اگروونەركاسىپتەگى جالعان ستاتيستيكا: ماسەلە قالاي شەشىلەدى؟
قازاقستان رەسپۋبليكاسىنىڭ پارلامەنت ءماجىلىسىنىڭ اگرارلىق ماسەلەلەر كوميتەتىنىڭ ءتوراعاسى، «اۋىل» پارتياسىنىڭ باسشىسى سەرىك ەگىزبايەۆ Jibek Joly ارناسىنداعى «ۋادە» باعدارلاماسىندا اگروونەركاسىپ سالاسىنداعى جالعان ستاتيستيكا ماسەلەسىن اشىق كوتەردى. ونىڭ ايتۋىنشا، ەلدەگى ازىق-تۇلىك وندىرىسىنە قاتىستى دەرەكتەر شىندىققا جاناسپايدى، ال ميلليونداعان توننا ونىمدەر – قاعاز جۇزىندەگى عانا ساندار.
«جالعان ستاتيستيكا، ميلليونداعان پريپيسكالار بار. ميلليونداعان توننا ءسۇت، كوكونىس، استىق – ءبارى وتىرىك. پرەزيدەنتتىڭ قابىلداۋىندا بۇل ماسەلە كوتەرىلدى، مەملەكەت باسشىسى بۇعان تاڭعالدى»، – دەدى سەرىك ەگىزبايەۆ.
جالعان ەسەپتىڭ زاردابى قانداي؟
سالاداعى جالعان ستاتيستيكا نارىققا ايتارلىقتاي كەرى اسەرىن تيگىزىپ وتىر. ەڭ وزەكتى مىسال – كارتوپ ماسەلەسى. ەگىزبايەۆتىڭ ايتۋىنشا، ۇكىمەتتىڭ وتىرىسىندا كەيبىر وڭىرلەر قويمادا بار كارتوپ قورىن ءجۇز ەسە اسىرىپ كورسەتكەنى انىقتالعان.
«ماڭعىستاۋ وڭىرىندە بار-جوعى 20 توننا كارتوپ بولسا، ەسەپتە 2000 توننا دەپ كورسەتىلگەن. مۇنداي جالعان دەرەكتەر باعانىڭ قىمباتتاۋىنا جانە نارىقتاعى تاپشىلىققا تىكەلەي اسەر ەتەدى»، – دەدى ول.
بۇل جاعداي تەك كارتوپپەن شەكتەلمەيدى. وسىنداي «قاعاز جۇزىندە عانا بار» ونىمدەر ءسۇت، استىق جانە كوكونىس وندىرىسىندە دە تىركەلىپ وتىر.
جالعان دەرەك بەرگەندەر جاۋاپقا تارتىلا ما؟
باعدارلاما بارىسىندا جۋرناليست ەربولات مۇحامەدجان جالعان ەسەپ بەرگەندەر جازالانۋى كەرەك پە دەگەن سۇراق قويدى. سەرىك ەگىزبايەۆ بۇل ۇسىنىستى قولدايتىنىن ايتىپ، ستاتيستيكامەن اينالىساتىن جاۋاپتى تۇلعالار زاڭ الدىندا جاۋاپ بەرۋى ءتيىس ەكەنىن مالىمدەدى.
«نەگە ولار بۇلاي ىستەيدى؟ سەبەبى ستاتيستيكا ءۇشىن جازا جوق. ەگەر ناقتى جاۋاپكەرشىلىك ەنگىزىلسە، بۇنداي جاعدايلار ازايار ەدى»، – دەپ پىكىر ءبىلدىردى كوميتەت ءتوراعاسى.
اگروونەركاسىپ سالاسىنداعى جالعان ستاتيستيكا تەك سانداردىڭ عانا ەمەس، جالپى اۋىل شارۋاشىلىعى جۇيەسىنىڭ بۇرمالانۋىنا اكەلىپ سوعادى. بۇل ماسەلەنى شەشۋ ءۇشىن:
- جالعان ەسەپ بەرگەندەرگە زاڭدى جاۋاپكەرشىلىك جۇكتەۋ
- ءونىم قورىن ناقتىلاپ، اشىق جۇيە قالىپتاستىرۋ
- سيفرلىق تەحنولوگيالاردى ەنگىزۋ ارقىلى مالىمەتتەردى باقىلاۋ كۇشەيتۋ قاجەت
قازاقستاندىقتاردىڭ ازىق-تۇلىك قاۋىپسىزدىگى مەن نارىقتاعى تۇراقتىلىق ءۇشىن بۇل ماسەلەگە بيلىك تەز ارادا شەشىم تابۋى ءتيىس.
You Might Also Like
-
ازاتتىق راديوسى قىزمەتىن توقتاسا، ەلدە زاڭ مەن ءتارتىپ ديكتاتۋراسى كۇشەيەدى - ساياساتتانۋشى
-
ششۋچە قالاسىندا ادام سەنگىسىز وقيعا ورىن الدى – اسىراپ الىنعان بالانىڭ ءولىمى مەن جاردەماقى الاياقتىعى انىقتالدى. تەرگەۋ بارىسىندا 8 جىل بۇرىن ايەلدىڭ بىردەن بەس ناۋقاس جەتىم بالانى اسىراپ العانى، ول...
