InfoHub Logo

12 تامىز كۇنى الماتىدان استاناعا باعىت العان Air Astana اۋە كەمەسىندە جولاۋشىلاردىڭ زارە-قۇتىن قاشىرعان جاعداي ورىن الدى. وقيعاعا كۋا بولعان جولاۋشى Threads الەۋمەتتىك جەلىسىندە جازعانىنداي، ۇشاق بالقاش ماڭىندا ۇشىپ بارا جاتقاندا قاتتى تۋربۋلەنتتىلىككە تاپ بولىپ، كەنەت تومەن قۇلدىراعان.

الەۋمەتتىك جەلىدەگى جازبا اۆتورى سول ساتتە 7 ايلىق سابيىمەن جانە كەنجە سىڭلىسىمەن بىرگە بولعانىن، ەڭ الدىمەن بالاسىن قالاي قورعايتىنىن ويلاعانىن جەتكىزگەن. ونىڭ ايتۋىنشا، بورتسەرىكتەر جولاۋشىلاردان ۇستەلشەلەرىن جيناپ، ورىندىقتارىن تىكتەۋدى، سونداي-اق بيىك وكشەلى اياق كيىم مەن اشەكەي بۇيىمدارىن شەشۋدى سۇراعان.

ەكيپاج قونۋ كەزىندە قاتتى سوققى بولۋى مۇمكىن ەكەنىن ەسكەرتكەننەن كەيىن، جولاۋشىلاردىڭ اراسىندا جىلاعاندار، جاقىندارىنا قوشتاسۋ حابارلامالارىن جازعاندار بولعان. الايدا ۇشاق الماتى اۋەجايىنا ەش كەدەرگىسىز ءساتتى قونعان. كومپانيا تاراپىنان رەسمي تۇسىنىكتەمە ازىرگە بەرىلگەن جوق.