اكادەميالىق ادالدىق ليگاسىنا كىرەتىن 16 جوو جۇمىسىنا قاناعاتتانۋ دەڭگەيى انىقتالدى
اكادەميالىق ادالدىق ليگاسىنا كىرەتىن 16 قازاقستاندىق جوو ستۋدەنتتەرى اراسىندا جۇرگىزىلگەن ساۋالناما وسى ءبىلىم مەكەمەلەرىنىڭ قىزمەتىنە قاناعاتتانۋ دەڭگەيى 79،9% ەكەنىن كورسەتتى. بۇل تۋرالى اكادەميالىق ادالدىق ليگاسىنىڭ جالپى جينالىس-فورۋمىندا ءمالىم بولدى.
«اكادەميالىق ادالدىق ليگاسى» جوو-لار قاۋىمداستىعىنىڭ باسپا ءسوز قىزمەتى تاراتقان اقپاراتقا سايكەس، ساۋالناماعا 23 457 ءبىلىم الۋشى – ليگا مۇشەلەرى قاتىسقان.
ساۋالناما 10 نەگىزگى سانات بويىنشا جۇرگىزىلدى: اكادەميالىق ادالدىق؛ پاندەردى وقىتۋ جانە باعالاۋ؛ باعالاۋ جانە كەرى بايلانىس؛ تىركەۋ كەزىندە پاندەردى تاڭداۋ؛ جەكە دامۋ؛ اكادەميالىق قولداۋ؛ اقپاراتتىق رەسۋرستار مەن قىزمەتتەر، قاتىسۋ، ماتەريالدىق-تەحنيكالىق بازا جانە كامپۋس، قاشىقتىقتان وقىتۋ.
پايدالانىلعان ەسەپتەۋ ادىستەمەسىنە سايكەس، ليگاعا مۇشە جوعارى وقۋ ورىندارى بويىنشا قاناعاتتانۋدىڭ ورتاشا دەڭگەيى – 79،9%.
«اكادەميالىق ادالدىق ليگاسى جالپى جوعارى ءبىلىم بەرۋدىڭ دامۋىنا اسەر ەتەتىن اكادەميالىق، ادالدىق پەن ادىلەتتىلىك ارالى رەتىندە قابىلدانادى. اكادەميالىق ادالدىق ليگاسىنىڭ ءرولى – ءبىزدىڭ ءومىرىمىزدى جاقسى جاققا وزگەرتەتىن وقۋ پروسەسى ارقىلى ەلىمىزدىڭ قۇرمەتتى، لايىقتى ازاماتىن دايىنداۋ»، - دەدى عىلىم جانە جوعارى ءبىلىم ۆيسە-مينيسترى قۋانىش ەرعالييەۆ.
فورۋم اياسىندا جوعارى وقۋ ورىندارىنىڭ ءوزىن-وزى رەتتەۋى، سىبايلاس جەمقورلىققا قارسى ءىس-قيمىل، اكادەميالىق ادالدىق مادەنيەتىن دامىتۋ تەتىكتەرى جانە القالىلىق ارقىلى ساپانى قامتاماسىز ەتۋ سياقتى وزەكتى ماسەلەلەرىنە ارنالعان پىكىرتالاس ءوتتى.
You Might Also Like
-
XXI عاسىر – الەۋمەتتىك جەلىلەر مەن تەحنولوگيالار دامىعان، سيفرلاندىرۋ زامانى. الەم ەلدەرى كۇننەن كۇنگە، كوز ىلەستىرمەي دامۋدا، ەكونوميكالىق-ساياسي، ءبىلىم مەن عىلىم ىلگەرىلەپ، قالالار گۇلدەنۋدە...
-
"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق مەملەكەتتىك مەكەمەسىنىڭ الەۋمەتتىك تاپسىرىس اياسىندا «جامبىل وبلىسى «قازاقستان ستۋدەنتتەر...
