tengrinews.kz
الاكول جاعالاۋىنداعى ۇلكەن شۇڭقىر قازاقستاندىقتاردىڭ نارازىلىعىن تۋدىردى
الەۋمەتتىك جەلىدە الاكول اۋدانىنداعى اقشي اۋىلىنىڭ جاعالاۋىنداعى ۇلكەن شۇڭقىردىڭ بەينەجازباسى پايدا بولدى. بەينە اۆتورىنىڭ ايتۋىنشا، بۇل جەرگە بولاشاق قوقىس پوليگونى ءۇشىن شۇڭقىر قازىلعان.
«بۇل جەرگە قوقىس تاستاي باستادى. بۇرىن بۇل ءۇشىن جاعالاۋدان بىرنەشە شاقىرىم جەردەگى باسقا ورىن پايدالانىلاتىن ەدى. ەندى دەمالىس بازاسىنىڭ جانىنا پوليگون سالۋدى ۇيعاردى»، - دەيدى بەينە اۆتورى.
بۇل جازبا قازاقستاندىقتاردىڭ نارازىلىعىن تۋدىرىپ، بيلىكتەن دەرەۋ تەكسەرۋ جۇرگىزۋدى تالاپ ەتتى. جەلى قولدانۋشىلارىنىڭ پىكىرىنشە، ءيىس پەن قوقىس بۇكىل كول جاعالاۋىن لاستايدى.
الاكول اۋداندىق اكىمدىگى بەينەجازباعا قاتىستى جاۋاپ بەرىپ، جاعالاۋ ماڭىندا قاتتى تۇرمىستىق قالدىقتار پوليگونىن سالۋ جوسپارلانباعانىن مالىمدەدى. جەرگىلىكتى تۇرعىندار مەن دەمالىس بازالارىنىڭ يەلەرى كولدەن الىس ورنالاسقان ارەكەتتەگى پوليگوندى پايدالاناتىنى اتاپ ءوتىلدى.
«بەينەدە كورسەتىلگەن شۇڭقىر قوقىس الاڭىنا ارنالماعان. بۇل ۋچاسكە وتكەن جىلى كىرمە جولداردى سالۋ كەزىندە قۇم جانە باسقا دا قۇرىلىس ماتەريالدارىن ءوندىرۋ ءۇشىن پايدالانىلعان. سوندىقتان، كورسەتىلگەن جەردە جاڭا قوقىس پوليگونىنىڭ قۇرىلىسى تۋرالى تاراتىلعان اقپارات شىندىققا سايكەس كەلمەيدى»، - دەدى الاكول اۋدانى تكش ءبولىمىنىڭ باسشىسى ەركەبۇلان تۇرعانوۆ.
انىقتالعانداي، الاڭداتقان شۇڭقىردى كومىپ، تەگىستەۋ جوسپارلانۋدا. بولاشاقتا بۇل اۋماق دەمالۋشىلاردىڭ جايلىلىعىن ارتتىرۋ ءۇشىن جاڭا نىساندارمەن اباتتاندىرىلۋى مۇمكىن.
-
قاسىم-جومارت توقايەۆ رەسەي، وزبەكستان، ازەربايجان جانە ارمەنيا باسشىلارىمەن تەلەفون ارقىلى سۇحباتتاستى. اڭگىمە بارىسىندا ەكىجاقتى جانە كوپجاقتى ماسەلەلەر تالقىلاندى.
-
Concerns over a large pit near Alakol Lake have been addressed by local authorities، who deny any plans for a new landfill in the popular tourist area.
