كوللاج: sn.kz
«ءالى كۇنگە دەيىن سەنبەيمىن»: ابىلاي ارمان ۇلىنىڭ سۇيىكتىسىنىڭ حاتى جەلىنى جىلاتتى
مارقۇم ارمان دۇيسەنوۆتىڭ ۇلى ابىلاي ارمان ۇلىنىڭ سۇيىكتىسى ارۋنا اسحات قىزى ءبىر جىل بۇرىن جازعان حاتىن جەلىگە جۇكتەپ، كوپشىلىكتىڭ جۇرەگىن ەلجىرەتتى، دەپ جازادى Qazaq Today اقپارات پورتالى.
جاريالاعان حاتىندا ول سۇيگەن جارىنان ايىرىلعان ساتتەگى جان كۇيزەلىسى مەن ساعىنىش سەزىمىن باياندايدى. ارۋنا ءوز جازباسىندا ابىلايدىڭ ومىرىندەگى ورنىنىڭ ەرەكشە بولعانىن اتاپ ءوتىپ، ونىڭ قازاسىنا ءالى كۇنگە دەيىن سەنبەيتىنىن جەتكىزگەن.
«سەنى جوعالتۋ – وتە اۋىر. سەن مەن ءۇشىن جاي عانا جاقىن ادام ەمەس، جانىمنىڭ ءبىر بولىگى ەدىڭ. جۇرەگىم سىزدايدى. ءالى كۇنگە دەيىن قاسىمدا جوق ەكەنىڭە سەنبەيمىن»، – دەيدى ول.
سونداي-اق ارۋنا ولاردىڭ بىرگە تۇسكەن سۋرەتتەرىنىڭ بۇگىندە ەڭ قىمبات ەستەلىكتەرگە اينالعانىن ايتىپ، ابىلايدىڭ كۇلكىسى مەن جىلى سوزدەرى جانىنا ءالى دە مەدەۋ ەكەنىن جازعان.
«سەن ومىرىمە قۋانىش پەن جارىق سىيلادىڭ. مەن سەنى ءاردايىم ەسىمدە ساقتايمىن. جۇرەگىمدە وشپەس ءىز قالدىردىڭ»، – دەپ ءبولىستى ول.
حاتتىڭ سوڭىندا ارۋنا سۇيىكتىسىنە ماڭگىلىك تىنىشتىق تىلەپ، ونىڭ ءوز ومىرىندەگى ورنىن ەشقاشان ەش نارسە الماستىرا المايتىنىن اتاپ وتەدى.
You Might Also Like
-
"قايرات" فك باقىلاۋ كەڭەسىنىڭ ءتوراعاسى قايرات بورانبايەۆ الەۋمەتتىك جەلىدە تاريحي جەتىستىككە قاتىستى پىكىر ءبىلدىردى، دەپ حابارلايدى Infohub.kz.
-
据 infohub.kz 的消息，居住在中国新疆维吾尔自治区的哈萨克族老人，因从政府领取的 高额养老金 而引起哈萨克斯坦网民的关注。
