ult.kz
«قارا بۇركىت» كولونياسىندا سوتتالعاندار مەكتەپ ءبىتىردى
قوستاناي وبلىسىنداعى ايگىلى «قارا بۇركىت» كولونياسىندا «سوڭعى قوڭىراۋ» سالتاناتى ءوتتى. بۇل جولى مەكتەپ باعدارلاماسىن اياقتاعان سوتتالعاندارعا ارنالعان شارا ۇيىمداستىرىلدى.
بۇل تۋرالى Infohub.kz اقپارات اگەنتتىگى حابارلايدى.
ءبىلىم العاندار كىمدەر؟
وبلىستىق قىلمىستىق-اتقارۋ جۇيەسى دەپارتامەنتىنىڭ مالىمەتىنشە، ءجىتىقارا قالاسىنداعى №39 قاتاڭ رەجيمدەگى مەكەمەدە ءبىلىم العاندار ءومىر بويىنا سوتتالعاندار ەمەس. ولار مەكەمەنىڭ شارۋاشىلىق جۇمىستارىنا تارتىلعان ازاماتتار بولىپ شىقتى. بۇل ازاماتتار اسحانا، تازالىق جانە ىشكى شارۋاشىلىققا جاۋاپ بەرەتىن توپ قۇرامىندا جازاسىن وتەپ ءجۇر.
سالتاناتتى كەش
مەكەمەدە وتكەن شارادا تۇلەكتەر گيتارامەن ءان شىرقاپ، بىر-بىرىنە ىزگى تىلەكتەرىن ءبىلدىردى. ۇيىمداستىرۋشىلاردىڭ ايتۋىنشا، كەش وتە جىلى اتموسفەرادا ءوتتى. سونداي-اق، تۇلەكتەرگە جاڭا ماقساتتار قويىپ، ومىرگە باسقاشا كوزقاراسپەن قاراۋعا باعىتتالعان اقىل-كەڭەستەر بەرىلدى.
ايتا كەتەيىك، «قارا بۇركىت» كولونياسى قازاقستانداعى ەڭ قاتاڭ رەجيمدەگى اباقتىلاردىڭ ءبىرى سانالادى. مۇندا اسا اۋىر قىلمىس جاساعاندار جازاسىن وتەيدى.
-
دۇنيەجۇزىلىك مەتەورولوگيالىق ۇيىمىنىڭ (دمۋ) جاڭا ەسەبى بويىنشا، 2026-2030 جىلدار ارالىعىندا جەر بەتىندەگى ورتاشا تەمپەراتۋرا تاريحي كورسەتكىشتەردى جاڭارتۋى مۇمكىن.
-
Convicts at the 'Black Eagle' colony in Kostanay region have completed their schooling، marking a significant step towards rehabilitation and a new life.
