اعىباي مەن قۇنانباي (ءى نۇسقا)
شۇبىرتپالى اعىباي باتىر ءبىر جۇمىسپەن سۇيىندىك مۇسانى ىزدەپ ۇيىنە بارسا، مۇسا توبىقتى قۇنانبايدىكىنە كەتتى دەپتى. قۇنانبايدىڭ ۇيىنە بارسا، قۇنانباي مەن مۇسا سويلەسىپ وتىر ەكەن. سالەم بەرىپ ۇيگە كىرىپ كەلگەندە، مۇسا سالەمىن الىپ، قۇنانباي ەلەمەپتى. اعىباي قامشىسىن تىزەسىنىڭ استىنا باسىپ كۇتىپ وتىرىپ، مۇسامەن ءسوزىن ءبىتىرىپ بولعان سوڭ، قۇنانبايعا:
— سالەم بەردىم الدىڭا،
قابىل كورىپ الدىڭ با،
كوزىڭنىڭ قىرىن سالدىڭ با؟
مىناۋ كەلگەن مەيمان كىم دەپ،
سىلكىپ كورپە سالدىڭ با؟
ەكى كوزىڭ الدىڭدا،
وسىنداي سوپى بولدىڭ با؟
ەسىكتەن كەلگەن توندىعا
توندى دەپ كوڭىلىڭ تولدى ما؟
وپ-وڭاي توندى بولدى ما؟
ءوزىن-وزى زور تۇتقان،
پايعامباردى قور تۇتقان
ءىبىلىس مالعۇن وڭدى ما؟! —
دەپ ۇيدەن شىعىپ كەتىپتى. قۇنانباي «بۇل كىم ەدى؟» دەپ سۇراعاندا، «بۇل — اعىباي باتىر» دەپتى. قۇنانباي ارتىنان تۇرا جۇگىرىپ شاقىرتقان ەكەن، اتقا ءمىنىپ قالعان اعىباي باتىر ارتىنا قايىرىلماي ءجۇرىپ كەتىپتى.
وقۋعا كەڭەس بەرەمىز:
ناۋرىزبايدىڭ جولبارىستى ءولتىرۋى
قۇرمانقۇلدىڭ ناۋرىزبايدىڭ ەرلىگىنە ريزا بولۋى
You Might Also Like
-
سارتتاردى بىرنەشە رەت ەسەنكەلدى، سارجان، ەرجان شاۋىپ كەمشىلىك كەلتىرە بەرگەن سوڭ، سارتتار ادەيى كىسى جىبەرەدى. «ءبىز قارالىق، بالالارىن جىبەرسىن، سويلەسىپ ەكى ارامىزدى جالعاستىرىپ تۇرالىق&raqu...
-
ءبىر كۇنى كەنەسارى ورداسىندا باتىر، بيلەر باسىن قوسىپ، ءبىزدىڭ زامانىمىزدا اسقان باتىر كىم دەگەن اڭگىمە بولىپ، «اعىبايدان اسقان ەر جوق»، — دەپ كەنەسارى ءوزى باس بولىپ، بارلىعى دا اعى...
