InfoHub Logo

ايەلىن ۇرامىن دەپ ءولتىرىپ العان اقتوبەلىك تۇرعىنعا ۇكىم شىقتى

اقتوبە تۇرعىنى جۇبايىنا اۋىر دەنە جاراقاتىن سالعانى ءۇشىن سەگىز جىلعا باس بوستاندىعىنان ايىرىلدى، دەپ حابارلايدى Infohub.kz.

سوتتىڭ مالىمەتىنشە، ەر ادام جانجال كەزىندە ايەلىنىڭ باسىنان بىرنەشە رەت ۇرعان. سودان كەيىن ايەلدىڭ جاعدايى كۇرت ناشارلاپ كەتەدى. ايەل توسەكتەن تۇرا الماي، ۇيدەن شىعۋدى دوعارادى.

جەدەل جاردەمدەگىلەر ناۋقاستى اۋرۋحاناعا جاتقىزۋدى ۇسىندى. ءبىراق جابىرلەنۋشى باس تارتتى. كەيىن ايەلدىڭ جاعدايى كۇرت ناشارلاپ جەدەل جاردەمدى قايتا شاقىرتادى. ايەل جانساقتاۋ بولىمىندە كوز جۇمادى.

سوت-مەديسينالىق ساراپتاما ميدىڭ تراۆماتيكالىق ىسىنۋىنە اكەلەتىن قان كەتۋمەن جابىق مي جاراقاتىنا بايلانىستى ءولىم بولعانىن انىقتادى. ساراپشىلار ولىمنەن ءبىر كۇن بۇرىن مارقۇمعا اۋىر زيان كەلتىرىلگەنىن جانە ءولىم قاتتى سوققىدان تۋىنداۋى مۇمكىن ەكەنىن اتاپ ءوتتى. ايەلدىڭ قانىندا الكوگول مەن ەسىرتكىنىڭ قۇرامى بولماعان.

ايەلىنىڭ قازاسىنا ەر ادام كىنالى دەپ تانىلىپ، وعان سەگىز جىلعا باس بوستاندىعىنان ايىرۋ جازاسى تاعايىندالدى.