InfoHub Logo

ەگەر ادام قۇمىرسقانىڭ ولشەمىنە دەيىن كىشىرەيە الاتىن بولسا، ول اياۋسىز قىرعىن سوعىس، شەكتەن شىققان ۇرلىق پەن قيان-كەسكى تارتىپ الۋشىلىققا كۋا بولار ەدى. قۇمىرسقالاردىڭ ەڭ اسەرلى 10 ءتۇرى مەن ولاردىڭ ارەكەتتەرى جايلى دەرەكتەر. 

10. Cardiocondyla obscurior: مافيوزي-قۇمىرسقالار

C. Obscurior قۇمىرسقالارىنىڭ وتارىندا ءبىر عانا اتالىق قۇمىرسقا بولا الادى. ەگەر قۇمىرسقانىڭ يلەۋىنە قارسىلاس جاقىنداي باستاسا، باسشى اتالىق قۇمىرسقا ارتقى تەسىگىنەن حيميالىق قوسىلىس شىعارادى. وسى ءيىستى سەزگەن جۇمىسشى-قۇمىرسقالار قارسىلاستى تەز ارادا ءولتىرۋ ءۇشىن جينالا قالادى. سونىمەن قاتار الفا-اتالىق قۇمىرسقا-انالىقتاردىڭ جاڭا تۋىلعان ەركەك جىنىستى داراقتاردى ءولتىرىپ وتىرۋلارىن قاداعالايدى. مۇنى جاڭا تۋىلعان سابيمەن ىستەۋ وڭاي. ءبىراق ءومىرىنىڭ ەكىنشى كۇنى جاندىكتىڭ قابىرشاعى قاتايىپ، قارسىلاستار «ولتىرەتىن» ءيىس شىعارىپ، جۇمىسشى-قۇمىرسقالاردى توبەلەسكە يتەرمەلەپ، قيان-كەسكى ۇرىس باستالادى. 14% جاعدايدا جاس اتالىق جەڭەدى، 43% — جۇمىسشىلار ۇرىستىڭ قىزۋ ۇستىندە ەكى «باسشىنى» دا ءولتىرىپ الادى، ال ولاردىڭ دەنەلەرىمەن دەرناسىلدەردى قورەكتەندىرەدى.

9. Crematogaster Striatula: ۋلاعىش-قۇمىرسقالار

افريكالىق قۇمىرسقا C. Striatula — اققۇمىرسقالاردى اڭدۋدىڭ مامانى. ولجانى كورە قالعان كەزدە جىرتقىش وعان قۇرساعىمەن اينالىپ، ۋلى زاتتى شاشادى. ساناۋلى مينۋتتاردان كەيىن اققۇمىرسقا ارقاسىنا قۇلاپ، ولگەنشە اياقتارىن تىرباڭداتىپ جاتادى. سونىمەن قاتار C. Striatula باسقا قۇمىرسقالاردان قورعانۋ ءۇشىن ۋلى سپرەي قولدانادى. بۇل ۋلى زات جايلى اققۇمىرسقالاردان باسقا قۇمىرسقالار جاقسى ءبىلىپ العان.

8. Temnothorax Pilagens: كورىنبەيتىن قۇمىرسقالار

كىپ-كىشكەنتاي T. Pilagens قۇمىرسقالارىندا، نەمەسە ۇرلىقشى دەپ اتالاتىن قۇمىرسقالاردا ءوز جۇمىسشىلارى جوق، سول سەبەپتى ولار وزدەرىنەن دە كىشى، وتارلارى ءبىر قارىنعا سياتىن تۇقىمداستارىنىڭ دەرناسىلدەرىن ۇرلاپ اكەتەدى. ۇرلىقشىلار ءبىر عانا ەسىك ارقىلى ىشكە بىلدىرتپەي كىرەدى. عالىمدار، T. Pilagens قۇمىرسقالارى حيميالىق بەتپەردە كيەدى دەپ بولجايدى. بۇل ولاردىڭ دۇشپاندارعا كورىنبەي ەنۋىنە مۇمكىندىك بەرەدى.

7. Solenopsis Fugax: بالا ءولتىرۋشى قۇمىرسقالار

S. Fugax تا باسقالاردىڭ دەرناسىلدەرىن ۇرلايدى، ءبىراق قۇلدىقتا ۇستاۋ ءۇشىن ەمەس، جەۋ ءۇشىن. بالا ولتىرۋشىلەر تۋننەل ارقىلى «بالالار بولمەسىنە» ەنەدى دە، جاعىمسىز ءيىستى فەرومونداردى شاشادى. بۇدان باسقا قۇمىرسقالار قاشىپ كەتەدى دە، قۇمىرسقالار تولدەردى الىپ قاشىپ، تىرىدەي جەيدى.

6. Cephalotes Specularis: تىڭشى-قۇمىرسقالار

C. Specularis نەمەسە اينالى تاسباقا-قۇمىرسقالار تاماق كوزىن تابۋ ءۇشىن Crematogaster اmpla جاۋىنگەر قۇمىرسقالاردى اڭديدى. ال كەيىن وزدەرىن قارسىلاس رەتىندە ۇستاپ، دۇشپانىمەن بىرگە تاماققا تالاسادى. بۇل قۇمىرسقالاردىڭ كوزبەن شولۋ ميميكرياسىنىڭ عىلىمعا ءمالىم جالعىز مىسالى.

5. Formicoxenus Nitidulus: ناۋەتەك-قۇمىرسقالار

F. Nitidulus نەمەسە جىلتىراق قۇمىرسقا-قوناقتار 11 ءتۇرلى قۇمىرسقالاردىڭ وتارىندا ارامتاماق بولىپ جۇرە الادى. شاقىرىلماعان قوناقتار جۇمىس ىستەمەيدى، تاماق ىزدەمەيدى، يلەۋدى قورعامايدى، تەك قانا ارامتاماق بولىپ جاتا بەرەدى. بۇل ىستەرى ءتىپتى جازالانبايدى دا. ارامتاماقتى ۇستاپ العان كۇزەتشى قۇمىرسقالار ودان جيىركەنىپ، تەزىرەك شىعارىپ سالۋدى ويلايدى. شىنىمەن، قولدارى كوزدەرىنەن شىعاتىن ۇسقىنسىز جاندىك كىمدە بولسىن جيىركەنىش تۋدىرادى.

4. Dinoponera Quadriceps: جازاقور-قۇمىرسقالار

D. Quadriceps (دينوزاۆر-قۇمىرسقالار) قۇمىرسقالارىنىڭ ۇزىندىعى 2،5 سم-گە دەيىن جەتەدى، ال جالعىز رەپرودۋكتيۆتى جاتىرىنىڭ ورنىنا الىپتاردا الفا-ۇرعاشى بار، ونى 5 بەتا-ۇرعاشى قورشاپ جۇرەدى. ولاردىڭ ءارقايسى قاجەت بولعان جاعدايدا «حانىم-انانىڭ» ورنىن باسۋعا دايىن. كەيبىر كەزدە ولاردىڭ ءبىرى كۇتۋدەن جالىعىپ، ءوز بەتىنشە جۇمىرتقا باسۋعا كىرىسىپ كەتەدى. مۇنداي جاعدايدا الفا-ۇرعاشى حيميكاليي جىبەرىپ، جۇمىسشى-قۇمىرسقالارعا قىلمىسكەر ۇرعاشىنى 4 كۇنگە جەرگە قاداپ قويۋدى بۇيىرادى. جازاسىن وتەپ بولعان سوڭ، «بەتا» مارتەبەسىنەن ايرىلىپ، تومەنگى تاپتىڭ جۇمىسشى دەڭگەيىنە تۇسەدى. ەگەر، ارينە، تۇتقىندا وتىرعاندا اشتان ءولىپ قالماسا.

3. Pachycondyla Chinensis: ينە-قۇمىرسقالار

ازياتتىق ينە-قۇمىرسقالار ارگەنتينالىق اعايىندارىن تۋعان جەرىنەن بىرتىندەپ ىعىستىرۋدا. عالىمدار ءالى كۇنگە دەيىن كەلىمسەكتەردىڭ جاۋىنگەر ابوريگەندەردى قالاي جەڭەتىنەن ويلاپ، باس قاتىرۋدا. نۇسقالاردىڭ ءبىرى بويىنشا، ينە-قۇمىرسقالاردىڭ سۋىققا ءتوزىمدى ەكەنىندە. بۇل ولاردىڭ بەلسەندى جۇپتاسۋىنا، كوبەيۋىنە جانە تۋىس-قارسىلاستارىن جەۋىنە كوبىرەك ۋاقىتى بار ەكەنىن بىلدىرەدى.

2. Pheidole: سۋپەرسارباز-قۇمىرسقالار

Pheidole ءتۇرىنىڭ قۇمىرسقالارى نەمەسە قازانباس قۇمىرسقالار ءۇش كاستاعا بولىنەدى: ۇساق جۇمىسشىلار، ءىرى ساربازدار جانە ءداۋ سۋپەرساربازدار. سوڭعىلارىنىڭ باس ولشەمى «قاتارداعى» جۇمىسشىلاردان ءۇش ەسە ۇلكەن.

1. NylanderiaFulva: قۇتىرعان-قۇمىرسقالار

N. Fulva، باسقاشا ايتقاندا رەسبەرري قۇتىرعان قۇمىرسقالار، اقش-تىڭ وڭتۇستىگىندەگى وتتى قاس قۇمىرسقالاردى جويادى. وتتى قۇمىرسقالاردىڭ ۋى ددت ينسەكتيسيدىنەن ءۇش ەسە ۋلى. كوپتەگەن جاندىكتەردىڭ بۇل ۋعا تويتارىس بەرەتىن ەشتەڭەسى جوق. ءبىراق «قۇتىرعان» قۇمىرسقالارعا ەشبىر زاڭ جۇرمەيدى: حيميالىق شابۋىل كەزىندە وزگەنىڭ ۋىتىن تويتارۋ ءۇششىن ولار ءوز ۋىنا ورانادى.

---