InfoHub Logo

اكتريسا ايگۇل يمانبايەۆا 22 جاسىندا العاشقى نەكەسىن بۇزىپ، التى-جەتى ايلىق سابيىمەن اناسىنىڭ ۇيىنە ورالعانداعى قيىندىقتاردى جاسىرماي ايتتى. بۇل جاعداي ونىڭ ومىرگە دەگەن كوزقاراسىن تۇبەگەيلى وزگەرتكەنىن مويىندادى.

بۇل تۋرالى Infohub.kz اقپارات اگەنتتىگى حابارلايدى.

تۇرمىستىق قيىندىقتار مەن نامىس

اكتريسانىڭ ايتۋىنشا، بالالىق شاعىندا وتباسىندا ەشقانداي ماتەريالدىق قيىندىق بولماعان. اناسى بۋحگالتەر بولىپ جۇمىس ىستەپ، وتباسىن اسىراعان. الايدا، 90-جىلدارداعى قيىن كەزەڭدە كامپيتتىڭ ءوزىن ۇلەستىرىپ جەگەنىن ەسكە الدى. العاشقى نەكەسىنىڭ ءۇزىلۋى ونىڭ ومىرىندەگى ەڭ ۇلكەن سىناق بولدى.

«نامىس مەنى ءولتىردى. «مىنا گۇلسىمنىڭ قىزى اجىراسىپ كەلىپتى. قولىنداعى بالاسىمەن كەلىپتى» دەگەن سوزدەردى ەستىمەۋ ءۇشىن الماتىعا كەلىپ، تورت-بەس جەردە جۇمىس ىستەدىم. جوقتىقتى دا سول كەزدە كوردىم»، - دەيدى يمانبايەۆا.

ءومىر ساباعى

ايگۇل يمانبايەۆا سول كەزدەگى قيىندىقتاردى ءوز كۇشىمەن ەڭسەرۋگە تىرىسقانىن ايتتى. بىرنەشە جەردە قاتار جۇمىس ىستەۋ وعان جاۋاپكەرشىلىكتى سەزىنۋگە، بار مەن جوقتىڭ ءقادىرىن تۇسىنۋگە ۇيرەتكەن. اكتريسا بۇل تاجىريبەنى ومىرىنە ۇلكەن ساباق بولعانىن اتاپ ءوتتى.

«اداسپايمىن دەپ ءجۇرىپ اداستىم، ءبىراق سول اداسۋ ارقىلى ءوز جولىمدى تاپتىم. قيىندىقتى جەڭدىم. اشتىق پەن توقتىقتىڭ، بارشىلىق پەن جوقشىلىقتىڭ ءقادىرىن سول كەزدە عانا ۇقتىم»، - دەپ ويىن قورىتىندىلادى ول.

ايگۇل يمانبايەۆا كىم؟

ايگۇل سەرىكقۇل قىزى يمانبايەۆا – 1977 جىلى 15 ناۋرىزدا جامبىل وبلىسىندا دۇنيەگە كەلگەن قازاقستاندىق ءانشى، اكتريسا، پروديۋسەر. تەمىربەك جۇرگەنوۆ اتىنداعى ونەر اكادەمياسىن بىتىرگەن. عابيت مۇسىرەپوۆ اتىنداعى اكادەميالىق تەاتردىڭ اكتريساسى، «حابار» ارناسىنداعى «ۇيات بولماسىن» باعدارلاماسىنىڭ جۇرگىزۋشىسى رەتىندە تانىمال. كينو سالاسىندا دا بەلسەندىلىك تانىتىپ، بىرنەشە فيلمدە باستى رولدەردى سومداعان. 2006 جىلى «دارىن» مەملەكەتتىك جاستار سىيلىعىنىڭ لاۋرەاتى، 2011 جىلى جەكە «ا.ي» دراما تەاترىن اشقان. قازاقستاننىڭ ەڭبەك سىڭىرگەن قايراتكەرى.