InfoHub Logo

الداعى بەس جىلدا جەر بەتىندەگى ورتاشا تەمپەراتۋرا رەكوردتىق دەڭگەيگە جەتۋى ىقتيمال. دۇنيەجۇزىلىك مەتەورولوگيالىق ۇيىمىنىڭ (دمۋ) جاڭا ەسەبى بويىنشا، 2026-2030 جىلدار ارالىعىنداعى بەس جىلدىق كەزەڭ سوڭعى 70 جىلداعى ەڭ ىستىق كەزەڭ بولۋى كۇتىلۋدە. سينوپتيكتەردىڭ بولجامىنا قاراعاندا، 2027 جىل ەڭ ىستىق جىل بولماق.

بۇل تۋرالى Infohub.kz اقپارات اگەنتتىگى حابارلايدى.

جىلىنۋدىڭ جاڭا كەزەڭى

دمۋ ەسەبىندە كورسەتىلگەندەي، 2026-2030 جىلدار ارالىعىنداعى ورتاشا تەمپەراتۋرا 1850-1900 جىلدارداعى ورتاشا كورسەتكىشتەن 1،3-1،9 گرادۋسقا جوعارى بولۋى مۇمكىن. بۇل كورسەتكىش پاريج كەلىسىمىندە بەلگىلەنگەن 1،5 گرادۋس شەگىنەن اسىپ كەتۋ ءقاۋپىن ارتتىرادى.

2027 جىل – ەڭ ىستىق جىل بولۋى مۇمكىن

ەسەپتە 2026-2030 جىلدار ارالىعىنداعى ءبىر جىلدىڭ تاريحي بايقاۋلار بويىنشا ەڭ ىستىق جىل بولىپ شىعۋىنا 86 پايىز مۇمكىندىك بەرىلگەن. بۇل رەكوردتى 2024 جىلعى كورسەتكىشتەن اسىرۋى مۇمكىن. مەتەورولوگتار ەل-نينو قۇبىلىسىنىڭ اسەرىنەن 2027 جىل جاڭا رەكورد ورناتۋى ىقتيمال دەپ بولجايدى.

باسقا دا كليماتتىق وزگەرىستەر

الداعى بەس جىلدا اركتيكاداعى قىسقى تەمپەراتۋرالار ورتاشا كورسەتكىشتەن 2،8 گرادۋسقا جوعارى بولادى دەپ كۇتىلۋدە. سولتۇستىك ەۋروپا ءۇشىن جاقىن بەس جىلدا وتە ىلعالدى قىستار بولۋى مۇمكىن، بۇل سۋ تاسقىنى ءقاۋپىن ارتتىرادى.

بۇعان دەيىن قازاقستاندا 2025 جىل 1941 جىلدان بەرگى ەڭ ىستىق جىل بولعانى حابارلانعان ەدى.