InfoHub Logo

ايتىسكەر اقىن بالعىنبەك يماشيەۆتىڭ ۇلى، «Qazaq Travel» كومپانياسىنىڭ اتقارۋشى ديرەكتورى دانيار يماشيەۆقا قاتىستى الاياقتىق دەرەگى بويىنشا قىلمىستىق ءىس قوزعالدى. بۇل تۋرالى Infohub.kz جازادى.

مەككەگە قاجىلىققا بارۋعا نيەت بىلدىرگەن ءبىر توپ ازامات «Qazaq Travel» كومپانياسىنا الدىن الا تولەم جاساپ، ساپارعا دايىندالعان. الايدا، ۇشۋعا ءبىر كۇن قالعاندا كومپانيا تاراپىنان رەيستىڭ بولمايتىنى تۋرالى حابارلاما العان. كليەنتتەردىڭ ايتۋىنشا، كومپانيا بۇل جايلى الدىن الا ەسكەرتپەگەن جانە ناقتى تۇسىنىكتەمە دە بەرمەگەن.

قازىرگى ۋاقىتتا 50-گە جۋىق ازامات پوليسياعا شاعىم تۇسىرگەن. قىلمىستىق ءىس اياسىندا ءۇش كۇدىكتى انىقتالىپ، ولاردىڭ ءبىرى – دانيار يماشيەۆ. پوليسيا تەرگەۋ امالدارىن جۇرگىزىپ جاتىر.

بالعىنبەك يماشيەۆ بۇل ماسەلەگە قاتىستى پىكىر ءبىلدىرىپ، ۇشاق پەن ءقوناقۇي باعالارىنىڭ كۇرت ءوسۋى قيىندىقتار تۋعىزعانىن ايتىپ، بۇل جاعدايدىڭ الاياقتىق ەمەس ەكەنىن مالىمدەگەن.

الايدا قاجىلىققا بارا الماعان ازاماتتار تولەنگەن قاراجاتتىڭ قايتارىلۋىن تالاپ ەتىپ وتىر. ولار «Qazaq Travel» كومپانياسىنىڭ باسقا ازاماتتاردى دا قيىن جاعدايعا قالدىرماۋىن سۇرايدى.

پوليسيا دەپارتامەنتى تەرگەۋ ناتيجەلەرى بويىنشا ءتيىستى شەشىم قابىلداناتىنىن حابارلادى.