الەمدەگى ەڭ جىلدام تاسباقا جانە جانۋارلاردىڭ باسقا دا رەكوردتارى
گينەستىڭ رەكوردتار كىتابى 2016 جىلعى باسىلىمىنىڭ كورسەتىلىمىن جاسادى. كورسەتىلىمدە ولار جان-جانۋارلاردىڭ رەكوردتارىنا كوپتەۋ كوڭىل ءبولدى. كىتاپتاعى مىڭداعان رەكوردشىلاردىڭ اراسىندا - ەڭ جىلدام تاسباقا، ەڭ مامىق قويان جانە ەڭ مىقتى قاقپاشى يت بار.
جاقىندا Guinness World Records-2016 باسىلىمى جاريالاندى. ونىڭ ەلەكتروندى نۇسقاسى ۇيىمداستىرۋشىلاردىڭ رەسمي سايتىندا بار. ۇيىمداستىرۋشىلار جۋرناليستتەرگە باسىلىمدى كورسەتە كەلە، باسىلىمداعى جان-جانۋارلاردىڭ رەكوردتارىنا اسا كوڭىل اۋداردى. مىسالى جەر بەتىندەگى ەڭ اۋىر جۇرەكتىڭ سالماعى 680 كگ، ول كوك كيتكە تيەسىلى.
جەر بەتىندەگى ەڭ كارى شوشقا - كانادالىق ەرنەستينا اتتى شوشقا. ول 2014 جىلى 23 جاس 76 كۇنىندە ولگەن. بۇل شوشقا وسى كاتەگورياداعى رەكوردتى ءالى ۇستاپ تۇر. رەكوردتار كىتابىنىڭ وكىلدەرىنە بۇدان كوپ ءومىر سۇرگەن شوشقا ءالى بەلگىسىز.
سونىمەن قاتار بۇل باسىلىمدا جاپوندىق پۋرين دەپ اتالاتىن فۋتبولشى-يت تە بار. ول "قاقپادا 1 مينۋتتا الدىڭعى ەكى اياعىمەن ەڭ كوپ دوپتى قايتارعان" دەگەن كريتەريامەن كىرگەن. پۋرين ءوزىنىڭ قابىلەتىمەن ءبىر جىلدىڭ ىشىندە ادامزاتتى ەكى رەت تاڭ قالدىردى. ول قاڭتار ايىندا 11 دوپ قايتارسا، بىرنەشە اي وتكەننەن كەيىن 14 دوپ قايتارعان.
"ەڭ ۇزىن ءمۇيىز" كاتەگورياسىن امەريكالىق لەيزي بليۋگراسس اتتى وگىز جەڭىپ العان. ونىڭ ءمۇيىزىنىڭ ۇزىندىعى 297،8 سم.
ەڭ ۇزىن ءجۇن فرانچەسكي اتتى اقش-تىق قويانعا تيەسىلى. ونىڭ ءجۇنىنىڭ ۇزىندىعى 36،5 سم.
ال ەڭ جىلدام تاسباقا اتاعىن انگليالىق بەرتي اتتى تاسباقا جەڭىپ العان. ول ءبىر ساعاتتا 0،6 ميل (966م-گە جاقىن) جۇرەدى، جانە 100 مەتردى 6 مينۋتتا ءجۇرىپ وتەدى ەكەن.
You Might Also Like
-
كۇز تۋرالى شىعارما تابيعات جاراتىلىسى وزىنە ءتان جىل ون ەكى اي ءتورت مەزگىلمەن ۇشتاسادى. ءار مەزگىل ءوز سۇلۋلىعىمەن تاڭداي قاقتىرارلىقتاي. مىسالى قىس - مامىقتاي جۇمساق، كىرشىكسىز تازا كوڭىلدەي اپپاق...
-
1. جولاۋشىنىڭ ءبىر ەشكىسى، ءبىر كاپۋستاسى، ءبىر قاسقىرى بار. ول وزەننىڭ ءبىر جاعىنان ەكىنشى جاعىنا ەكى ورىندى قايىق ارقىلى ءوتۋى كەرەك. جولاۋشى ەشكىنى، كاپۋستا جانە قاسقىردى وزەننەن قالاي وتكىزدى؟ قاسقى...
