ادامگەرشىلىك - اسىل قاسيەت
ادامگەرشىلىك - ادام بويىنداعى قۇندى، ەڭ اسىل قاسيەت. "كىسىلىك"، "ىزگىلىك"، "يماندىلىق" سياقتى ۇعىمدارمەن ماندەس. بۇل سوزدەردى ەستىگەندە كوز الدىمىزعا قينالعاندا قول ۇشىن بەرىپ، كومەگىن ايامايتىن، جانارشىلىق تانىتاتىن جاقسى جاندار بىردەن ەلەستەي كەتەرى راس. بۇل قاسيەتتەر ارقىلى ءبىز مەيىرىمدىلىككە، وتانىن، ەلىن، وتباسىن سۇيۋگە ۇيرەنەمىز. قازىرگى قوعامدا دا شالىنعاندى دەمەيتىن، ادامي قاسيەتتەرى بويىنا سىڭگەن ادامدار جوق ەمەس. ال مەن سولاردىڭ ىشىندە جاقسى ادام دەپ كىمدەردى ايتا الامىن؟
جاقسىلىق كۇن سەكىلدى، كەيدە بۇلت استىنا جوعالىپ، كەيدە ساۋلەسىن مول شاشىپ، نۇرىن توگەدى. وسىنداي ءاردايىم جارىق ساۋلەسىن شاشىپ، مەيىرىم شۋاعىن توگىپ تۇراتىن جاقسى ادامدار مەنىڭ دە جانىمدا جەتەرلىك. ولاردىڭ ءبىرى مەنىڭ ومىرىمنەن ءوز ورنىن ويىپ تۇرىپ الاتىن - اجەم. اجەمنىڭ جۇرەگى ۇلكەن، تەرەڭ. وندا جاماندىقتىڭ ءىزى دە جوق. تەك جاقسىلىق اتاۋلىعا تۇنىپ تۇر. اجەمە قاراپ، جاقسىلىعى ءۇشىن ماساتتانام. ول رۋحى مىقتى، جىگەرلى جان. بالا كۇنىمنەن اجەمنىڭ وسىنداي جانى جايساڭ جان ەكەنىن، دانالىعى مەن دارالىعىن كورىپ وسكەندىكتەن، جاقسىلىقتىڭ نە ەكەندىگىن ءبىلىپ ءوستىم. ءبىلىپ قانا قويماي بويىما ءسىڭىرىپ ءوستىم. كەيدە ويلايمىن، ەلدىڭ ءبارى مەنىڭ اجەم سياقتى بولسا عوي. وندا ەشكىم ەشكىمگە جاماندىق تىلەمەي، بارلىعى ادامي قاسيەتتەرىن ساقتاپ قالار ەدى. الەم جايدارى جاندارعا تولى بولار ەدى.
دەمەك، ادام بويىنداعى ادامگەرشىلىك قاسيەتى العاشقى ورىندا. ەگەر بارلىق ادامداردا وسىنداي ىزگى قاسيەتتەر بولسا، ەلەمىزدىڭ قارقىندى دامىپ، كوپتەگەن بيىك بەلەستەردى باعىندىرماسىنا كىم كەپىل؟! سوندىقتان ادام بالاسى بىر-بىرىڭىزگە جاقسىلىقتار جاساۋدان ەش شارشاماڭىزدار!!!
قارشىعا ايگەرىم، قىزىلوردا
You Might Also Like
-
باقىتىم بار ءۇشىنشى – وتان دەگەن، كىم مىقتى؟ – دەسە بىرەۋ،- وتان دەر ەم. وتى سونگەن جالعاندا جان بارسىڭ با؟ ويلانباي – اق كەل – داعى وت ال مەنەن.
-
1. تۇمار پاتشايىمى ءبىزدىڭ ەرامىزعا دەيىنگى 6 عاسىردا دۇنيەگە كەلگەن. ماسساگەت تايپاسىنىڭ كوسەمى بولدى. ونىڭ اكەسى — سپارگاپيس. اناسى ابي رۋىنان شىققان.
