InfoHub Logo

تاقىرىبى: «الەمدى تەربەتكەن مەيىرىم»
ماقساتى: ا) انا جايلى ۇلاعاتتى سوزدەر، ولەڭدەر، ماقال - ماتەلدەر ارقىلى اناعا سۇيىسپەنشىلىكپەن قاراۋعا، انا مەيىرىمىن، ماحابباتىن، جاقسىلىعىن ءتۇسىندىرۋ.
ءا) انانى ءسۇيۋ ارقىلى ەلىنە، جەرىنە دەگەن سۇيىسپەنشىلىگىن ارتتىرۋ.
ب) وقۋشىلاردى ىنتىماق پەن بىرلىككە، تاتۋلىق پەن ۇجىمدىققا، انانى قۇرمەتتەۋگە تاربيەلەۋ.
ساباقتىڭ ءتۇرى: دوڭگەلەك ۇستەل.
كورنەكىلىگى: ينتەراكتيۆتى تاقتا.

ۇلاعاتتى سوزدەر:
انا - ءبىزدىڭ گۇلىمىز،
انانىڭ ءبىز - گۇلىمىز.
ۇلانداردى قۋانتىپ،
ۇزاق ءومىر ءسۇرىڭىز.
ۇرپاقتارعا باقىت جولىن اڭساعان،
تىلەيتۇعىن سىرتتاي ءجۇرىپ ب ا ق ساعان،
تىرشىلىكتىڭ تىنىسى مەن اجارى
انا دەگەن - تەڭدەسى جوق جاقسى ادام.

3. انا! انا دەسە تولقىمايتىن جۇرەك، تاسىمايتىن قان، تەربەلمەيتىن سەزىم بولۋى مۇمكىن ەمەس!
ءجۇرۋ بارىسى
ءى. ءمۇعالىم ءسوزى:
ارمىسىزدار، انا - انالار، ۇستازدار!
قازاق ايەل زاتىن ەرەكشە قادىرلەگەن. ءومىردىڭ اششى - تۇششىسىن كورىپ، ىسىلا بىلگەن، تۇياعى تاسقا سالسا كەتىلەر، سۋعا سالسا جەتىلەر دەگەن ويمەن ۇلىن جەل وتىندە ۇستاسا، قىزىن از كۇندىك قوناعىم، التىننىڭ سىنىعى، شۇعىنىڭ قيىعى دەپ بوركىنىڭ توبەسىنە ۇكى قاداپ، ۇلپىلدەتىپ وسىرگەن.
مىنە جىل ارالاتىپ، كوكتەمنىڭ ارالاتىپ، كوكتەمنىڭ العاشقى كۇندەرىمەن كەلەتىن «8 ناۋرىز مەيرامى قۇتتى بولسىن!» دەمەكپىن. وسى جەردە وتىرعان بارلىق انالارعا، ۇستازدارعا، قىزدارعا وتباستارىنا بەرەكە، بىرلىك تىلەيمىن. مەيرامدارىڭىز قۇتتى بولسىن!.

انا - ءاربىر ادامنىڭ جارىق دۇنيەدەگى ەڭ جاقىنى، جاناشىرى، ءقادىرلىسى، قامقورشىسى، اق ءسۇتىن ەمىزىپ ايالاعان، جانىن دا اياماعان ارداقتىسى. ومىرگە كەلگەننەن باستاپ جانىمىزدان تابىلاتىن مەيىرىمدى جان - انا. دۇنيەدە انادان جاقىن كىم بار بالاعا؟ ءوزىنىڭ جاعدايىنا قاراماسا دا، بالاسىنا بايەك بولادى. ءوز اۋزىنان جىرىپ بار ءتاتتى - ءدامدىسىن، جىلى جۇمساعىن بالاسىنا قويادى. ءسال نارسەگە قاباعىڭ تۇسسە، ەڭ اۋەلى كورىپ قوياتىن، نە بولدى دەپ، ۇرەيى ۇشىپ، تىنىم تاپپاي جانىڭنان تابىلاتىن - دا سول عازيز جان. اناعا تەڭەۋ جەتپەيتىنى دە سوندىقتان. اباي اتامىز: «بەس نارسەدەن قاشىق بول، بەس نارسەگە اسىق بول»- دەپ ەسكەرتكەنىن ۇقتىراتىن انا ءبىزدى بەس نارسەدەن قاشىق، بەس نارسەگە اسىق بولسىن دەپ بەينەتتەنەدى. ۇلگى كورسەتىپ ونەرگە، جاقسىعا باۋليدى. ءار انا ءوز بالاسىن تىسىمەن تىستەپ ءجۇرىپ، قاناتتىعا قاقتىرماي، تۇمسىقتىعا شوقىتتىرماي، ارلى، نامىستى بولىپ وسۋگە قولىنان كەلگەنىن ايامايدى. بار انا بالاسىمەن ماقتانىپ، بالاسىمەن مىڭ جاساۋدى ارماندايدى. انا - ءبىزدىڭ سارقىلمايتىن بۇلاعىمىز. ول بىزدەرگە ءموپ - ءمولدىر، تۇنىق كۇيىندە ۇلگى ونەگەسىمەن سۋسىنداتۋعا جارالعان ەرەكشە جاراتىلىس يەسى. ەندەشە بۇگىنگى سىنىپ ساعاتىمىزدى وسى انالارعا ارنايمىز.

ءىى. مەيىرىم مەن انا ءسوزىنىڭ اراسىندا قانداي بايلانىس بار دەپ ويلايسىزدار؟ (بالالار ءوز ويلارىن ايتادى)
ءمۇعالىم:
انا – بۇل جەل جاعىمىزعا پانا، ءبارىمىز ءۇشىن دانا، انا – دەگەندە سوزگە كەلمەيتىن ءتىل، ءلۇپىل قاقپايتىن جۇرەك، مولتىلدەمەيتىن جانار جوق. بالاعا انادان ارتىق ادام، انادان قىمبات جان جوق.
راسىندا دا ادامنىڭ ادەپتىلىگى مەن جان دۇنيەسىنىڭ سۇلۋلىعى ەڭ الدىمەن بالاعا اق ءسۇتىن بەرىپ،
الپەشتەپ وسىرگەن انا جۇرەگىنىڭ جىلۋىنان باستالادى.
ءقازىر ءار توپ انا تۋرالى جىر شۋماقتارىن ارنايدى.
1 توپ:
ءۇش ءارىپ، ەكى بۋىن انا دەگەن
قىسقا ءسوز، ماعىناسى تەرەڭ
ادامدى، جان - جانۋاردى، ماقۇلىقتى
ءبارىن دۇنيەگە انا اكەلگەن
ءوسىرىپ ۇرپاقتارىن تاربيەلەۋدى،
تابيعات وزدەرىنە مىندەتتەگەن.
2 توپ:
انا - جۇرەك، جۇرەكتى قۇدىرەتتە،
انا - تىرەك، تىرەكتى قۇرمەتتە.
انا - شىڭىڭ، شىڭىڭا ساعىنىپ جەت،
انا - كۇنىڭ، كۇنىڭە تابىنىپ ءوت.
3 توپ:
بالاسىن قورعاۋ ءۇشىن تايسالمايدى،
قاھارلى جاۋىنان دا قارسى كەلگەن
سولار عوي بۇل فانيگە ءومىر بەرگەن
وسىلاي انالارعا باعا بەرگەم،
نە قۇرمەت كورسەتسە دە ۇرپاقتارى

بورىشى انا الدىندا وتەلمەيدى.
ءمۇعالىم:
راسىندا دا ادامنىڭ ادەپتىلىگى مەن جان دۇنيەسىنىڭ سۇلۋلىعى ەڭ الدىمەن بالاعا اق ءسۇتىن بەرىپ، الپەشتەپ وسىرگەن انا جۇرەگىنىڭ جىلۋىنان باستالادى.
بويىمىزداعى ەڭ جاقسى قاسيەتتەر بىزگە الدىمەن انادان تارايدى. انانىڭ نازىك ءۇنى، جۇمساق تا ايالى الاقانى، جان جىلۋىمەن ايالاۋى ءبىزدى الديلەپ جۇباتادى، كوڭىلىمىزدى سەرگىتەدى. قايران انا ءوز پەرزەنتىن ادەمى نە ۇسقىنسىز، اقىلدى نە اقىماق، مەيىرىمدى نە راقىمسىز، كەسىر - قىرسىق بولسا دا ءبارىبىر شەكسىز سۇيەدى.

دۇنيەدە انانىڭ كوز جاسىنان سالماقتى، ودان اۋىر تارازى باسىن باساتىن ەشتەڭە جوق. ويتكەنى انانىڭ كوز جاسى ءوزىنىڭ كيەسىمەن اۋىر. «ات بيدەن تۋادى، الىپ انادان تۋادى» دەيدى حالقىمىز. دۇنيەدە اناسىز ادام جوق. قالامى جۇيرىك جازۋشى دا، دانىشپان عالىم دا، ەل باسقارعان كوسەم دە، كۇمىس كومەي ءانشى مەن مىڭ بۇرالعان ءبيشى دە انادان تۋىپ، سونىڭ كوكىرەگىنەن ءنار الىپ وسكەن.
انا - تىرشىلىكتىڭ گ ۇلى، وتباسىنىڭ بەرەكەسى، بۇكىل ادامزاتتىڭ تاربيەشىسى.
ءىى. دانالار ايتقان ەكەن. توپ مۇشەلەرى ناقىل سوزدەر ايتىپ شىعادى.
عۇلامالاردىڭ ايتقان سوزدەرى:
1) دۋلات باباتاي ۇلى: «اتا - انانىڭ اقىلى - قارۋلى قارا جولمەن تەڭ».
2) و. بالزاك: «انا كورەگەندىگىنىڭ تەڭدەسى جوق».
3) م. گوركيي: « ادامدار - ءارقاشاندا ءوز انالارىنىڭ پەرزەنتتەرى. انا بولماسا اقىن دا، باتىر دا بولمايدى».
4) ب. گ. بەلينسكيي: «انا ءوز بالاسىن جانىمەن دە، قانىمەن دە سۇيەدى».
5) ۆ. ا. سۋحوملينسكيي: «انا زاتىنىڭ ەرلىگى مەن قاجىرلىعى ەر ازاماتقا بەكزاتتىق، سۇلۋلىق، اق نيەتتىلىك، ادالدىق قاسيەتتەرىن بەرەتىندىگىنە مەن مىڭ مارتە كوز جەتكىزدىم».

ءىىى. بەينەتاسپادان ولەڭدى تىڭداپ، ونى تالداۋ. «پەرزەنت سىرى»، «انا ساعىنىشى».
ماقال - ماتەل جارىسى.
1) اناسىن سۇيگەننىڭ بالاسىن ءسۇي.
2) انانىڭ كوڭىلى بالادا،
بالانىڭ كوڭىلى دالادا.
3) انانىڭ ءسۇتى - بال،
بالانىڭ ءتىلى - بال.
4) اناڭدى مەككەگە ءۇش رەت ارقالاپ اپارساڭ دا قارىزىڭنان قۇتىلا المايسىڭ.
5) اتادان وسيەت
انادان قاسيەت.
6) اتاسىز ءۇي باتاسىز،
اناسىز ءۇي پاناسىز.
6) اعايىن التاۋ،
انا بىرەۋ.
7) انا ءسۇتىن اقتاماعاندى
ەشكىم جاقتامايدى.
8) اتا - اسقار تاۋ،
انا - باۋىرىنداعى بۇلاق.
بالا - جاعاسىنداعى قۇراق
4. وقۋشى:
8 ناۋرىز 2013 جىل كوكتەمى،
قىستىڭ كەتتى ايازىنىڭ وكتەمى.
مەرەكەڭىز قۇتتى بولسىن حانىمدار،
كۇندەي بولىپ جارقىراڭدار كوكتەگى!
ايەل، قىزدار سەندەر كوكتەم گۇلىسىڭ،
اقىنداردىڭ ولەڭ ارنار جىرىسىڭ.
ۇرپاق جالعاپ، ءومىر سىيلاپ ادامعا...
عاسىرلارعا جالعاسادى بۇل ءىسىڭ.
قۇتتى بولسىن انالاردىڭ مەيرامى!
جارقىراڭدار، جاز كۇنىندەي جايدارى!
مەرەكەسى بۇل كوكتەمنىڭ العاشقى!
باقىت بەرسىن ءار كوكتەمنىڭ ايلارى
5. ءمۇعالىم: راحمەت. ءبىزدىڭ دە شارامىز اياقتالۋعا جاقىن. ءقازىر سوڭعى ءبولىم «اۆتور ۇستەلى» دەپ اتالادى. كەز كەلگەن وقۋشى مىنا ورىندىققا وتىرىپ، اناسىنا دەگەن سەزىمىن جەتكىزۋگە بولادى، نەمەسە مەرەكەسىمەن قۇتتىقتاۋعا بولادى، ءتىپتى كەشىرىم دە سۇراۋعا بولادى، ەگەر رەنجىتكەن بولساڭدار. ال، كەزەك سەندەردە.
6. راحمەت. الەمدى تەربەتەدى انا الاقانى، انا مەيىرىمى جەر بەتىن جىلىتادى، انا ماحابباتى بارلىعىمىزدى ايالايدى. ەندەشە، انالارىڭدى قۇرمەتتەڭدەر، ايالاڭدار، رەنجىتپەڭدەر دەمەكپىن. ءقازىر انالارىڭدى مەرەكەسىمەن قۇتتىقتاپ سىيلىقتارىڭدى تابىس ەتىڭىزدەر.