InfoHub Logo

«العاشقى قوڭىراۋ» سالتاناتتى جيىنى
قىمباتتى ۇستازدار، اتا - انالار، وقۋشىلار! ءبىلىم ورداسىنىڭ جاڭا وقۋ جىلىنداعى مەرەكەسىنە بارشاڭىزدا قوش كەلدىڭىزدەر!

قاعىلدى زور قوڭىراۋ كۇمبىرلەدى،
ارالاپ ايلىق جەردى، كۇندىك جەردى،
ىلەسىپ سول قوڭىراۋ ۇنىمەنەن
قازاقتىڭ دالاسىنا ءبىلىم كەلدى! – دەپ اقىندارىمىز جىرلاعانداي ءبىلىم كۇنىمەن قۇتتىقتاي وتىرىپ، سالتاناتتى جيىنىمىزدى اشىق دەپ جاريالايمىز!

ال ساعا الەم كەزىپ، ءانۇرانىم
قالىقتا ەلتاڭباسى شاڭىراعىم
كوك بايراق كوگەرت مەنىڭ كوسەگەمدى
اسپاندات اتام قازاق ءارۋاعىن!
قازاقستان رەسپۋبليكاسىنىڭ مەملەكەتتىك تۋى سالتاناتتى تۇردە اكەلىنسىن!(ءانۇران ايتىلادى)

كەلدى مىنە، قىركۇيەك ەسىك اشىق
سەن كىرەسىڭ ەسىگىڭ ەپتەپ اشىپ
الىپپەنى الاسىڭ، قىزىقتايسىڭ
بىرەۋ ەمەس بىرنەشە بەتتەن اشىپ – دەگەندەي كۇز ايىنىڭ العاشقى كۇنى 1 - قىركۇيەك – ءبىلىم كۇنى. بۇگىنگى كۇننىڭ ەرەكشەلىگى مەكتەپ دەپ اتالاتىن ءبىلىم وردامىز تاعى دا كىشكەنتاي 23 بۇلدىرشىنمەن تولىققالى وتىر.
ولار ءبىرىنشى رەت مەكتەبىمىزدىڭ ەسىگىن اشىپ، تابالدىرىعىن اتتاماقشى.
/مەكتەپ تابالدىرىعىن اتتاعالى تۇرعان وقۋشىلاردى ورتاعا شاقىرامىز./
جاستا بولسا مەكتەبىمە باس بولعان
ۇجىم ءۇشىن تالاي ءىستى باسقارعان
ءسوز الادى باسشىلارى مەكتەپتىڭ
قۇتتىقتاۋعا جاڭا وقۋمەن باستالعان – دەي كەلە العاشقى قۇتتىقتاۋ ءسوز كەزەگىن مەكتەپ ديرەكتورى جولدىبايەۆا دانا ساۋباي قىزى حانىمعا، وقۋ ءىسىنىڭ مەڭگەرۋشىسى ورازعالييەۆا ينديرا.
سالەم بەردىك قوناقتار بارشاڭىزعا،
سىزدەرمەن تولا بەرسىن ورتامىزدا،
بۇگىنگى ەل باسقارعان ازاماتتار،
ايتادى اق تىلەگىن ۇستازدارعا - دەي كەلە قۇتتىقتاۋ ءسوز كەزەگى اۋىل اكىمى مىرزاعا، اۋداندىق ءبىلىم ءبولىمىنىڭ باس ەكونوميسى مىرزاعا، اۋداندىق ءماسليحاتىنىڭ (دەپۋتاتىنىڭ) دەپۋتاتى حانىمعا بەرىلەدى.

بۇگىنگى مەرەكە اتا - انالار ءۇشىن ەرەكشە. سەبەبى ءبىرىنىڭ بالاسى العاش مەكتەپكە كەلگەنىنە، ال ەكىنشىسى سىنىپتان سىنىپقا كوشىپ ءبىلىم تابالدىرىعىنىڭ ساتىلارىنا كوتەرىلگەنىنە قۋانىپ جاتادى، سوندىقتان ولاردىڭ قۋانۋى مەن قوبالجۋى ورىندى. ولاي بولسا قۇتتىقتاۋ ءسوز كەزەگى اتا - انالارعا بەرىلەدى.
ارداگەر ۇستاز، ارداگەرلەر كەڭەسىنىڭ ءتوراعاسى: دۇيسەنوۆ ق مىرزاعا، اتا - انالار ءتورايىمى: مۋسينا گ حانىمعا بەرىلەدى.
ۇستازداردىڭ ارقاسىندا شاتتانىپ،
ءسوزىن تۋ عىپ بولاشاققا اتتانىپ،
مەكتەبىمدە ۇستازدار بار ارداگەر،
بارلىعىمىز جۇرەتۇعىن ماقتان عىپ.
قۇتتىقتاۋ ءسوز كەزەگى ۇستازدار اتىنان
تويلايدى بۇگىن ءبىلىم كۇنىن
ءبىزدىڭ بايتاق باقىتتى ەل.
ۇستازداردى شىن جۇرەكتەن،
قۇتتىقتايدى شاكىرتتەر - كەلەسى قۇتتىقتاۋ مەكتەپ ۇلاندارىنا بەرىلەدى.
قوڭىراۋ ءۇنى سىڭعىرلا،
ەستىلدى جىلى جانىما.
كۇلكىدەي اسەم سىلدىرلاپ،
بوبەكتى جيدى ماڭىنا.

ءبىلىمنىڭ گۇلىن اشىلعان،
تەرۋمەن وقىپ ءجۇر ەكەن.
باقىتقا ءبىزدى شاقىرعان،
قوڭىراۋ داۋسى جىر ەكەن - دەي كەلە جاڭا وقۋ جىلىنىڭ العاشقى قوڭىراۋ سوعۋ كەزەگىن مەكتەبىمىزدىڭ 11 - سىنىپ وقۋشىسى مەكتەپ تابالدىرىعىن اتتاعالى تۇرعان كىشكەنتاي بۇلدىرشىندەرىمىزگە ۇسىنامىز. قازاقستان رەسپۋبليكاسىنىڭ مەملەكەتتىك تۋى سالتاناتتى تۇردە اكەتىلسىن.

ومىردە باقىتتى ادام وزدەرىمە،
قۇدىرەت دانالىق بار سوزدەرىڭدە،
اياۋلى ۇستازدارعا تىلەرىمىز،
نۇر ويناپ ءجۇرسىن اركەز جۇزدەرىڭدە!- دەي كەلە سالتاناتتى جيىنىمىزدى اياقتايمىز. سىنىپ جەتەكشىلەرىنىڭ دايىنداپ كەلگەن «استانا - قازاقستان حالقىنىڭ بىرلىگى مەن تاۋەلسىزدىگىنىڭ نىشانى» اتتى سىنىپ ساعاتتارىن تىڭداۋعا شاقىرامىز. جىلدىڭ بارشا ايى ءارقايسىڭىزعا تەك جاقسىلىقپەن قۋانىش اكەلسىن. ساۋ بولىڭىزدار.