اۋرۋ جاماپ الادى. قانىڭ قويۋلانىپ، حولەستەرين جينالادى. ينسۋلت، ينفاركت الۋ ءقاۋپى 100 ەسە ارتادى. ويتكەنى، قاننىڭ 90 پايىزى سۋ. سۋ ىشپەگەننەن كەيىن تەرمەن بىرگە شىعىپ، قان ودان سايىن قويۋلانادى»، – دەپ مالىمدەدى نۇرسيلا.
ۇسىنىستار مەن قوعام رەاكسياسى
بلوگەر يمامدارعا ورازانى سۋ ءىشىپ ۇستاۋعا رۇقسات بەرۋدى نەمەسە تولىقتاي اشىعۋعا مۇمكىندىك بەرۋدى ۇسىندى. «سۋ ءىشىپ اشىعۋعا رۇقسات بەرسە، سولاي ىستەڭىزدەر. ال سۋسىز اشىعۋعا رۇقسات بەرسە، ودان باس تارتقان دۇرىس. سۋسىز ءومىر جوق»، – دەپ قورىتىندىلادى ول.
احمەتبەك نۇرسيلانىڭ بۇل پىكىرى الەۋمەتتىك جەلىدە قىزۋ تالقىعا اينالدى. كوپشىلىك ونىڭ سوزىمەن كەلىسپەي، بۇرىنعى بىلىمىنە ساي ەمەس سالاعا ارالاسىپ كەتكەنىن سىنعا الدى. جەلى قولدانۋشىلارى «شىلدەنىڭ ىستىعىندا دا ورازا ۇستادىق، ەشكىم قىرىلعان جوق»، «اراب ەلدەرىندە جىل بويى ىستىق، ءبىراق ەشكىم قىرىلمايدى عوي» دەپ پىكىر ءبىلدىردى.
بۇل تۋرالى Infohub.kz اقپارات اگەنتتىگى حابارلايدى.
-
An environmental dispute concerning the 'Kvadrat' reservoir in Atyrau has concluded، bringing the facility under public observation and mandating continuous monitoring of pollutants.
-
1975 جىلى اتىراۋ قالاسىنىڭ ماڭىنا اسكەري راكەتانىڭ قۇلاۋى سالدارىنان ادامدار قازا تاپتى. بۇل وقيعا كەڭەس وداعى كەزىندە جاسىرىلىپ كەلگەن.
