تايلاندتا قازاقستاندىق تۋريستەر مىنگەن كاتەر ورتەندى
تايلاندتا دەمالىپ جۇرگەن قازاقستاندىق تۋريستەر كۇتپەگەن وقىس وقيعاعا تاپ بولدى. جەرگىلىكتى تەڭىز كولىگىنە مىنگەننەن كەيىن، كاتەر كەنەتتەن جارىلىپ، تولىقتاي وتقا ورانعان. سالدارىنان ەكى وتانداسىمىز ءتۇرلى دەڭگەيدەگى جاراقات العان.
جولاۋشىلاردىڭ ايتۋىنشا، قايىقتاعى ءورت اپ-ساتتە لاپ ەتىپ، ولار قۇتقارۋشىلار جەتكەنشە ءوز كۇشىمەن امان قالۋعا تىرىسقان. اپات سالدارىنان زارداپ شەككەندەردىڭ جەكە قۇجاتتارى، باعالى زاتتارى مەن اقشالارى تولىعىمەن جانىپ كەتكەن.
تۋريستەردىڭ قازىرگى جاعدايى مەن وقيعانىڭ سەبەبى تۋرالى ناقتى اقپاراتتى جەرگىلىكتى بيلىك انىقتاپ جاتىر. ال جاراقات العان ازاماتتار دارىگەرلەردىڭ باقىلاۋىندا.
You Might Also Like
-
ىستامبۇلدا بەسىنشى كۇنگە جالعاسىپ جاتقان نارازىلىق شەرۋلەرى تولاستار ەمەس. كەرىسىنشە، جاعداي ۋشىعىپ بارادى. تۇركيانىڭ قۇقىق قورعاۋ ورگاندارى شەرۋشىلەرمەن بىرگە جۋرناليستەردى دە ۇستاۋعا كىرىستى.
-
ساتبايەۆ قالاسىنىڭ پوليسياسى جول قوزعالىسى ەرەجەلەرىن 54 رەت بۇزعان 26 جاستاعى جۇرگىزۋشىنى انىقتادى. ول Mercedes-Benz ماركالى كولىگىمەن جۇيتكىپ، بىرنەشە رەت جىلدامدىقتى اسىرعان.
