ءال-فارابي اتىنداعى قازۇۋ- بايتاق ەلدىڭ باعانالى ورداسى
بالاپانداي قانات قاققان ءاربىر جاستى باۋىرىنا باسىپ، دامۋىنا ۇلەس قوسىپ كەلە جاتقان ماڭداي الدى ۋنيۆەرسيتەت ول – قازۇۋ. قازاقستانداعى ەڭ بەدەلدى ۋنيۆەرسيتەتتەردىڭ ءبىرى جانە بولاشاق ۇرپاققا ساپالى ءبىلىم بەرۋ ءۇشىن تاماشا اكادەميالىق بازاعا يە. 1934 جىلى نەگىزى قالانعان ۋنيۆەرسيتەت وتاندىق عىلىم مەن تەحنيكانىڭ، مادەنيەتتىڭ جانە جوعارى ءبىلىمنىڭ قالىپتاسۋى مەن دامۋىنا ولشەۋسىز ۇلەس قوسىپ، سونىمەن بىرگە مەملەكەتىمىزدىڭ دامۋىندا تىرەك، باعدار بولا ءبىلدى. ۋنيۆەرسيتەتتە مىقتى ءبىلىم العىسى كەلەتىن ءاربىر ستۋدەنت ءۇشىن ءبىرقاتار لايىقتى مۇمكىندىكتەر بار. ۋنيۆەرسيتەتتە قازاقستانداعى ەڭ ۇلكەن جانە ەڭ باي كىتاپحانالاردىڭ ءبىرى بار.ءال-فارابي اتىنداعى قازاق ۇلتتىق ۋنيۆەرسيتەتىنىڭ عىلىمي كىتاپحاناسى ورتالىق ازياداعى ەڭ ءىرى كىتاپحانالاردىڭ ءبىرى بولىپ سانالادى. قازۇۋ جاس عالىمدارعا جاقسى جابدىقتالعان جاتاقحانا ۇسىناتىن ستۋدەنتتىك قالا سانالادى. ۋنيۆەرسيتەتتە 5000-نان استام ستۋدەنتتى قابىلداي الاتىن 14 ۇلكەن جاتاحانا ورنالاسقان. ۋنيۆەرسيتەتتە 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتتارى مەن ورتالىقتارى، تەحنوپارك بار. سونىمەن قاتار، 2 مىڭنان استام پروفەسسورلار، عىلىم دوكتورلارى، فيلوسوفيا كانديداتتارى مەن دوكتورلارى، 100-دەن استام ءىرى اكادەميكتەر، 40-تان استام قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى، 40-قا جۋىق مەملەكەتتىك سىيلىقتىڭ يەگەرلەرى بار.ۋنيۆەرسيتەت كەرەمەت جانە جان-جاقتى اكادەميالىق باعدارلامالاردى ۇسىنادى. جىل سايىن قازۇۋ-دىڭ 2000-نان استام ستۋدەنتى تىلدىك دايىندىقتان، سونداي-اق شەتەلدىك عىلىمي جانە وقۋ ورىندارىندا عىلىمي تاعىلىمدامادان وتەدى. ۋنيۆەرسيتەت جىل سايىن ۋنيۆەرسيتەتتىڭ 600-دەن استام پروفەسسورلىق-وقىتۋشىلىق جانە اكىمشىلىك قىزمەتكەرلەرىنە حالىقارالىق كونفەرەنسيالارعا، شەتەلدىك جوعارى وقۋ ورىندارى مەن تمد، ەۋروپا، سولتۇستىك جانە وڭتۇستىك امەريكا، تاياۋ شىعىس جانە ازيا ەلدەرىندەگى ۇيىمدارعا شەتەلدىك ءىسساپارلار ۇيىمداستىرادى. وقۋ عيماراتتارى الماتىنىڭ ەكولوگيالىق تازا جانە گۇلدەنگەن ايماعىندا ورنالاسقان. ۋنيۆەرسيتەت اۋماعىندا: ءو.ا.جولداسبەكوۆ اتىنداعى ستۋدەنتتەر سارايى، عىلىمي كىتاپحانا، ينتەرنەت ورتالىعى، سپورت كەشەنى مەن ستاديون، سونداي-اق «كەرەمەت» ستۋدەنتتەرگە قىزمەت كورسەتۋ ورتالىعى ورنالاسقان.
مەن «ەكونوميكا جانە بيزنەس جوعارى مەكتەبى» فاكۋلتەتىندە ءبىلىم الۋدامىن. ەكونوميكا جانە بيزنەس جوعارى مەكتەبى فاكۋلتەتى 1943 جىلى اشىلىپ، 1963 جىلى حالىق شارۋاشىلىعى ينستيتۋتىنىڭ قۇرىلۋىنا نەگىز بولعان، قازاقستانداعى جوعارى بىلىكتى ەكونوميكا ماماندارىن دايارلايتىن ەڭ العاشقى جانە كەڭ اۋقىمدى قامتيتىن ورتالىق. جىل سايىن ەكونوميكا جانە بيزنەس، مەنەدجمەنت جانە ماركەتينگ، قارجى، ەسەپ جانە اۋديت سالاسىندا فاكۋلتەتتەن جىلىنا 500-دان استام باكالاۆر تۇلەپ ۇشادى. ۋنيۆەرسيتەت قابىرعاسىندا ءبىلىم سالاسى بويىنشا ساپا مەن دامۋدىڭ ناقتى ۇلگىسىن كورسەتىپ كەلە جاتقان «ەكونوميكا جانە بيزنەس جوعارى مەكتەبى» فاكۋلتەتىنىڭ الار ورنى ەرەكشە. اتالعان فاكۋلتەت قۇرامىندا ەڭبەك ەتەتىن ءاربىر ۇستاز ءوز شاكىرتتەرىنە مول ءبىلىم مەن رۋحاني دامۋدىڭ جولدارىن كورسەتىپ، ءتۇسىندىرۋ ءۇشىن ەش ايانباي ەڭبەك ەتىپ كەلە جاتىر. فاكۋلتەت ستۋدەنتتەرى مەن ۇستازدارىنىڭ ءبىر ورتاعا توعىسىپ، بىرگە ارەكەت ەتۋ ىسىندە فاكۋلتەت دەكانى ل.بيمەندييەۆانىڭ ۇلەسى وتە زور دەپ ايتا الامىن. ءوزىم ءبىلىم نارىمەن سۋسىنداپ جاتقان «قارجى جاگە ەسەپ» كافەدراسى جانە كافەدرا مۇعالىمدەرىنە ايتار العىسىم شەكسىز.
ءبىلىم مەن رۋحاني قاسيەتتەردى وسى وقۋ جىلدارى ىشىندە بويعا سىڭىرۋگە كومەكتەسكەن ءاربىر ۇستازدىڭ ءبىزدىڭ جۇرەگىمىزدەن الار ورنى ەرەكشە ەكەندىگى انىق.
سەمبينا بالاۋسا،
ءال-فارابي اتىنداعى قازۇۋ ەكونوميكا جانە بيزنەس جوعارى مەكتەبى فاكۋلتەتى
«ەسەپ جانە اۋديت» ماماندىعىنىڭ 4-كۋرس ستۋدەنتى
عىلىمي جەتەكشىسى:
ە.ع.ك.، دوسەنت سۇلتانوۆا ب.ب.
You Might Also Like
-
ناۋرىز ۇبت-سىن 111 مىڭعا جۋىق تالاپكەر تاپسىردى. ونىڭ ىشىندە تۇلەكتەردىڭ 75%-ى قازاق تىلىندە، 25%-ى ورىس تىلىندە، 141 ادام اعىلشىن تىلىندە تەستىلەۋدەن ءوتتى.
-
ءححى عاسىر عىلىم مەن ءبىلىمنىڭ وركەندەگەن كەزەڭى. زامان اعىمىنا ساي تەحنولوگيالار جاڭارىپ، تالاپ وزگەردى. دەگەنمەن، قوعامداعى ەڭ ءبىرىنشى قاجەتتىلىك ساۋاتتىلىق پەن ءبىلىم ءوز مارتەبەسىن جويعان ەمەس. قاز...
