InfoHub Logo

العاشقى قوڭىراۋ
(سالتاناتتى جيىنى)
ءومىردىڭ بەيبىت باعى گۇل
اسۋدان اسىپ اسقارلى
مىنەكەي، دوستار تاعى ءبىر
جاڭا وقۋ جىلى باستالدى.
وتكەرىپ جازدى دۇبىرمەن،
تۋعان جەر ءتوسىن تەربەتتىك.
ۋاقىتپەن العا جۇگىرگەن،
ءبىر جاسقا بىزدەر ەرجەتتىك.

قۇرمەتتى ۇستازدار، اتا - انالار، وقۋشىلار! 1 قىركۇيەك – ءبىلىم كۇنى قۇتتى بولسىن! بويعا قۋات، ويعا تىڭ سەرپىن بەرەتىن جازعى دەمالىستا اياقتالىپ، ءبىر - بىرلەرىڭىزبەن ىستىق ىقىلاسپەن قۋانا قاۋىشاتىن تاعى ءبىر تاماشا ءسات كەلىپ جەتتى. ەندەشە، جاز قىزىعىنا بولەنگەن جاس وركەندەردى تالىمگە شاقىراتىن كۇمىس قوڭىراۋ قايتا سوعىلماق.
بۇگىن - ءبىلىم كۇنى. بۇل كۇن - ءار بالانىڭ كوكىرەگىنە نۇر قۇيىلعان، ءار ۇستازدىڭ جۇرەگى تەبىرەنىپ، كوڭىلى شارىقتاعان، ءار اتا - انانىڭ مەرەيى وسە تۇسكەن ناعىز قۋانىشتى كۇن. بالانىڭ بىلىمگە تالپىنىسى مەكتەپكە كەلۋدەن، ءتىل ۇيرەنۋدەن، ۇجىممەن تانىسۋدان باستالادى.
12 جىلدىق ءبىلىم نەگىزىن قالاۋشى بۇلدىرشىندەر - مەكتەپ الدى دايارلىق توبى. سوندىقتان مەكتەپ الدى دايارلىق توبىنىڭ بۇلدىرشىندەرىنە اق جول تىلەپ، قۇرمەتپەن ورتاعا شاقىرامىز.(مۋزىكا)
مەكتەپ الدى دايارلىق توبىنىڭ ۇستازدارى --------------------

گۇلگە تولى ومىرلەر،
بالعىن جۇزبەن بالاۋسا،
الىپ ۇشقان كوڭىلدەر.
تولقىماسىن قالايشا.
كوڭىل تولى نۇر اعىس
مەندە شاتتىق جايدامىن
قۇتتى بولسىن قۋانىش
قۇتتى بولسىن مەيرامىڭ

بۇگىنگى كۇن 1 سىنىپقا قابىلدانۋشى شاكىرتتەر ءۇشىن ۇمىتىلماس كۇن. ەندەشە ورتاعا جۇزدەرى بال - بۇل جانعان بالعىن، شاكىرتتەرىمىزدى قوشەمەتپەن قارسى الايىق. 1

الدارىڭىزدا 1 ا سىنىبى. سىنىپ جەتەكشىسى ق. ر.- ڭ ءبىلىم بەرۋ ءىسىنىڭ ۇزدىگى ----------------------------------

ورىن تاۋىپ شاكىرت جۇرەك تورىڭنەن،
سۋسىنداتقان ۇلكەن ءبىلىم كولىنەن،
قيالدارىن تەربەپ شاكىرت جانىنىڭ.
جول سىلتەدىڭ «ورىن تاپ»دەپ ومىردەن

ورتاعا 1 ب سىنىبىن شاقىرامىز. سىنىپ جەتەكشىسى ق. ر.- ڭ ءبىلىم بەرۋ ءىسىنىڭ ۇزدىگى ------------------------.

اجىراماي مەكتەپتەن ءبىر ەلى ءسىز،
جاقسىلىققا جارالعان جۇرەگىڭىز،
كوڭىلىڭ جاز، مىنەزىڭ بار كوكتەمدەي.
ەركەلەۋشى ەدى شاكىرتتەرىڭ وكتەمدەي.

نازار اۋدارىڭىزدار! سالتاناتتى جيىنعا ق. ر.- ڭ كوك بايراعى اكەلىنسىن.
(تۋ اكەلىنەدى) ءانۇران ورىندالادى.

كەۋدەسىندە كۇمبىرلەپ اسقاق ءانى،
ۇستازدى قادىرلەيدى جاس تا كارى،
ءبىلىمنىڭ بيىگىنە باسقان قادام،
العاشقى قوڭىراۋدان باستالادى.
سوندىقتان بۇگىنگى كۇن بولەك تەگى
وشپەيدى جۇرەكتە اسەر ورنەكتەرى
ءارقاشان ۇستاز ءسوزى قانات بەرەر
ءومىردىڭ كەزدەسسە دە كوپ وتكەلى.

ءاربىر شاكىرتتى ءبىلىم ءنارىن جيناۋعا شاقىراتىن «العاشقى قوڭىراۋ» سالتاناتىن اشۋ ءۇشىن ءسوز مەكتەپ ديرەكتورى -------------------------- بەرىلەدى.

2 الدارىڭىزدا 2005 - 2006 وقۋ جىلىنان باستاپ ابدۋلحاميت رايىمبەرگەنوۆتىڭ «مۇراگەر» باعدارلاماسى بويىنشا ءدارىس الىپ، ءوز قابىلەتتەرىن شىڭداپ، ونەر بيىگىنە تالپىنعان جاس بۇلدىرشىندەر. اۋداندىق كوركەمونەرپازدار بايقاۋىنىڭ باس جۇلدە يەگەرلەرىنىڭ ورىنداۋىندا حالىق ءانى: «گۇلدەرايىم»
كوركەمدىك جەتەكشىسى: ايتماعانبەتوۆا اقجان.

اجىراماي مەكتەپتەن جۇرەسىز ءسىز،
جاقسىلىققا جارالعان جۇرەگىڭىز.
ءسوز بەرەيىك قۇرمەتپەن وزىڭىزگە.
بارشاڭىزعا ارنالعان تىلەگىڭىز.

قۇتتىقتاۋ ءسوز اۋداندىق ءبىلىم ءبولىمىنىڭ باستىعى ----------------------------------------- بەرىلەدى.
كەلەسى قۇتتىقتاۋ ءسوز كەزەگى اۋداندىق حالىقتىق دەموكراتيالىق «نۇر وتان» پارتياسىنىڭ فيليالىنىڭ ءتوراعاسى -------------------------------------- بەرىلەدى.
كەلەسى قۇتتىقتاۋ ءسوز كەزەگى اۋداندىق شالقار گازەتىنىڭ رەداكتورى ------------------------ مىرزاعا بەرىلەدى.
مەكتەبىمىزدىڭ ءانشىسى -------------------------- ورىنداۋىندا ە. حاسانعالييەۆتىڭ «اتامەكەن» ءانىن قابىل الىڭىزدار.
بۇگىنگى كۇن مەكتەپ تابالدىرىعىن العاش رەت اتتاپ وتىرعان جاس بۇلدىرشىندەر مەن ولاردى قابىلدايتىن مۇعالىمدەر ءۇشىن ەرەكشە كۇن.

سان جاستىڭ قامىن شەرتەسىڭ،
تاعدىرىن ويلاپ تولعانىپ
ءار ءۇيدىڭ ءبىر - ءبىر ەركەسىن
ۇيرەتەسىڭ قولعا الىپ
ۇستازسىز جولدا سونبەس كۇن
شاكىرتسىز ءومىر – سۋسىز جەر
كورىنبەس عاجاپ ەڭبەكتىڭ
بەينەتىن كەشىپ جۇرسىزدەر

كەلەسى قۇتتىقتاۋ ءسوز 1 ا سىنىپ جەتەكشىسى، ق. ر.- ڭ ءبىلىم بەرۋ ءىسىنىڭ ۇزدىگى -------------------------------- بەرىلەدى.

3. بيىل وزدەرىڭىزگە بەلگىلى ەل تاۋەلسىزدىگىنىڭ باستى تىرەگى، ەلىمىزدىڭ باس قالاسى، ايبىنى بولىپ وتىرعان استانانىڭ 10 جىلدىق مەرەي تويى ءوتتى. بۇل – تاۋەلسىزدىگىمىزدى پاش ەتەتىن توي – دۋمان. بۇل قازاقستاننىڭ قارقىندى دامۋى مەن جاڭارۋىن بىلدىرەتىن مەرەي تويدىڭ ءبىرى.
بارشاڭىزدى استانانىڭ 10 جىل مەرەي تويىمەن قۇتتىقتاي وتىرىپ ورتاعا مەكتەبىمىزدىڭ قۋاندىقوۆا ايىمگۇلدى شاقىرامىز. ايىمگۇلدىڭ ورىنداۋىندا «استانام» ءانىن قابىل الىڭىزدار.
ورتاعا بالعىن بۇلدىرشىندەردى قۇتتىقتاۋ ءۇشىن 2 سىنىپ وقۋشىلارىن شاقىرامىز.(ولەڭدەرىن وقيدى).

ەر جەتىپ ەسەيگەندە بالاپانى.
ارايلاپ اتادى ەكەن دالا تاڭى. يىسكەپ ماڭدايىنان سيپالايتىن،
قىمبات قوي اتا - انانىڭ الاقانى.

اتا - انالار اتىنان قۇتتىقتاۋ ءسوز اقمامبەتوۆا سايا اپايعا بەرىلەدى.
جاس تالاپكەرلەردىڭ تالانتىن اشۋ، پوەزيا ساحناسىنا جولداما بەرۋ ماقساتىندا اقتوبە قالاسىندا «ناسيحات» باسپاسىنان شالقار اۋدانى مەكتەپ وقۋشىلارىنىڭ تۋىندىلارى ەنگەن «تاڭ نۇرى» اتتى كىتاپ باسىلىپ شىقتى.
وسى كىتاپقا شىعارمالارى ەنگەن مەكتەبىمىزدىڭ ءبىرقاتار وقۋشىلارىنا كىتاپتى تابىس ەتۋ ءۇشىن ءسوز مەكتەپ ديرەكتورى -------------------------------- بەرىلەدى.
بۇگىنگى مەرەكەمىزدىڭ ەڭ ءبىر قۋانىشتى ەستە قالار ءساتى –جاڭا وقۋ جىلىنىڭ العاشقى قوڭىراۋ سوعۋ ءراسىمى.
سىڭعىرلادى قوڭىراۋ، كۇمبىرلەدى،
ارالاپ ايلىق جەردى، كۇندىك جەردى،
ىلەسىپ سول قوڭىراۋ ۇنىمەنەن
قازاقتىڭ دالاسىنا ءبىلىم كەلدى.
قىركۇيەك – ءبىلىم كۇنىمەن،
اڭقىعان حوش ءيىس گۇلىمەن
كەلىپ ەم، قارسى الدى مەكتەبىم
سۇيىكتى قوڭىراۋ ۇنىمەن،- دەگەندەي العاشقى قوڭىراۋ سوعۋ ءراسىمى. 1 سىنىپقا قابىلدانعان -------------------------، 11 سىنىپ وقۋشىسى -------------------------- بەرىلەدى.

4. ايالار بەيبىت كۇن نۇرى
مەكتەبىم بىزگە جورگەكسىڭ
العاشقى قوڭىراۋ سىڭعىرى
ءان بولىپ سەنى تەربەتسىن
سىڭعىرلا قوڭىراۋ سىڭعىر قاق
جاڭا وقۋ جىلىن اشقاسىن
بال ءۇنىڭ سەنىڭ سىرلى ىرعاق
سىنىپقا ءبىزدى باستاسىن.

نازار اۋدارىڭىزدار!
سالتاناتتى جيىننان ق. ر.- نىڭ كوك بايراعى اكەتىلسىن.

ءانۇران وينالادى.
ۇستازداردىڭ جارقىراپ شىراقتارى
ءبىلىم بەرىپ شاكىرتكە سىر اقتارار.
كەدەرگىسى نارىقتىڭ اسقىنباسىن
تاسقىنداسىن ءبىلىمنىڭ بۇلاقتارى
اتا - انا، شاكىرت، ۇستازدار،
قۇتتى بولسىن مەرەكەڭ.
شاتتىق ويناپ ءار ۇيدە،
كىرە بەرسىن بەرەكەڭ.

قۇرمەتتى ۇستازدار، اتا - انالار، بالعىن ءجۇزدى شاكىرتتەر! ءبىلىم مەرەكەسىنە ارنالعان سالتاناتتى جيىنىمىز وسىمەن اياقتالدى.